| Melvin Quilotte di RED Neck-And-Neck RACE! |
|
|
|
| Monday, 30 June 2008 - 08:00 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 Un pais chikito manera Aruba sigur ta pasa dificultad pa por tin representante pa un evento mundial manera Olimpiada. E biaha aki sinembargo Aruba por conta cu dos respresentante mas, pero pa un categoria special, esey ta pa den tempo RECORD hinca un isla chikito den un debe grandi. Den casi 23 aña e dos atletanan aki a sa di manda e debe di pais chikito pa riba 2.2 biyon, den cifra 2.200.000.000. Esaki ta representa nada menos cu 100.000.000 pa aña na prestamo, algo increibel. Click read more pa mas detayes y imagen.
Tema cu nos ta tende tur dia,
pero nos no ta para keto un rato pa analisa e magnitud di e problema
aki cu e dos partidonan tradicional, esta AVP y MEP a ocasiona.
E record breaking disaster aki ta trece cune cu e pida baranca aki ta pagando na interes riba e 2.2 biyon di debe riba 110 miyon na aña SOLAMENTE na INTERES. Pa luna esaki ta riba 9 miyon (9.000.000), pa siman lesa bon 2.3 miyon (2.300.000), pa dia no spanta 320.000 florin. Cada dia nos por a construi un balente cas, consistiendo di sigur 3 kamber y 2 baño of si bo kier mire di otro forma dos cas pa nos pueblo trahador di dos kamber y un baño. Pues bo no mester ta un genio pa saca bo som na unda mal maneho a hiba nos. Un discucion cu a surgi entre e dos partidonan aki ta cua ta responsabel pa e debe? RED a hasi un ehercicio riba esaki y ta yega na lo siguiente; AVP ta drenta gobierno na 1986 hayando un surplus di 250 miyon y ta laga un debe atras di 600 miyon, pues ta manda nos isla atras cu 850 miyon. MEP ta drenta na 1990 y ta laga Aruba su debe na na 1994 na 1.15 biyon, pues a percura pa hiba e isla atras un otro 550 miyon florin. AVP a bolbe na mando y aki nan a pusha un otro 150 miyon, mandando e debe pa 1.3 biyon. Pa e ultimo siete añanan MEP ya a manda e debe pa riba 2.2 biyon, pues a pone un otro 900 miyon riba su nomber. Resumiendo AVP a percura pa manda e isla atras pa 850 mas 150 miyon pa un total di 1.0 biyon (1.000.000.000) y MEP a score cu 550 mas 900 miyon pa un total di 1.45 biyon (1.450.000.000) florin na debe pa nos isla. Pues esaki ta un neck to neck race cu un casi foto finish. Den porcentahe AVP su participacion na e debe nacional tabata di 41% y MEP 59%. Ningun di e dos asignaturanan durante nan periodonan di gobernacion a percura pa controla e debe di e isla. Pone un stop na e aumento, mucho menos bahe. Otro aña Aruba lo tin cu scohe un biaha mas su representantenan, esnan di semper of uno cu lo percura pa Oro pa e isla aki su orguyo y felicidad. Cada un di nos tin e control den nos man. Entre e solucionnan cu RED a propone ta figura: 1) Responsabilidad Financiero (NO gasta mas cu bo ta haya); 2) Baha Gastonan di aparato Gubernamental (E.o. “Natuurlijke afvloei” di personal, aumenta productividad y mihor ofertanan pa post “goederen en diensten”) Pero pa awor Aruba bo tin bo representatenan pa Olimpiada, pero no esnan cu bo lo ta orguyoso di nan! 
Nataly
said:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
Hopi bon Melvin, Niun di dos no a hasie nada drechi pa Aruba! |
Condorito
said:
|
Melvin: den esaki, bo a calc*la e Infrastuctuur fonds, es decir e camindanan cu mester a wordo drecha?, bo a calc*la den dje, e casnan di anciano, e casnan di pueblo? Bo a calc*la den dje e aumento di minimumloon, pensioen di biehez, y onderstand? Kitando afor e loonbelasting for di esnan cu salario minumo? Bo a calc*la e autonan y brommernan di polis? Bo a calc*la den dje e renovacion di scolnan na San-Nicolas, Dakota, y Playa? Bo a calc*la den dje e scol na Kudawecha? bo a calc*la den dje e edificio di Financien? Bo acalc*la den dje e edificio di ministerio di Cultura, deporte? Bo a calc*la den dje e parkenan recreativo? Bo a calc*la den dje e Centro Medico? Bo a calc*la den dje, e aparatonan nobo pa nos sistema medico, p.e. un dialese machine nobo( mi ta un nierpatient). Bo a calc*la den dje e aeropuerto pa e avionetanan? Mihor boso keda leu for di gobernacion, pasobra boso lo no haci nada pa Aruba. Ni un aumento di pensioen, pasobra esey tambe lo ta malgastmento di placa |
Ds
said:
|
Di unda e informtion aki a sali precies? |
Metalmaniac
said:
|
Esaki ta e "GRAN EXPERIENCIA, Y BON MANEHO" cu mep y avp ta papia semper di dje. Hopi lo bisa cu esaki "TA NORMAL", y cu otronan lo no por miho, pero pio cu esaki SIGUR mi sa cu ningun hende no por. Ki dia boso lo stop di vota pa nan, djis pasobra nan a dunabo algo cu "supuestamente" como pueblo mester por hanja?? Dia cu nos moneda devalua?? Mi por wak caba kiko lo pasa, "No ta nos c*lpa, henter mundo ta den crisis, OF, no ta c*lpa di AVP/ ta c*lpa di MEP". Masha facil, aboso si a gana y lo sigui gana placa na grandi, a pesar cu "cos ta malo". |
Speransa!
