| ATA y Amstel Bright cu Aruba Hi-Winds 2008 |
|
|
|
| Wednesday, 02 July 2008 - 00:00 | |||||||||||
 Di 2 pa 7 di July Aruba lo ta sede di e di 22 edicion di Aruba Hi-Winds, 2008 cu lo tuma lugar na Fisherman’s Hut na Malmok. E aña aki e comicion organisador bou guia di Wim Eelens a prepara un programa cu ta inclui tanto windsurfing como kitesurfing cu lo percura pa hopi acion ariba lama durante e 5 dianan di competencia cu lo tuma lugar na Fisherman’s Huts y na Boca Grandi. Mescos cu aña pasa Aruba Tourism Authority a yuda promove e evento aki via www.aruba.com y ta logra un gran cantidad di particpante atrobe cual lo hasi e compentencia e aña aki hopi interesante. Click read more pa mas detayes.
Manera tur hende aña pasa Aruba Hi-Winds a relanza su website completamente renoba y re-diseña cu ta mas dinamico y inovativo cu hopi features y facil pa nabega. Y tin un programa excelente caminda ta duna e parti tanto competitivo como esun social hopi atención y ta sigur cu e participantenan di e aña aki lo disfruta. Mescos cu tur aña Comicion organisador a acerca varios comerciantenan local pa apoya e evento cu ta un evento hopi educativo y recreativo cu ta yuda tene Aruba su jovennan activo y sano haciendo algo bon.
Historia di Aruba Hi-Winds: Den añanan 80 e deporte di vela di windsurfing tabata den su piek di mas grandi. Y Aruba tabata un di e organisadornan di mas grandi di e deporte aki cu tabata tin super estreyanan manera Robby Nash, Andres Brindal y Bjorn Dunckerbeck cu pa varios aña a participa den competencia na Aruba. Un deporte cu den su temponan di gloria diferente pais rond mundo tabata organisa y tabata atrae spectadornan di rond mundo. Aruba no a keda atrás contando cu un clima perfecto durante 365 dia pa aña cu hopi biento cual ta condicionan favorabel pa por organisa tipo di eventonan asina. Desde 1996 Aruba Hi-Winds a cambia su site di Eagle beach pa Fisherman Hut y desde 1997 Aruba Hi-Winds ta ser organisa pa un ekipo dinamico di voluntario usando e mesun metodo y regla di PWA. Awe Aruba Hi-Winds a bai over pa organisa competencianan solamente pa amateur y durante aña a agrega competencia di “Free Style” caminda surfistanan ta competi sanamente pa e corona di “King, Queen, Prince of the Huts” como tambe “Kid of the Huts” cu ta concentra ariba e muchanan di 7 y 8 aña y a agrega e “kick” nobo den e deporte aki cu ta Kite boarding. Actualidad: Awendia mientras cu e interes rond mundo pa competencianan di regatta a baha pa motibo di desaroyo y cu esaki falta di biento, por bisa cu Aruba ta un di e poco paisnan cu tabata riba e scema internacional di PWA cu a keda organiza su evento di hi-winds. Biento no ta un problema pa nos y sigur cu e ekipo dinamico di voluntario cu e evento tin actualmente kende tur diasabra na Fisherman’s Hut ta duna atención pa siña e chikitinnan cu tin interes pa siña e deporte aki les di wind surfing. Di e atención aki a sali Aruba su deportista internacional Sara-Quita Offringha cu ta ehempel bibo di e fruto di e scol di hi-winds di Aruba. Categorianan: Manera tur aña e evento ta ofrece competencia pa tur edad, mucha bou 14 aña, Junior entre 14-18 aña, masculino y femenino entre 19-34 aña y master 35 aña of mas den e siguiente disciplinan; slalom racing, long distance y freestyle. Tur interesadonan amantenan di e deporte aki por a inscribi via website www.aruba-hiwinds.com tin pakete pa participantenan y no participante. E comicion organizador ta hopi orguyoso di e programa di e aña aki. Cu ta un programa top cu ta entretene tanto e participante como e fanatico y di 2-7 di juli tin caredanan henter dia cuminsando di 10 or di mainta riba beach di Hadikurari, freestylers lo competi pa e corona di “King, Queen, Prince of the Huts”, Kite Boarding y tin inclui e fin di siman diasabra 5 di juli y diadomingo 6 di july hopi ambiente caminda Amstel Bright lo entretene tur presente ariba beach cu weganan divertido cu premionan fabuloso pa e ganadornan. Tambe lo tin presentacion “live” di e bandanan Ear Plugs y Honey Pot. Participantenan internacional, regional y local: E aña aki e evento ta conta atrobe cu un bon cantidad di participantenan internacional y tambe local: Hulanda, Portugal, Hungria, Colombia, Venezuela, British Virgen Island, USA como tambe delgacionan di Bonaire y Curacao hunto cu esnan di Aruba como tambe lo tin cobertura di prensa internacional. Patrosinadornan: Aruba Tourism Authority y Amstel Bright como patrosinadornan principal kier a invita henter pueblo di Aruba pa apoya e evento y asisti na beach di Fisherman’s Hut entre 2-7 di juli. Alaves e comicion organisador ta conta y ta gradici e lista largo di e otro patrosinadornan: ATA, Amstel Bright, McDonalds, Aqua Windie’s, Sailboard Vacation, ASD Hotel & Restaurant Equipment, Bula Surf Shop, Da, Colombian Emeralds, Delifrance, El Louvre Witec, Heli Tours Aruba, Divi Tamarijn All Inclusive, The Entertainment Group, Super Food, Armando’s Kite Shack, Adventure Golf, Design Works, Martijn Trading, Pro Tec, Panache, Taste of Belguim, Aruba Aloë, More 4 Less, Moomba Beach, Zenitel, Spare Time, Zen Designs, Tropical Bottling Co. , Domino Pizza, Crystal Design House, Vela, ATCO, Lotto pa Deporte, Koninklijke Marine y Cool FM 98.9 cu lo ta live ariba beach diadomingo.
hmm
said:
|
|||||||||||
 |
Hi-Winds ta algo positivo pa e deporte di Windsurf y windsurfers nan di Aruba esaki sigur ta algo aprecia. Pero cu Hi Winds ta trece hopi turismo pa Aruba esey mester ta un joke. E beachnan pa hopi aña ta bashi y ta puro windsurfers so tin of amantenan di e deporte aki. |
Bito
said:
|
hmmm............mi ta kere ci si bo ta bisa cu e beachnan ta bashi...owel...no bai waak pa noord di Aruba,,,bai banda di e hotelnan bo ta waak,hopi turista!pika cu e evento a mane muri,mi ta corda basta anja pasa con grandi e cos aki tawata,hopi spot.......buja etc..pero awor mi no sa kiko ta pasando,of windsurf no ta gusta mas stranjo...organisadornan hasi algo...........pone e ambiente dushi cu tawata tin antes! |
hmm
said:
|
Hopi hende locaal ta bai pero caunto hende ta cumpra un ticket bin Aruba pasobra e kier bai Hi Winds ? Y berdad Kite surfing a bai cu tur hende esey ta e hype si awo. |
Un Observador
said:
|
HI WINDS,BOSO TA POKO LAAT,NOS TA DEN TEMPORADA AWOR DI LOW-WINDS,JUNI TA UN BON LUNA,PLS TENEN KUENTA PA NEXT TIME |
