|
Tiara Air a firma un acuerdo pa avionnan |
|
|
|
|
Wednesday, 02 July 2008 - 00:00 |
 Tiara Air a caba di drenta den un acuerdo di lease di operacion cu AeroCentury Corporation, procedente di Burlingame, California, pa e lease di dos avion di Suecia tipo SAAB 340A turboprop, cualnan lo facilita e compania su plan di expansion. E SAAB 340A tin un reputacion excelente pa seguridad y contabilidad den operacionnan di servicio aereo rond mundo, segun Director Gerente Alejandro Muyale. Click read more pa mas detayes y imagen.
E avion nobo lo suplementa e
operacionnan actual di Shorts SD3-60 y lo permiti e aerolinea di yega
na destinacionnan regional nobo, cu su speed di 270 knots y habilidad
di bula mas leu. Mas importante, Muyale ta agrega, e SAAB 340A ta conta cu un cabina presuriza pa 33 pasahero, cu ta completamente aerecondiciona.
E SAAB 340A nobo, Muyale a conclui, ta trece posibilidadnan nobo y importante pa Tiara y su pasaheronan balora.
Un vocero pa e compania ta raporta cu Tiara Air lo introduci e prome SAAB 340A pa drenta den servicio na september di 2008, y e di dos avion na december 2008.
E yegada di e SAAB 340A tambe ta habri oportunidadnan nobo pa e ekipo di operacion local y tecniconan di mantencion adkeri habilidadnan y experiencia cu un avion moderno di turbina.
Tiara Air ta contento di por ofrece destinacionnan nobo na su clientenan fiel y pa sigui opera "na ora, comodo y simpatico."
Riba e potret por mira e firmamento di e acuerdo, cu Alejandro Muyale, Director Gerente di Tiara Air, Polly Preminger, CEO Aero Century, y Michael Adams di Potomac, Tiara su representante pa e leasing y adkisicion.
| Comments () >> |
 |
 |
