| Studiante di University of Aruba a ricibi beca |
|
|
|
| Friday, 27 June 2008 - 00:00 | |
 Aruba Hotel & Tourism Association (AHATA) ta orguyoso di anuncia cu Aruba su John Jairo Cortes Muñoz como e recipiente di e Aruba Golf Scholarship. AHATA, trahando conhuntamente cu Caribbean Hotel Association (CHA) Education Foundation, a yuda establece un fondo atraves di un torneo teni durante e conferencia di CHA auspicia na Aruba aña pasa. Anualmente CHA ta recompensa profesionalnan prometedor den turismo atrabes di henter caribe pa medio di su programa di beca. Click read more pa mas detayes y imagen.
For di aña 2008-2009, CHA a logra extende ayudo na 28 studiante, for di 14 destinacion, reconociendo nan educacion excelente. Sinembargo, e cantidad di aplicacion ricibi door di CHA ta surpasa substancialmente e cantidad di beca disponibel; pa e motibo ey, e Aruba Golf Scholarship ta provee oportunidad pa probecha pa un candidato merecedor adicional.
John Jairo Cortes Munoz, un hoben mucha homber cu lo sigui su educacion avansa den hospitality management na Universidad di Aruba e augustus aki, lo ricibi un beca di $2,000 reconociendo su enfoke excepcional y ambicion pa mehora talento di lidera. John ta trahando den e negoshi hotelero pa shete aña caba y actualmente ta emplea como un stagaire na Costa Linda Beach Resort den su departamento di reservacion. “Semper mi a gusta traha cu hende. E ta ofrece un gran porcion di satisfaccion di por afecta positivamente un persona cu ta bishitando nos isla,” asina John ta remarca tocante su experiencia y metanan den scohe pa traha den e industria turistico. “Mi ta sinti cu mi tin algo pa contribui. Turismo ta negoshi grandi y especialmente aki na Aruba. Si bo traha y studia duro, tin oportunidad amplio pa ta parti di algo y pa yuda mehora y desaroya e industria.” Aruba por ta orguyoso di individuonan manera John, kendenan ta dedica nan mes pa haci carera denter di Aruba su industria principal y den avansa e reputacion di nos isla como un di e miho destinacionnan pa vacaciona. AHATA ta desea John exito continuo segun e ta forga su futuro den e industria hotelero.  |