said:
|
Di berdad a bira tempo pa cambio! Weg met de oude rotten!  |
Dr Zero
said:
 |
Esey te Quilotte, laga nan sigui haci mooi weer. Otro aña ta palo nan ta haya. Basta tuma pueblo haci kens. Laga nan bay pleita awor cu a pone un florin aki aya di mas riba nan cuenta wak si nan aandeel den e debe ta cambia. |
Teishi
said:
|
Un tata sinta den cas sin coriente y awa ta bisa su yiu: "Otro aña na september nos ta vota pa kita nan pero no worry mañan mes mi ta hiba bo lama pa bo baña. Nos ta bay den mondi mira loke e Boa no a come ainda pa nos tira mata. Si no tin ta bay hotel ey tin yuana cu nos por coy. Si bira malo no ta problema pasobra loke ta sigur cu gobierno lo percura pa nos no putri riba tera e ta paga pa dera! Biba laga biba ta Arubiano bo ta! - LOKE PASA AWE MAñAN YA TA LAAT! LANTA FOR DI SOñO PUEBLO! |
Pro1344
said:
|
Condorito: Bo tin rason. E parti eynan e no ta menciona. Y manera bo a bisa, Si algun dia RED ta den gobierno nos por conta cu ni UN caminda lo wordo drecha, aumento di pensioen tampoco, pasobra ta gastamento di placa. Thanks pa bo info. |
Dr Zero
said:
|
@ Condorito: Conociendo Quilotte e no ta bay perde su tempo na contestabo, pero ami si por bisabo cu: Ora bo ta haci inversion, si ta na esey bo ta referi na projecto aki projecto aya, bo mester tin manera di paga bek! Si bo NO por paga bek, kiermen cu bo no por maneha bo finanzas, den ecao aki di pais Aruba! Aruba ta paga manera e artic*lo ta bisa riba base anual 110 miyon na interes sin cu nos por paga un dibchi bek na e debe, pues inversion of tira placa afor? Ora bo presta placa bo mester a saca bo som con bo ta bay paga bek. Condorito no ta asina bo tin cu handle bo huishouding of a caso abo ta presta placa na banco pa cumpra un auto of cas y ta solamente interes bo ta paga bek y nunca loke bo a presta? Dus e dos partidonan aki mi no ta confia cu mi cen, pensa bon...bo mester por sa cu 1 1 = 2... of ta 3 serca bo? |
wowo critico
said:
|
condorito un tien pabo.a lo menos den e gobierno aki bo por mira na unda bo placa ta bai.djis corre rond riba nos dushi isla y bisami cu mi ta gania.mi no ta bai skirbi di tur e centenares di proyectonan tanto den e.o. edificionan precioso y tambe den e parti social.pls no subestima inteligencia di nos humilde pueblo. |
Vota-pa-mi
said:
|
Melvin, ami ta completamente di acuerdo cu mester baha gasto y reduci # di empleado publico. Un partido cu por demostra solucion, vision y seriedad por logra hopi. Pero tin mester di 'Balls' pa logra esaki, y no ta tur hende lo keda contento, vooral esnan cu aworaki ta gana placa sin traha. Y nos tur conoce un of mas di e tiponan aki. |
Vota-pa-mi
said:
|
Melvin, mi a lubida un punto importante: Malgastamento di placa ta ora cu organisa 'Aruba music fest', cu placa di pueblo (1.4 miyon) y ni sikiera 1 bus di turista por a yena (mi a wak cu mi propio wowo). Ban traha cu honestidad! |
Honey
said:
|
100% pa Condorito!!! E ainda tin hopi mas. Sorry pero ta e oude rotten na mes ta keda, y NO confundi, paso Rudy Lampe lo NO ta den nan. Regards, 100% yellow!!! |
jit
said:
|
mi pensamento tur dos partido ta slordig door cu tur dos no ta sirbi pa nada critica pa tur dos partido weg met de oude rotten dieven |
Turtle
said:
|
I do not trust any politician. Pero loke cu Condorito a pone ta algo cu enberdad, no por wordo laga afor. It is logic. Si bo drecha caminda, of bo aumento pensioen of algo asina, ta costa placa. Ta hopi trsito cu semper aki na Aruba bo mester busca tur caminda e otro banda di e cuchiu politico pa bo hanja sa kiko ta kiko. Nunca aki na Aruba tin un politico cu ta scirbi e bon y e malo di un otro partido. Semper e malo so. Y ta un logica loke cu Condorito a scirbi. Dus por saca afor unda e placa a bay. Of porta just laga pueblo paga belasting y no haci nada. Sinta man crusa, no drecha caminda, no drecha scolnan, no traha niun parke y nos mag di sigui paga belasting. Esey ta bay ta RED den gobierno |
MOM
said:
|
CAMPANJA A CUNSA,PERO QUILLOTT BA CUNSA MALO PASO DI LOKE GONDORITO A SCIBI AINDA TIN UN LISTA LARGO SI BO KIER HASI ENCUESTA HASIE PERO BON HASI NO CUNSA CU GANJAMENTO PASO LO BO NO JEGA LEEW .....DIOS TA DUNA INTELIGENCIA PERO PA HASI BON USO DI DJE ASINA HASIE......... |
