| Setar N.V. cu campanja nobo Scratch & Win |
|
|
|
| Tuesday, 01 July 2008 - 07:01 | |||||||||||||
 Durante un conferencia di Prensa, Sra. Roxana Ras representante di SETAR NV a splica encuanto di e campaña nobo di SETAR “Scratch & Win. Sra. Roxana Ras a splica cu ya ta conoci cu e compania number 1 den Telecomunicacion na Aruba, ya pa 4 aña caba ta e sponser principal di e evento mas grandi durante e periodo di vakantie cual ta Sparkling Tour. Sra. Ras a cuminsa na bisa cu tur aña SETAR ta introduci un producto of servicio nobo durante e periodo di Sparkling Tour y pa e a aña aki esaki tambe ta e caso. Click read more pa mas detayes y imagen.
Pa prome biaha na Aruba y cu
SETAR como compania di telecomunicacion ta trece un promocion asina
grandi pa Aruba cu carchi prepaga.
“Nos kier a presenta na boso un GSM Prepaid Card nobo specialmente diseña den e colornan “fucchia” di Sparkling tour y esaki no ta tur, e producto aki tin algo extra. Cu e carchi aki bo por Scratch y Gana manera e campaña mes ta bisa “Sratch & Win”, pues si bo raspa e codigo cu tin riba e carchi special aki cu e layout di Sparkling Tour y bo manda esaki via un SMS pa 221 bo lo tin chens pa gana premio”., asina Ras a expresa. Roxana Ras a sigui splica cu SETAR ta e sponsor principal di Sparkling Tour y debi cu e aña aki ta festehando e 5 aña como compania NV SETAR ta duna tur cliente di SETAR te cu fin di aña oportunidad di gana varios premio. Un total di Afl. 75.000,- na premio Cu e campaña aki SETAR ta duna un total di Afl. 75.000,- na premio cu ta consisti di premio al instante of premio di descuento. Tur cliente cu cumpra un carchi prepaga di Afl. 15,- cu e diseño di Sparkling Tour tin chens di gana un premio al instante of un premio na descuento. Premionan instantaneo ta p.e. celularnan, yamada gratis, Mp3 Player di SETAR of carchi di entrada pa Sparkling Tour 2008. 10 diferente premio grandi cada un na un balor di Afl. 1000,-. Ademas di tur esaki tin 10 diferente premio grandi cada un na un balor di Afl. 1000,-. E premionan grandi ta consisti di Weekendstay na Corsow, I-pods, diferente kadobon di tiendanan renombra na Aruba tur na un valor di Afl. 1000,- hunto y varios otro premio mas. Premionan di descuento ta p.e. descuento riba compra di celular. E promocion “Scratch & Win” E promocion “Scratch & Win” ta valido solamente cu compra di un carchi GSM prepaid di Afl. 15,- cu e diseño di Sparkling Tour. E codigo ta para patras di cada carchi y pa wak e codigo bo mester raspa esun caminda ta indica Scratch & Win y manda e codigo pa 221. Cada mensahe pa 221 ta costa Afl.0,50. Tur hende cu manda e mensahe lo ricibi automaticamente un SMS bek cu e contesta si e ta un ganador of no. Si e persona gana yamada gratis esaki lo wordo poni automaticamente riba e number di celular cu el a manda e mensahe. Si bo a gana un otro premio esaki por wordo reclama solamente na SETAR Seroe Blanco tur diahuebs entre 2or y 4or di atardi. Pa busca e premio mester presenta cu e celular y e mensahe cu bo a ricibi hunto cu e carchi orginal. E promocion aki ta cuminsa diamars dia 1 di juli y ta termina 31 di augustus 2008, tanten cu tin e carchi roos di Sparkling Tour den stock. E carchi special aki lo ta obtenibel na tur Teleshop di SETAR y e lugarnan di custumber unda sa cumpra carchi prepaga di SETAR. Roxana Ras a enfatisa: “Cu esaki tambe nos como compania number 1 den telecommunicacion ta mustra cu nos ta duna bek na e communidad y tambe ta patrocina eventonan sano manera Sparkling Tour unda hubentud y Aruba henter por gosa di dje den stadion of en bibo na cas”. “Mi kier a yama danki na full e team di SETAR cu a traha duro pa e promocion di “Scratch & Win”, na Janiro Eisden di Basic One, Humprey Obispa ganador absoluto di Sparkling Tour 2007 y Aruba’s Youth Star 2007, bailarinanan di Scol di baile Diana Antonette, Darin Henriquez di Zen Designs pa e diseño di e carchi prepaid y materialnan di promocion y Juan Torres di Animagic Advertising pa nan bunita trabao. Prome cu nos lansa nos jingle hunto cu nos video promocional, mi kier a pasa palabra pa Indra Lampe cu ta un di nos web developernan y technical engineer pa splica un poco di e tecnologia y sistema cu a ser usa pa Scratch & Win. Despues di Indra Lampe, nos musico local Janiro Eisden di Basic One, cu a traha durante e lunanan aki cu nos pa por saca un tremendo jingle lo elabora mas riba con esaki a wordo crea pa cu e campaña di Scratch & Win. SETAR NV di bo tambe Bus Auto Supermarket Weekendstay Programma Special TA SMS Free Weekend Special MMS Reduced 10 cents Video Calling Wireless Broadband USB & SIM Sponsor Sparkling Tour Account to Account Transfer Click play pa scucha Roxana Ras representante di mercadeo splica mas tocante di e campaña di scratch and win: Click play pa scucha Janiro Eisden di Basic One elabora mas tras di e idea pa e jingle nobo:
Click play pa scucha e jingle nobo di e campaña di Scratch & Win:
|
|||||||||||||
