| Ampliamento di Wireless Broadband |
|
|
|
| Friday, 27 June 2008 - 08:01 | |||||
 December ultimo SETAR, e compania number 1 den telecomunicacion a introduci e servicio 3G bou nomber di Zing. Zing, un servicio inovador di SETAR cu ta hasi posibel cu por papia y mira otro via celular, subi Internet via bo celular cu speednan hopi halto, crea bo mesun Video Blog cu MiTV y si bo no tin un television esaki no ta problema bo por mira Telearuba live via bo celular. Tambe Zing ta brinda e servicio di LiveCam unda e cliente por controla su propiedad tur momento door di yama su camara(nan) cu su celular. Awe SETAR ta anuncia cu e ta amplia su servicio di Wireless Broadband riba 3G. Kico
esaki ta significa pa e cliente? Click read more!
3G ta un servicio
broadband unda bo por subi Internet via celular of laptop cu speed
asina halto cu ta comparabel al momento cu esun di DSL. Esaki ta hasi
posibel cu e cliente por subi Internet, check e-mail of haya acceso na
su intranet tur caminda na Aruba, for di un laptop na un speed hopi
halto cual ta 1024 kbps.
3G ta e technologia di mas nobo cu tin den e mundo di telecomunicacion y asina por ripara cu SETAR ta cumpli cu su promesa di trece lo ultimo cu tin riba mercado, facilitando tur cliente na Aruba nan manera di comunica cu otro. SETAR ta e prome y unico proveedor na Aruba cu tin un red di Tercera Generacion (3G). Clientenan cu kier aplica por pasa na cualkier Teleshop di SETAR pa abona riba e servicio aki y cuminsa disfruta di e libertad di ta mobil cu e red di tercera generacion di SETAR. Ora bo aplica bo ta cumpra un 3G USB modem hunto cu un 3G SIM (solamente pa data). Mester mira e servicio aki manera uno adicional riba e servicio di DSL cu mayoria cliente of negoshi tin caba. E servicio ta hopi facil pa usa y comprendibel y e ta un servicio cu bo por conta riba dje ya cu SETAR su red di 3G ta cubri full e isla di Aruba. Asina un biaha mas SETAR ta demostra cu lo keda traha pa trece innovacion y technologianan moderno y util pa yuda Aruba den su industria di turismo, economia, educacion y desaroyo en general.
digiboy
said:
|
|||||
 |
keda pendiente riba digicell su broadband na juliiiiiiiiiiiiiiiiiiiiiii |
