| Roxana ta splica kiko ta SCRATCH & WIN |
|
|
|
| Tuesday, 01 July 2008 - 15:00 | |
 Roxana Ras, ehecutivo di e departamento di Mercadeo di SETAR a splica cu SETAR ta e sponsor principal di Sparkling Tour 2008 y debi cu e aña aki ta festehando e 5 aña como compania NV SETAR ta duna tur cliente di SETAR te cu fin di aña oportunidad di gana varios premio. E biaha aki a trece un toke diferente introduciendo e SCRATCH & WIN. Cu e promocion aki, e clientenan por gana un total di Afl. 75.000 na premio hunto cu 10 premio grandi tur na valor total di Afl.10.000. Click read more pa mas detayes y imagen.
E promocion “Scratch & Win”
E promocion “Scratch & Win” ta valido cu compra di un carchi GSM prepaid di Afl. 15,- cu e diseño di Sparkling Tour. E codigo ta para patras di cada carchi y pa wak e codigo bo mester raspa esun caminda ta indica Scratch & Win y manda e codigo pa 221. Cada mensahe pa 221 ta costa Afl.0,50. Tur hende cu manda e mensahe lo ricibi automaticamente un SMS bek cu e contesta si e ta un ganador of no. Si e persona gana yamada gratis esaki lo wordo poni automaticamente riba e number di celular cu el a manda e mensahe. Si bo a gana un otro premio esaki por wordo reclama solamente na SETAR Seroe Blanco tur diahuebs entre 2or y 4or di atardi. Si bo no gana un premio, e number lo keda valido den e sistema di SETAR y na fin di e campaña bo tin chens di gana un pakete grandi di varios servicionan y productonan di SETAR pa un aña gratis. Pa busca e premio mester presenta cu bo prueba di identificacion, e celular cu e mensahe ricibi hunto cu e carchi orginal. Un total di Afl. 75.000,- na premio Cu e campaña aki SETAR ta duna un total di Afl. 75.000,- na premio cu ta consisti di premio al instante of premio di descuento. Tur cliente cu cumpra un carchi prepaga di Afl. 15,- cu e diseño di Sparkling Tour tin chens di gana un premio al instante of un premio na descuento. Premionan instantaneo ta p.e. celularnan, yamada gratis, Mp3 Player di SETAR of carchi di entrada pa Sparkling Tour 2008. 10 diferente premio grandi cada un na un balor di Afl. 1000,-. Ademas di tur esaki tin 10 diferente premio grandi cada un na un balor di Afl. 1000,-. E premionan grandi ta consisti di Weekendstay na Corsow, I-pods, diferente kadobon di tiendanan renombra na Aruba tur na un valor di Afl. 1000,- hunto y varios otro premio mas. Premionan di descuento ta p.e. descuento riba compra di celular. E promocion aki ta cuminsa diamars dia 1 di juli y ta termina 31 di augustus 2008, tanten cu tin e carchi roos di Sparkling Tour den stock. E carchi special aki lo ta obtenibel na tur Teleshop di SETAR y e lugarnan di custumber unda sa cumpra carchi prepaga di SETAR.  |