Julio Croes
said:
|
E cosnan pinta malo mes ta inspira otronan busca pa pone man riba e placa di Aruba. AVP su garantianan a hiba 1 biyon $ Radar.Racetrack y ladronicia FDSN a pone cu MEP mester a fiya pa por restart Aruba su economia.Pa colmo hulanda a bin horta 400Miyon$ cu e Plant N.V. Pues cos no ta dje malo ey manera ta wordu bisa.Tur kier bolbe despues di elleccion den gobierno pasobra cu un gobierno manera di MEP por spera di hanja placa den caha.BBO ta produci caba.Dia Valero cuminsa paga belasting lo tin mas y after-all Hulanda no por kere di por sconde e botin di nan hurto eternamente. Pues asina mes cu tur e debenan ainda tin hoipi placa.Economia ta draai keto bai. Mi tambe lo kier waak mas bin pa mi. Julio |
Berdad
said:
|
Keep it up the good work Melvin. Por fin nos tin solucion na caminda. Con cu bo bira e dos partidonan aki, ta AVP = MEP y MEP = AVP. Ta mama y yiu hunto den e mesun rotzooi ! |
Bito
said:
|
Stop cu e atletanan cu a danja bida di mucha muher tambe...esta ganjanan y laganan malo atras.................pone esinan tambe riba un lista......apocas palabra!!!!! |
Presidente
said:
|
Nos por spera na man di RED cu nos lo sigui paga belasting, pero nos lo no hanja nada al respecto. Ta den exterior e placa lo bay, pasobra nos no por lubida cu RED kier hinca nos bao di Hulanda. Nos por wel di fluit na e placa di Plant hotel, es cu lo a yuda hopi pa paga e debenan. Plant hotel ta ladronicia den dia cla di Hulanda. Es cu no kier wak esey, nan laga mi sa, pasobra si nan tin cualkier propiedad pa mi por bende pa nan y nan lo no hanja niun cent di dje. Y pa nan toch e no ta ladronicia. Pa RED tttuuurrr cos ta gastamento di placa, dus nos por cuminsa pensa cu RED na mando ta comunismo nos ta bay tin. Cu RED na mando, mensen, paga Belasting Bay Off( paga BBO ) pero no ricibi nada en lugar. Ah, no berdad no vota pa cos!!!! |
Virus network
said:
|
Shonnan, Si Aruba ta fia placa afo pa inversionnan den termino largo, fine. Ban drecha caminda y nos infrastructura, ban zorg pa nos materialnan di education pa nos scolnan y nos waf cu lo por yuda Aruba su economia. Pero, laga nos no ban fia placa grandi pa paga short term investment, manera pagamento di salario na empleado publico, vakantie uitkering... Ora un hende fia placa, e mester por haya beneficio di dje bek pa por paga locual cu ela fia plus interest. RED su meta ta pa inverti den nos education (materialnan) pa nos hendenan bira mas capasita cu lo por juda Aruba den futuro door di creatividad. RED lo mehora e systema di AZV cu AVP y MEP no por a hasi, pa asina nos tur por tin un miho seguro di medico. |
Virus network
said:
|
Naturalmente na unda cu no mester inverti placa, RED no lo hasie, manera biahamento pa Parlatino door di nos parlamento, sin cu tin algo cu Aruba ta beneficia di dje. Elimina business class pa biahamento. Boso ta haya cu esey ta algo di importancia? Dag geld vergoeding mester wordo controla. Como Parlamentario, cuanto biaha bo ta hasi jamadanan. Pakiko bo no por hasie mas tanto for di bo officina (unda cu bo mester ta pa traha)? |
Virus network
said:
|
@Presidente, Na man di e gobierno actual nos ta pagando demasiado belasting, anto e commerciantenan te ainda ta biba lekker, paso ban ta serio, ta e consumidor ta pagando e BBO. Bo ta bisa cu RED kier hinca Aruba bow di hulanda. Pa bo informacion, Aruba ta hinka bow di hulanda caba, desde e tempo cu Henny Eman y Nel Oduber a firma un protocol na 1993. Tambe, ela bira mas visibel awor aki, mirando con hulanda ta pone gobierno hinca mas hulandes na cabes di differente departamento y tambe unda cu Rudy Croes no tin nada mas di bisa den su ministerio. Dus mi no ta wak dicon bo ta bisa cu RED kier hinka Aruba bow di hulanda, siendo cu MEP y AVP a hasie caba. |
Presidente
said:
|
