|
Un biaha mas exitoso caminata di Arubabank |
|
|
|
|
Thursday, 03 July 2008 - 00:00 |
 Ta parse cu tur anja e atencion y interes na e caminata di 4 dia di Aruba Bank ta bira mas grandi. Ayeranochi esaki no tabata un excepcion ora cu centenares di hende a cana cu e prome banco comercial di nos isla, inciando un caminata cu lo tuma lugar durante no menos di 4 dia largo. Esaki ta di cuater aña consecutivo cu Aruba Bank ta organisando un caminata special pa su clientenan y pa henter e pueblo di Aruba. Click read more pa mas detayes y imagen.
Esaki como parti di e compromiso serio cu Aruba Bank conhuntamente cu Subway tin cu e comunidad Arubano pa cu deporte, pa cu eventonan social y claro, pa organisa eventonan positivo na unda famia, amigonan, coleganan y conocirnan por entretene nan mes na un forma sano y saludabel.
E caminata di e aña aki ta tuma lugar entre dianan 1 pa 4 di Juli 2008. Tur e caminatanan ta start na e mesun ora, esta 6or y mei di atardi, pero tur dia tin un otro ruta. E prome dia por ehempel, esta ayera dia prome di Juli, el a sali pa 6or y mei di atardi for di Idefre, awe dia 2 di juli, pa motibo di cambio, e ta sali for di Marriott Vacation Club na Noord, dia 3 di Juli lo start na veld di Winston na Santa Cruz mientras cu riba e di 4 y ultimo dia lo sali for di Centro di Bario Ayo.
E rutanan sinembargo ta diferente cada dia, pasobra ayera a cana un total di 5km saliendo for di Idefre direccion DA Drogist, Belgiestraat, Ban Ban Bar & Restaurant, Bushiri, Fantastic Garden, Caya Soeur Meltia, Caya Soeur Dionysia, Schotlandstraat, Frankrijkstraat y cabando atrobe na Idefre.
Awe lo cana 7.2km saliendo for di Marriott Vacation Club na Noord direccion L.G. Smith Boulevard, Malmokweg, Westpunt, Rooi Santo y pa bay caba na e mesun lugar cu a cuminsa, esta na Marriott Vacation Club.
Dia 3 di juli lo cana 5.5km cuminsando for di Veld di Winston na Santa Cruz, coi direccion pa Bringamosa, Boton, Macuarima, Palacio di Husticia y pa bay caba atrobe na Veld di Winston. Riba e ultimo dia, esta 4 di juli lo start sali for di Centro di Bario Ayo den direccion di Wai Fat, Ayo Rock Formation, Sero Pita pa caba atrobe na Centro di Bario Ayo.
Locual a hala masha atencion e anja aki tabata e participacion di e personahe mundialmente conoci, Jared Fogle di Subway. E ultimo a yega Aruba ayera y ta hopi emociona pa cana cu tur e centenares di participantenan, cu porcierto a suma na mas di 3000 participante caba, dunando ehempel cu no tin nada mihor cu come saludabel y haci un poco ehercisio tur dia, manera ta canamento. Aruba Bank ta masha contento di e alianza cu nan a sera e anja aki cu Subway pa e caminata aki.
| Comments () >> |
 |
 |
Ta parse cu tur anja e atencion y interes na e caminata di 4 dia di Aruba Bank ta bira mas grandi. Ayeranochi esaki no tabata un excepcion ora cu centenares di hende a cana cu e prome banco comercial di nos isla, inciando un caminata cu lo tuma lugar durante no menos di 4 dia largo. Esaki ta di cuater aña consecutivo cu Aruba Bank ta organisando un caminata special pa su clientenan y pa henter e pueblo di Aruba. Click read more pa mas detayes y imagen.
