| Idefre cu su vakantieprogramma |
|
|
|
| Thursday, 03 July 2008 - 00:00 | |||||||||||||||||
 Pa dos siman largo IDEFRE lo organiza e vakantiprogramma anual den e districto di San Nicolaas y vecindario. E programma aki ta existi pa varios aña caba pa muchanan di skolnan basico di San Nicolaas cu no tin mucho cosnan di haci den nan vakantie di skol. E hecho cu mayoria di mayornan di nos muchanan di San Nicolaas y vecendario ta traha den hotel ta cuasa cu hopi mucha ta keda cas sin guia di mayor. Un otro aspecto ta cu e situacionan financiero cu instancianan ta pidi pa nan vakantieprogramma no ta permiti e mucha di menos recurso participa den e programanan concerni. Click read more pa mas detayes y imagen.
IDEFRE y su profesionalnan riba tereno di recreacion y deporte anualmente ta pone su programma pa asina yena e vacio aki y ta duna e mucha di menos recurso e oportunidad pa e tambe disfruta di por lo menos dos siman di vacacion na un manera recreativo y deportivo. E aña aki IDEFRE lo ehecuta dos programma .
E prome siman for di 14 te cu 18 di juli bou di e departamento SPORT VOOR ALLEN cu su hefe Willy Willems IDEFRE ta organiza un siman di weganan popular pa nos muchanan. E di dos siman e departamente SPORTINSTRUCTIE ta organiza un siman den cual cuater deporte lo worde instrui na nos muchanan stimulando nan asina pa invulcra nan mes den un deporte organiza. E aña aki e deportenan di Futbol, Softbol, Baseball y Atletismo lo worde instrui nan nos muchanan. Cada dia un deporte lo worde instrui pa instructornan di e federacion al respecto. E intruccionan lo worde duna for di dialuna 21 te cu 24 di juli. Diabierna dia 25 di juli IDEFRE e aña aki lo organiza e prome caminata pa mucha, hubentud y su mayornan. E caminata aki lo carga e nomber CAMINATA PA UN HUBENTUD SANO. Pues dos siman yen di actividad pa nos muchanan di edad 6 te cu 13 aña. Inscripcion ta habri ainda y nos ta suplica esnan cu no a ricibi informacion di su skol por inscribi personalmente na oficina di , SPORT CENTRUM SAN NICOLAAS. Inscripcion ta costa 25 florin pa mucha mientras cu pa dos of tres ruman ta paga solamente 40 florin pa dos siman di rereacion y instruccion di deporte. Pa cualkier informacion por bel SPORT CENTRUM SAN NICOLAAS na telefoon 5848903 of 5844213 y puntra pa sr. Eric Mohamed of sr. Esmond Jones.
bea
said:
|
|||||||||||||||||
 |
E ta un bon idea, pero un vakantiekamp asina na dakota Stadion Prospero Trinidad tambe ta bon bini pa esanan cu no por bai vakantiena otro pais y ta keda vervela na cas. |