Virus: Anto kiko bo ta pensa e ora di indexering enbes di proposicion di gobierno?? Anto ta con RED lo bay haci cu AZV pa e ta asina mihor pa full pueblo keda segura?? Parlatino y bussiness class no ta haci gran diferencia, pasobra esaki ta algo cu ta ya caba stipula den e presupeusto di Parlamento te na cierto cantidad. Rudy lampe no ta bay Parlatino, dus con e sa cu e no ta algo fructtifero? Si e twt bay mi por a bisa ok, pero te con leu mi sa, cu e reunion den Parlatino ta, na unda cu ta intercambia ideanan den region, es cu Aruba por hanja un bista ariba loke por ser haci pa cierto cambionan. Pero manera mi a bisa anteriormente, Rudy Lampe no a bay, dus e no sa. e parti di telefoon mi no ta compronde ni un pia di loke bo kiermeen |
Presidente
said:
|
Virus Network: Cu na cabes di cierto departamento di polis, tin un paar di macamba na cabez, e motibo cu abo ta kere no ta e motibo, e motibo ta cu ainda no tin un yiu di tera cu no tin e capasidad pa tuma e funcion ey over. Tin un den estudio( si cu placa di pueblo, studiebeurs) pa sigui educa su mes pa por tuma e rango ey. Protocol 1993, ainda mi no a les'e, pero sigur cu mi lo bay busc'e pa lesa, dus mi no por discuti ariba dje te ora cu mi a les'e. Si acaso Hulanda ta manda den Husticia, anto dicon tanto critica ariba Rudy Croes pa loke ta trata Husticia. Esaki lo ta supuestamente mester demonstra cu Hulanda no ta apto pa maneha Aruba , toch?? |
Berdad
said:
|
@Presidente: Ta con bo kier pa nos tin yiu di tera na cabez den positionan clave, siendo cu tin a hanja e chens pero a keda mucha manda y te hasta te ainda ta wardando riba un aumento di salario y pensioen cu ta mas cu e propio gobernantenan aki na Aruba, te cu ela gana su caso. Arubiano nunca por keda su mes, na momento cu e asumi un position clave, su ego ta tuma over y ta lubida cu e tin cu haci un diferencia den bida di su prohimo. Ta pesey Hulanda mester a duna bevret van onvermogen na diferente minister den tur dos partido, esta AVP y MEP. Wak con nos propio rubiano cu ta den gobierno ta caba cu PUEBLO !!! Ra ra ra, ta con por ta ?????? |
Juancho Be
said:
|
Mi ta completamente di acuerdo cu VIRUS, nos nunca a sali for bouw di gara di Hulanda. Cu nan ta kere di por ganja hende ta otro, pero ta e mesun kabritonan cu ta come yerba geel so ta sigui kere nan, pero un ta Nel a ganja nan, ta NAN MES KIER KERE! Nel a bisa biaha pasa caba, ora di campanja mi ta ganja boso na grandi, PERO E BIAHA AKI NO, e biaha aki SI mi lo bisa berdad, KERE!! Ami, lagami sigui come mi yerba geel y grita MEEEEP cu hopi orguyo! |
Pro1344
said:
|
Dr. Zero: E no por contesta Condorito, pasobra e no por bisa publikamente cu : NO, mi no por ta honesto cu pueblo y bisa pueblo cu e proyectonan ey a haci un diferencia. Pesey ta mescos cu tur otro partidonan. Mi voto no ta bay pa RED mas. Ami Rudy Lampe no ta bin ganja mas!! Si e gran siguidornan di RED lo sigui defende e partido RED aki, success!! Verder ami echt no kier sigui papia di RED. Tin topiconan cu ta interesante. Rudy Lampe su intencionan tabta bon, pero den oposicion e a demonstra full un otro cara y no loke a ami a kere cu e ta. Saludos ex-RED!! |
Virus network
said:
|
@Presidente, Bo a tende awe con Marlon Maduro ta duna na conoce con nan a firma un protocol pa Aruba haya un laso mas estrecho cu Hulanda. Anto, segun e mes, esaki no ta entreguismo di nos Autonomia, pero cu e protocol aki Hulanda lo por hasi mas control ariba Aruba. Segun su persona, cada hende mester sa pa nan mes con ta interpreta e palabra Autonomia. Bo a ripara con hopi e tbt pensa y purba na artic*la su palabranan bon, pa supuestamente no trece contradici su mes pa locual ela expressa hopi biaha. MEP ta papia ariba AVP cu RED kier entrega Aruba bek bow di Hulanda. Anto ta kiko MEP mes ta hasiendo? RED ta boga pa mas control ariba e maneho financiero di Aruba pa no tin corruption y awo MEP mes ta pidi pa hulanda tin mas control. Awo ken ta ganja? Door di MEP y AVP, Aruba ta bay wordo controla mas pisa ainda door di Hulanda. Un pais por tin debe, pero no un debe asina astronomico cu ni fia e no por fia mas paso ni e debe cu e tin e no por paga. |
Virus network
said:
|
@Presidente, Lesa diario na pagina 31, Monica ta questiona e protocol 1993. Solo di Pueblo no a sake, nan a publica solamente cu MPA lo bay tin un fundraising, Jammer. Mi no sa si Bon Dia a sake. Pero aki bo ta weitta con Gobierno ta sconde hopi cos y cu nan no a hiba un maneho beneficioso pa Aruba. Laga nos no papia mas cu RED kier entrega Aruba bow di Hulanda, paso ja e ta hasi caba por medio di AVP y MEP. Aki bo por weita con AVP a ganja pueblo y MEP ta ganjando pueblo. |
