| Love and Light cu anochi Fenomenal |
|
|
|
| Tuesday, 01 July 2008 - 00:00 | |||||||
 Aña pasa grupo Love & Light a laga Aruba sera conoci cu e Secreto y a bin cu e seminario ‘The Secret Meets Aruba’. E grupo L & L ta consisti di amiganan cu ta bini hunto pa asina intercambia di idea cu otro, lesa buki di empowerment y tambe peliculanan cu mensaje nan positivo. Banda di esaki nan ta medita hunto y comparti y inspira otro. Den un di e sesion nan e pelicula The secret a wordo presenta y e deseo a nace pa comprati esaki ku mas hende na Aruba. Recientemente L & L a presenta nan di dos seminario. E biaha aki titula “ Ley di Atracción den Accion”. Click read more pa mas detayes y imagen.
Durante e
seminario a sinti un chispa di e energia fabuloso cu sigur lo trece
cambio na bienestar di nos vida, esunan rond di nos, nos pais y henter
mundo. Tur presenta a ricibi un piedra
di gratitud cual Semper mester recorda nos ariba nos misión y pa semper
ta agradecido pa tur locual nos tin y ta ricibi.
E anochi a wordo habri cu un obra magestral bou di direcion di Rosabelle Illes, unda e Secreto a wordo illustra na un manera original y fabuloso durante cual por a mira con pa varios siglo e conocemento a wordo scondi, pa esaki no wordo divulga, pero con despues di tempo e universo mes ta traha pa consientisa e hende pa busca esaki y con e generacion di awor, tin e tarea pa comparti esaki cu humanidad. Na un forma unico e DVD Ley di atraccion a wordo bautisa. E DVD tabata scondi bou di piedranan di Black Stone Beach y muchanan representando e generacion actual ta busca y encontra esaki y miembronan di Love & Light cu bela ta bautisa esaki. Despues haci entrega di e DVD na Teresa van Heijning , maestra na EPB, cu lo bai haci uso di esaki pa e alumnonan den nan mentor-uur, pa asina motiva e studiante pa e kere den su potencial y stimule pa e kere den su su mes y traha ariba nan propio estima. Kico ta ley di Atracción? Ley di Atracion ta un ley fundamental. Un forma mas simple pa splike ta; cu tur locual cu bo ta pensa, bo ta crea y tur loke bo ta pensa bo ta atra’e. Nos tur a wak esaki traha den nos bida pero locual cu ta pasa nos no ta consiente di esaki of no tabata sa kico e ta of con pa controla esaki. Cuanto biaha nos ta lanta for di cama cu mal beis, despues bo ta ripara cu henter e dia tin cosnan cu a sosode cu bo, unda cu mas mal beis bo a haya. Y otro biaha cu bo ta asina den un bon humor , cu henter e dia a bai asina sublime. Wel kere ESEY TA E LEY DI ATRACCION DEN ACCION. E ley aki no ta discrimina e ta djies duna bo locual cu e momento ey bo ta pensando y si e no a sosode imediatamente e ta procesando e pensamento aki y lo sosode na su debido tempo. Asina nos por bisa tambe cu e ley di atracción ta exitoso pa cada hende na diferente manera. Bo tin cu test e pa bo mes, cuminsando cu cosnan chikito y e ora bo ta realisa cuanto poder bo mente por genera si bo ta kere den loke bo ta pidi. E DVD Ley di Atracción den Accion a wordo presenta cu vivivencia di personanan bibando ariba e dushi baranca aki, contando nan experencia con nan a aplica e ley di atraccion consiente y inconscientemente y con e la traha den nan bida, treceindo felicidad, exito, abundancia, salud y amor den nan bida. E paisahenan di Aruba y e mensajenan positivo ta haci e contenido inspirativo. Un DVD magico cu ta trece claridad y sabiduria den bo bida. E team di panelista dinamico a consisiti di: Belquis Moreu, Entrepeneur Thea van der Kuyp, Reiki Master Rosabelle Illes, Escritor Guisela Croes, Therapista Holistico Eddy Oduber, Hypno therapista. Cada un a comparti y elabora ariba un parti di Ley di atraccion, y nan comparti nan experencia y a bin cu tips, instrumento: • bo pensamento y emocionanan, mester ta ariba e mesun frecuencia, • con pa aplica e Ley di atraccion den bo bida diario y cu nos ta sernan den proceso y cu cada bes nos ta evolucionando, • E don di gratitud • Cambio di un mente competivo pa uno creativo • Cu Ley di Atraccion ta traha pa cada hende diferente y cu pa logra esaki tin hende mester traha duro y bai den accion, pues no sinta soña, y no move anto verwacht pa logra bo meta. Depues sala a haya oportunidad pa intercambia di idea, duna comentario conjuntamente cu e panelistanan. Na final E mensaje di L & L pa cada un presente : “Corda cu abo ta e autor di bo bida. Nos mes ta creando nos realidad di bida y nos tin influencia ariba dje. E frecuencia di mas GRANDI ta AMOR, comparti esaki, duna gratitud y ricibi na abundancia. Be the best you can BE!! Sinti bo manera strea, actu’e y bib’e y lo bo contagia tur e sernan rond di bo y nan lo sinti e poder positivo y di amor!! Corda cu abo ta e resultado di bo deseo, si bo ta durf di confia den bo mes. Si bo combina bo talento unico cu e parti di bo, como hende servicial, duna y lo bo ricibi. E energia di Ley di atraccion lo sigi core y yega tur caminda. Pa trece Paz pa bo, Aruba y mundo henter” Pa mas informacion y/of pa cumpra e DVD na Papiamento of na Ingles di E secreto tuma contacto cu 5930-980. Ambos DVD ta na benta tambe na tur Van Dorp (Oranjestad, Dakota, San Nicolaas y Certified) y na Aruba Millennium Resort na Palm Beach.
|
|||||||
