| T.H. Palm & Company a haci donacion |
|
|
|
| Thursday, 03 July 2008 - 08:00 | ||||
 Na november di 2007, T.H. Palm & Company, un di e tiendanan mas popular y colorido na Palm Beach, a tuma e decision di dedica un porcion di e ganashi di su benta na seis fundacion caritativo local, yudando nan via donacionnan monetario regular, y dunando bek na nos comunidad, manera ta conoci den e idioma anciano di Kabala, como Tikkun Olam, esta yudando den e reparacion di mundo. Esnan cu a haci compras na T.H. Palm & Company a wordo pidi pa scohe nan instancia caritativo preferi for di un lista di proyecto local excelente. Click read more pa mas detayes y imagen.
Y Telefon pa Hubentud tabata den e top seis.
Cuminsando cu e prome di november 2007, T.H. Palm & Company a cuminsa wanta un porcion di su entrada, y e siman aki e di dos donacion a wordo entrega na Telefon pa Hubentud. E entrega di e donacion a wordo haci pa asociadonan di Salamander Holdings, esta Elena Policarpio, Cora Gargantilla, Julie Partosemito y Hilde Nahr. Telefon pa Hubentud, un liña di telefon pa yuda mucha y cu ta opera dor di boluntarionan, representa pa Jeanine Tromp y Madeline Ridderstap, ta hunga un rol importante den yuda muchanan resolve problemanan cu e ayudo di un consehero cu nan por confia, via telefon. Muchanan mester djis tuma e telefon, primi 131, y comparti nan storianan y problemanan, na un manera confidencial y cu un adulto anonimo. Fundacion TPH ta bishita scolnan y ta promove su servicionan sumamente importante na muchanan cu ta hay'e mas facil pa comparti via telefon cu ta pa comparti den bida real, specialmente ora nan mayornan ta na trabou y esnan cu ta cuida nan ta ocupa. Telefon Pa Hubentud a wordo lanza dia 20 di november, 1999 como un instancia caritativo independiente, cu su number di telefon, '131' y su logo distincto, cu e meta di yega na muchanan y hobennan entre 8-18 aña di edad, habri pa pregunta y pa comparti entre 2 pm pa 6 pm, 365 dia pa aña. Telefon Pa Hubentud ta organiza similarmente na esun di Hulanda y tambe ta inclui hobennan boluntario cu ta traha como conseheronan na telefon. Abo tambe por yuda haci un diferencia dor di djis cumpra na T.H. Palm & Company. Dos Porciento (2%) di e benta ta designa na un di e seis fundacionnan. Abo ta scohe cua di e fundacionnan bo kier mira haya e placa di e benta. E ta asina facil! Si bo kier mas informacion tocante Telefon pa Hubentud, bo por yama Tel.: 588 6138. Tambe bo por tuma contacto cu T.H. Palm & Company na Tel.: 586-8909 of email This e-mail address is being protected from spam bots, you need JavaScript enabled to view it . T.H. Palm & Company ta situa na e banda di caya di Playa Linda Beach Resort y ta habri diariamente di 9am – 10pm cu excepcion di diabierna, ora e tienda ta habri te 11pm.
|
||||