Virus network
said:
|
No ta paso tin hopi construcionnan grandi y cu tur hende ta corre SUV Aruba ta den pleno progresso. Motibo pakiko tin asina hopi construcionan ariba Aruba ta, pasobra ta aki ta unda corrupshonnan ta tuma luga. Weita con AVP a horta 50 miyon den FDS y te cu awe nada no por bin dilanti paso no a hiba un maneho drechi di control. Parlamento a faya. AVP pa mi ta marca cu e symbolo di LADRON pa semper te ora famia EMAN desaparece for di ey riba. Ban wak awo, ora cu nan cuminsa investiga e projecto di Dump, Brug, Centro Medico SN y mas. |
wowo critico
said:
|
na virus network,si no tin construcshon ta malo.si tin construcshon tambe ta malo.bon,ta kiko boso kier anto?un aruba morto sin yun construcshon?bo no sa cu tanten cu tin construcshoan,bo economia ta draai bon?pls stop di piki piew.jcorda cu un aruba bon ta bon pa nos tur y aruba malo ta malo pa nos tur.a tende?pa nos tur,no solamente pa mep.pls purba compronde esey. |
Presidente
said:
|
Virus Network: Pa loke ta trata Diario: Manera mi a bisa anteriormente, mi mes kier lesa e protocol y no via via. Pa loke cu Maduro a bisa, bo mester scucha bon. Bo a saca un conclusion sin cu bo a scucha kiko a ser bisa. Anto asina bo ta crea redo, cu despues ta bay hinca bo den un skina cu bo no por sali. Si abo ( kizas bo mes ta un miembro di e partido)no ta wak e diferencia di un partido cu ta pone placa pa asina Aruba por desaroya, sea den aumento di pensioen, onderstand, caminda, edificio ( stop huurmento di edificionan for di "friends and familiy"!!!)Na papia di RED, ta mas cu bisto cu awor pueblo ta hanja sa cu na man di RED, nada lo ser haci, pasobra TUR COS ta MALgastamento di placa. Y keremi, cada palabra cu RED a papia ta graba den mi memoria. Mi kier wak ora cu nan kier bay basha un poco asfalt den Balashi cuanto hende lo tira su propio palabranan bek p'e. Y btw, Bon dia no a publika e artic*lo di Monica ayera. Kizas awe, pero mi no a lesa corant ainda. |
Berdad
said:
|
Ta bon pa tin construcion, pero tur esaki mester bai segun proceduranan di contabilidad y transparencia, y a cu asina ta evita di tin coruption ta tuma lugar na ordo. Pesey mes ARUBA ta caminda e ta, dor cu no ta sigui proceduranan manera mester ta, ta nos tur ta sufri. |
Virus network
said:
|
@wowo critico, ser critico cu bo mes un rato. Para y realisa con abo y bo famia a bay dilanti, wak con bo bario a bay dilanti y wak con bo isla a bay dilanti. Pa un isla tin hopi construccion ta bon pero no por tasina cu Aruba tin di hinka placa na grandi door di fia placa anto nos como pueblo tin di paga gran parti di esaki via belasting y nos beneficionan ta bay atras. Ehemplo: Aruba no por bay inverti 300miyon den un hospital nobo caminda lo aumenta e prima di AZV cu pueblo mester bay paga anto Pueblo no ta haya nada segura (remedi) via AZV. Awor aki caba nos no ta segura ariba varios remedi. |
wowo critico
said:
|
na virus network,b'a ripara cuanto shopping mall precioso a wordo construi?entre otro e majestuoso paseo herenca?bo a ripara con rbtt na blvd a traha un piso mas?mescos ta conta pa kooyman homeware centre?b'a ripara cuanto proyecto di cas tin?b'a ripara e waterslide proyect precioso pazuid di hotel la cabana?b'a mira otro shopping mall monstruoso pariba di paseo herencia?b'a mira e construcshon di un school nobis nobis na kudawecha?acaso b'a mira construcshon si un edificio nobo pa s.v.b. na san nicolas?etc,etc,etc.nunca den 7 ania di gobernacion aruba a conoce tanto proyecto.wake up and smell the coffee pls! |
wowo critico
said:
|
24 ora.com unda mi reaccion riba virus network a keda?pls dont let me down. |
wowo critico
said:
|
