| E prome edificio na mundo cu ta move! |
|
|
|
| Thursday, 26 June 2008 - 00:00 | ||||||||||||||||||||||||||
 Recientemente na New York, e architecto Italiano Dr. David Fisher di Dynamic Architecture a presenta su diseño y master plan pa un edificio di 80 piso cu lo wordo construi na Dubai, United Arab Emirates. E edificio aki yama Dynamic Tower y lo costa $700 miyon. Y ya caba e ta wordo yama un revolushon den mundo di architectura. Anto si bo ta puntra bo mes ta kiko ta hasi e edificio aki asina special? Wel, cada un di e 80 pisonan lo por draai individualmente 360 grado rond di nan as. E edificio lo ta completamente pre-fabrica. Click read more pa mas detayes y imagen.
Y ademas di esey e Dynamic Tower lo por genera su mesun corriente! Door cu cada piso por draai individualmente, e forma di e edificio lo ta cambia constantemente y e architectura lo ta cada biaha algo unico. Bo lo por hasta wak solo subi y baha door di mesun bentana.
Cada parti di e edificio lo wordo pre-fabrica na Italia y despues manda pa Dubai. Na Dubai e partinan ta wordo hinka den otro hopi lihe; cada piso por wordo contrui den 7 dia. E methodo aki lo baha hopi costo di construccion y labor. Pa 2010 e Dynamic Tower lo ta cla. E Dynamic Tower lo ta un planta grandi di green energy. Mei mei di cada piso lo tin un turbina di biento. Hunto e 79 turbinanan aki lo por genera corriente pa henter e edificio y por genera corriente pa e bencindario tambe. E segundo Dynamic Tower lo wordo constuí na Moscou City, Russia y lo yama Rotating Tower. E edificio aki lo tin 70 piso, lo costa $ 400miyon y lo ta cla na 2010. E di tres Dynamic Tower ta plania pa New York. Paíznan manera Duitsland, Canada, Italia, Korea y Switserland a expresa interes pa construí nan Dynamic Tower tambe. E combinashon di movemento, e methodo di construccion effieciente y green energy ta hasi cu e Dynamic Tower lo cambia y anuncia un era nobo den mundo di architectura. Pa mas informashon of si bo kier hasi un reservashon pa un apartment of penthouse den e Dynamic Tower Dubai, bo por bai na: www.dynamicarchitecture.net
dendenchi
said:
|
||||||||||||||||||||||||||
 |
Ta pesei mes nos mester paga sumanan astronomico pa e sheik nan aki tin nan cosnan di hunga |
hallo
said:
|
waw ami ta hanje magistral hopi great mes, tur kosnan out of this world mi ta hanja hopi intresante mes ! |
leo
said:
|
Dubai ta hopi sabi mes, nan ta gastando placa riba cosnna unico na mundo, pasobra nan sa cu un dia petroleo lo caba, anto e pais tin cu sigui sobrevivi riba turismo y centro financiero cu ta creciendo rapidamente. Mare Aruba ta tin edificio innovativo enves di e tantisimo edificio simpel cu a nos ta construi. |
asfs
said:
|
Bunita mes... Mi ta sintim bendiciona di mira e ko ki aunke cu e ta riba pic.. paso esaki ta e prome fase di e 'future' |
Un Observador
said:
|
asfs,bo ta ouderwets,ami a bai wak e kaba,e ta hopi nice |
chrism
said:
|
haha nos ta birando asina moderno cu tanto technologia... ta tristo pa pensa cu un dia e mesun technologia ey lo caba cu mayoria di e populatipon mundial. nos ta traha edificio nan asina gastando placa embes nan por djis traha e turbina ney di biento pone pafo sin gasta tanto sen y por juda e tanto hnd nan sin placa sin cuminda cu e resto di sen. pero no hende kie traha co kens go for the sky sin pensa cu tin hende den necesidad serio DJIS PASO E TECHNOLOGIA TEY NO KEMEN CU E MESTER WORDO USA |
Lou
said:
|
Por fabor, boso bin bij! Nos ta paga gasoline pa anan tin nan cos inutilnan. E placa ey por bay na research pa malesanan y na cuminda. Crisis mundial ta pa nan c*lpa. Y anos manera un paar di kens ta gaba nantoys!!! |
Chiney
said:
|
Ma bon, esaki no ta un artikel cu lo pas mas mihor bou di e section 'Internacional'? |
jenn
said:
|
cada bes nos wak con un edifisio ta nos tantisomo placa cu anos ta pagando pa gasoline.paso nan sa cu petrolio ta bai caba i nan mester hopi placa pa asina nan subi nan turismo mas i mas pa asina nan lo tin entada milionario atrobe cu turismo ora petrolio caba. |
sex & the city
said:
|
Wak con nos tin cu paga un prijs halto pa e hendenan aki biba. Wak cuanto hende ta muri di hamber pa dia rond mundo anto pa e hendenan aki malgasta placa den cosnan cu ta aparenta di ta mahestuoso pero nan ta puro frivolidadnan mundano. E hendenan aki ta construi edificionan riba tera artificialmente traha, dia cu lama bin reclama su teritorio esaki ta e prome cosnan cu lo bai bou awa. Un dia tur e cosnan inutilnan aki lo yega na su fin, technologia lo keda chikito den comparashon cu Dios lo haci pa tanto maldad y inhusticia cu ta pasa den e mundo aki. |
