| Famia Kock e prome famia di dragracing |
|
|
|
| Tuesday, 01 July 2008 - 00:00 | |||||
 Recientemente a ricibi for di Headquarters di IHRA un articulo di sra. Sherrie Barbour tocante nos International Racetrack Palo Marga. Den e articulo aki tanto Aruba y Palo Marga ta ricibi bastante elogio.E hecho cu Palo Marga ta propiedad di gobierno, pero ta wordo dirigi door di The Boss Racing Foundation tambe a wordo menciona y sigur e hecho cu esaki a celebra su di 25 anniversario. Palo Marga ta wordo discribi como un racetrack di famia. Famianan cu ta bini hunto ta amical y ta hopi dedica na e deporte di dragracing. Click read more pa mas detayes y imagen.
Un di e famianan cu ta wordo ampliamente discribi den e articulo aki ta e famia Kock. E nomber "Big Joe Racing" ta bini di un patriarca di e famia, Joe Kock. Joe kende fisicamente no ta mas mei mei di nos, pero a bay laga atras e amor, conocemento y dedicacion pa cu e deporte aki pa su 5 yiu homber y 3 yiu muher. Tur 8 yiu a yega di competi dado momento den e deporte di dragracing.
Ricardo, tabata e prome yiu cu a gana un evento na Palo Marga dia 29 di April 1983. E la core un Nova 1967 cu e cifra 054 pinta den banda. Esaki tabata e cifra escogi pa asina duna honor na nan tata kende a fayece na e edad ey. Pa mas di 25 aña, e auto a keda ta tuma parti den tur competencia y cada biaha un miembro nobo di e famia tabata use como nan prome auto di careda. Ricardo su señora, Sita y yiu magaly ta bastante envolvi den cada aspecto di e deporte aki, for di marketing te cu decoracion di e pista. Yiu, Giovanni y cuña Andy Sanchez ta coredornan cu hopi experiencia, kendenan tambe ta habriendo paso pa e generacion nobo cu ta na caminda. Actualmente tin 5 yiu cu ta cla pa tuma over y bira e di 4 generacion pa competi den e mesun auto cu nan abuelo. E rumanan di Ricardo, Marcelo y Chico y dos primonan ta ainda activamente envolvi den e deporte di dragracing of ta core ainda. Juan, un otro ruman tabata e campion ABC na 1981 y 1982 e campion local na 1983 y 1984. Juan, tambe a tuma parti den cada organisacion di e ultimo 25 aña y a fungi tambe como chairman di Comite Organisador cu ta opera e track pa mas di 10 aña. Juan su relacion cu e excecutivonan di IHRA a hiba pa nombra Palo Marga como e prome di Caribe. 
Isha
said:
|
|||||
 |
Famia Kock tur dia !!! |