na virus network,ami si ta biba riba aruba.ami si ta mira hopi caminda nobo wordo construi of renoba.ami si ta mira hopi inversion den nos deporte.ensenianza,parti social,etc,etc.ami si a mira hopi shopping mall bunita wordo construi e.o.paseo herencia,un joya di un proyecto.otro joya ta divi links,e 3 edificionan nobis nobis di gobierno,svb na san nicolas,proyectonan di cas e.o. esun na malmok,cu ta un preciosidad y pa casualidad ta dje rumannan di tico croes di avp.ami si a mira un riu hotel cu ta chulito chulito y cu ta treciendo hopi turista foi europa.anyway virus network,ami si ta biba na aruba.den 7 ania nunca ma mira tanto proyecto manera bao di e actual gobernacion! |
Judge
said:
 |
Mi ta haja ta bon cu eindelijk tin un hende a cuminsa publica den cifrasnan y den un grafiek vorm e debe di Aruba desde cu nos a haja status aparte te cu awo pa ilumina e pueblo Arubano un tiki di con e situation ta enrealidad y ta con Aruba a jega eynan. Pero toch mi a keda cu un pregunta over di cifrasnan ey. Den mi opinion e cifranan ey ta ilustra e gastamento di plaka cu AVP ni MEP no tawata tin (credit) na cos nan descabeja. Mi pregunta ta por ehempel si AVP no a logra di tapa su mal maneho prome cu nan a sali di gobierno na final di su prome gobernasion, dus e 850 miljoen florin ey ta e suma cu nan no a logra paga na tempo pa tapa nan mal maneho. Dus e 850 Miljoen Florin esey nos sa di dje na final di 4 anja di gobernation pero con a para cu e debenan descabeja cu plaka cu nan no tawata tin cu nan a logra paga cu ta gasto inesesario riba custia di pueblo, cuanto esey ta ?? saludos |
Judge
said:
|
paso e ora bo lo tin cu conta eseynan tambe riba e 850 miljoen florin ey pa nos sa e cifra den su totalidad di e debe inecesario cu nan a hinka Aruba cu plaka cu nan no tawata tin pa goberna y cu ta plaka di pueblo. Paso segun mi segun AVP tawata hinka nos den debe nan tawata pagando e tambe un parti di un manera of otro. Mesun cos ta conta pa MEP. Pero MEP ta un storia mas pret paso MEP mes ta blof y canta tur dia cuanto plaka nan A PAGA caba of ta pagando di debenan cu AVP a laga atras. DDDuuuSsss por ehempel cuanto nan a logra paga di e 1.3 miljaard ey den e ultimo 7 anja di gobernation di nan? paso e ora nos tin cu trek esey af di 1.3 miljaard florin di debe cu nan a hereda ora nan a tuma e gobierno over toch ? dus ban bisa cu nan a paga ongeveer 400 miljoen den e ultimo 7 anja di nan gobernasion. saludos |
Judge
said:
|
Dus esey nos tin cu trek e af di 1.3 miljaard florin cual ta baha e debe national di Aruba te na 900 miljoen florin y awo si nos mira na cuanto e debe ta cu ta ongeveer 2.2 miljaard florin dus no ta cu 900 miljoen MEP a hisa e debe national di Aruba mane cu e cifrasnan aki ta ilustra sino cu 1.3 miljaard florin y esey ta sin conta tur e debenan cu nan a hasi cu plaka cu nan no tin cu nan a logra paga pa sconde mas hopi cu ta posibel pa pueblo di debenan descabeja cu nan a hinka pueblo Arubano y core paga mas hopi cu ta posibel paso sino e debe no a subi asina hopi den e ultimo anja ki toch? ta door di fia plaka irresponsabel e debe ta asina halto toch ? Y con a para cu e pago di interesnan riba e debenan ey nos no tin cu pone riba nan rekening tambe zowel di AVP cu MEP ? saludos |
Judge
said:
|
Dus den mi concepto mi ta wak cu eigenlijk entre MEP cu AVP nan a acomula mas hopi debe di loke e pueblo Arubano ta kere paso loke nos tin na cifras awe ta loke nan no a logra paga pa sconde nan mal maneho. Pa mi un bon gobernasion ta si bo ta goberna cu plaka cu bo tin y hasi debenan responsabel y zorg bo paga nan prome cu bo pensa di hasi mas debe y pio debenan inesesario y descabeja. Bo no por solushona un problema di debe cu mas debe toch ? esey ta systema mericano dus por ehempel paga un debe di credit card cu un otro credit card te ora e bai bancarota. saludos |
Presidente
said:
|
Judge: Welcome back. Hopi tempo sin tende di bo. Bo a haci falta aki riba. Mi tin cu bay lesa bo comments un rato, maske cu mi sa ongeveer di kiko bo ta papiando, pero mi no ta bay contestanan ainda. ( bo mes sa, mi mestter bay traha pa por contrubui na economia di Aruba, pa asina tin placa pa por duna e studiantenan, drecha e caminda dilanti mi cas, drecha e scolann pa mi nietonan, pa por tin parkenan pa mi por bay cu mi nietonan, pa mi por hanja un aumento den mi salario minimo, aumento den e pensioen di viehez pa otro anja ora ami baha cu pensioen, un cas di pueblo pa yiu homber cu ta wardando ariba un, y etc..) |
Condorito
said:
|
Judge: dus cu otro palabra Melvin su comunicado ta irreal y e tabel ta irrealistico. Wel bo no a bin cu nada nobo. Nos tur aki na Aruba sa esey. Y atrobe, welcome back |
Judge
said:
|
Presidente y Condorito, Wel danki y mi ta back inderdaad. saludos |
Judge
said:
|
Condorito, Wel e cifrasnan aki cu sr.Quilotte a trese dilanti den mi concept den un boekhoudkundig aspect e no ta e cifranan real sino djis un berekening di sumanan cu cada gobierno no a logra paga na final di su gobernasion pa tapa nan mal gobernasion. Pero si bo kier sa cua e cifra enralidad cu cada gobierno a acomula bo tin cu busca y saca afo cuanto cada gobierno a logra tapa prome cu nan a baha. Dus bv si mi a fia 10 na '86 y paga 2 na '87 y bolbe fia 4 na e mesun anja y paga 3 na '88 y bolbe fia 5 na e mesun anja y paga 2 na '89 y fia 3 na e mesun anja y paga 1 na '90 y fia 3 na e mesun anja ey mi debe cu mi a laga atras no ta djis 19 sino enrealidad mi a hasi 27 na debe pero di cual ta 8 so mi a logra paga (TAPA). Dus si bo ta kere cu e tabel ki ta eng corda ora bosa kiko e cifra di berdad mes ta ! saludos |
Condorito
said:
|
Mi ta compronde bo concepto, esun di bon fiador, pero mal pagador. Bo falta ainda pa pone e Rente cu ta bin aserca. Y e mas tristo ta, cu esaki no ta bay caba nunca mas den nos futuro bida. Semper ta bay tin bon fiamento y mal pagamento. Pasobra cada gobierno kier cumpli cu sikiera un di nan cosnan cu nan tin den nan plan di gobernacion. Mi no ta kere cu ta bay tin niun partido politico cu lo bin mi cas bisa mi pa mi vota pa nan, pasobra nan lo bay keda paga debe so y haci nada na Aruba mes. Y pa paga ttur e debenan( si mi mester kere AVP, debe di 2 biyon), NI den 20 anja Aruba lo cla di paga nan, pio den 4 anja. Y partic*larmente si ta bin coalicion, pasobra tur kier purba di cumpli cu algo cu nan a "priminti". Ami ta hanja cu ora un partido ta keda papia di debe, ta partidonan cu no tin vision pa desaroyo aki ariba Aruba mes. Ta mescos cu mi ta tende MEP ta papia tur ora di paga debe di AVP. |
Judge
said:
|
Condorito, Esey mi a nombra tambe dus e rente cu tin cu pone riba nan rekening tambe. Den mi opinion cu berdad un gobierno tin cu fia pa cumpli cu algun promesa y cosnan necesario. Pero un bon gobernasion ta zorg si e tin debe pa e paga mas loke cu e ta fia y no viseversa. Si nan sigi fia mas cu nan ta pagando mane cu e ta awo nos lo jega nos limite y nan lo tin declara Aruba bancarota. E systema di maneho di finansas di Aruba ta semi model Mericano cu a hinkanan den problema economico. Dus keda fia mas di loke cu bo ta pagando caba na debe te ora bo bati bancarota. saludos |
Ariën Rasmijn
said:
|
@Judge: welcome back! Ta mescos cu mi ta tende MEP ta papia tur ora di paga debe di AVP. Locual por ta berdad (hasta si pa 7 aña nan ta usando e mesun argumento ei pa cualkier coi loco), pero nan mes ta traha debe. Tur e projectonan cu nan a hasi den ultimo 3 aña i cu di berdad tabata necesario, ta nos nos yiu i nietonan ta bai paga pe. |
Bito
said:
|
Pader welcome back.................... |
Condorito
said:
|
Ken ta nan? Cua nan lo bay declara Aruba bancarota? Niun pregunta malo, pero door cu mi ta wak cu bo ta scirbi "nan" lo declara Aruba bancarota. Pesey mi kier hanja sa ken ta nan. |
Judge
said:
|
Bito, Mi kere despues di tur e tempo ki bo a maduro y usa lenguahe di hende grandi pero no ta asina. saludos |
Bito
said:
|
hahahahahahahaha.....size 11.5 e ta......la sirbibo?hahahahahahahahahahahahawaak den e tema di politica.....bo no mester ta madura...paso bo duna les di kleuter,nan ta mas serio cu e politiconan...............pero.....bendicion! |
Bito
said:
|
judge...no tume personal....Rubiano nos ta keda........................mundo ta jegando na su fin................. |
Ariën Rasmijn
said:
|
@Bito: laga e boter para boyso |
Bito
said:
|
Arien...e botter ta lague pabo.....dus bo me sa pa kiko! |
kapitan di e barco defensor di pueblo
said:
|
Sr quilot prome cu abo papia di ken y cua partido ta responsabel pa e debenan di Aruba ,puntra bo lider cuanto placa[MILLONES] e kier a ranca for di e simpel pagador di belasting.ANTO SIN CU D.R. TA DEN GOBIERNO,CORDA SI BOSO JEGA DEN GOBIERNO UN DIA ,TA CON LO PARA CU NOS CAHA DI PLACA???????????????????????????????????????????????????????????????????????????????????????. |
Metalmaniac
said:
|
Kapitan, bisa loke bo kier insinua. |
Presidente
said:
|
Bito & Arien: Bos ta papiando di e botter plat?? Corda mi ta un Arubiano di puro seppa y ta botter plat mi ta tuma. Dus boso mag di laga e botter pa mi numa. |
Judge
said:
|
Condorito, "Nan lo declara Aruba bancarota" ta algo figuurlijk y no letterlijk juridicamente niun pais no por wordo declara bancarota pero si un pais tin asina hopi debe y si pa paga e debe ta mas di locual cu e tin na inkomen (sneeuwbaleffect) IMF/ wereldbank por bin cu un regeling. Mane juda e pais cu plaka pa paga su debe of pa e draai riba un minima of door di regel kwijtschelding of pone privatisa algun bedrijf of bende aandelen cu e pais tin na sector priva etc. Pero e ta bin cu hopi voorwaarden aangebonden mane belasting lo subi inflatie lo subi balor di e plaka lo baha etc. Pesey IMF ta poniendo presion riba Gobierno pa nan tin un balans budget paso si nan sigi hinka Aruba den debe di tal forma cu nan no por paga nan lo tin cu bin cu un maatregel. Den Aruba su caso segun statuut NL mester cai aden prome cu e jega asina leeuw. saludos |
Condorito
said:
|
Judge: Well Gracias na magali Brito y su grupo, nos por wel di lubida di yega na e "balans Budget" otro anja. Tur cos a cana bon, te dia ( loke ta stranja mi mas ta e timing cu Magali a bin cu manifestacion)cu a bin e cuenta di indexering. E timing twt manera cos planea pa haci'e e temporada di 2008, net ora cu INF twt bezig y Gobierno twt hisando nan ratingsnan di Fitch y tambe twt drechando Aruba su nomber pa loke ta trata IMF. Dicon nan no a bin mas prome, ta un misterio cu lastimamente nos lo no bay hanja contesta hamas y nunca. Pesey mi gana di ta sinti mi mes un Arubiano y sigui biba aki na Aruba ta caba. Simplemente pa esnan cu ta yama nan mes Arubiano y ta "lucha" na bienestar di Aruba. Aruba ta birando casi sinonimo na materialismo. Cu berguensa mi a lesa bo comments. Pero esnan cu a "lucha" pa placa, spera cu nan bay carga e consequencianan tambe despues cu nan "placa". |
Presidente
said:
|
Condorito: E d**or ta cu hasta esann cu ta traha den sector priva y cu no tin nada di haber tin cu bay paga e prijs. No ta MEP a ser perhudica, pero Aruba completo. Ta Aruba completo mestter bay carga e consequencia Y cualkier gobierno cu por bay sinta, ta hanja nan mes ta purba di scapa pejego di e grupo chikito cu a "lucha" pa nan derecho. Mi no sa ainda ta cua derecho nan ta papiando di dje, pasobra indexering a sali peor cu loke gobierno a ofrece. hasta ami por a haci e calc*lo akinan |
Judge
said:
|
Condorito, Bo ta echt kere cu Magali Brito tin iets te maken cu e "balans budget" y situasion financiero desastroso cu tin na Aruba. BTW alcontrario door cu Magali Brito a handel malo durante negosasion, gobierno a sali gana door cu nan lo paga menos plaka di locual nan mes a ofrece. Casi tur hende na Aruba sa cu gobierno a pasa Magali Brito un fast bal. Ta Magali Brito a acomula e staatsschuld di ongeveer 2.2 miljaard florin ? si mi no ta hera ta MEP cu AVP a acomule den e 22 anja cu nan ta gobernando Aruba toch ? Corda cu e protesta ta un grondrecht di tur hende na Aruba. Ta door cu gobierno no a paga indexering pa 7 anja largo nan a usa nan grondrecht pa welga. Tocante Fitch rapport mi ta spera cu bo a lese y sa kiko Fitch mes ta paso loke ta scirbi den dje ta leuk en aardig pero gobierno no lo bai cumpli cu loke ta stipula den dje y tin hopi cos cu achteraf a sali na kla cu nan no a tene na cuenta cu ne y of a wordo scondi. saludos |
metalmaniac
said:
|
Mep y AVP, e primonan feliz cu ta cabando cu Aruba, pero pa nan fanaticonan, nan tur ta Santo! Djis sigui vota pa nan, y bisami kiko bo lo bisa ora cu nos florin devalua. Nos NO por a haci NADA, TA CRISIS MUNDIAL TIN! Nos como politico si a biba lekker y subi nos salario "merecidamente" door di NO A HACI NINGUN DONDER MAS CU JENA NOS SAKO CU PLACA! |
