| Ingrid Betancourt ta reuni bek cu su yiunan |
|
|
|
| Thursday, 03 July 2008 - 10:00 | |||||||||
 Manera nos a informa den nos edicion di ayera, e ejercito colombiano a logra libera e ex candidata presidencial Ingrid Bentacourt for di man di e rebeldenan di FARC. Asina e Minister di Defensa a anuncia ayera. Betancourt su salud ta bon, asina e minister a bisa, refutando e informacionan cu tabata circula indicando cu e lo ta confronta problema di salud. Ingrid a gradici Dios y tambe e soldadnan colombiano kende a logra libera su persona y 14 otro rehen for di nan cuativerio.Click read more pa mas detayes.
Entre e 14 rehenan tabatin tres ciudadano mericano y 11 soldad colombiano kendenan a wordo rescata for di un campamento den e jungla colombiano. E operacion cual a hiba e nomber di "Jaque", tabata un asina bon coordina cu no a registra ningun victima. Dos miembro di e grupo rebelde FARC a wordo captura duante e operativo aki. Betancourt tabata secuestra for di 23 di Februari 2002 y e tres mericanonan for di 2003. E 15 rehen a wordo transalada pa e base militar di Tolemaida, cu ta keda na 190 kilometer for di e capital, Bogota. Na Bogota nan ricibi un control medico, pa asina determina nan estado di salud. E yiu homber di Ingrid Betancourt, Lorenzo Delloye a reaciona masha contento awor cu su mama a wordo libera. Ademas di Lorenzo, Ingrid tin un otro yiu muher cu yama Melanie. Nan a bula pa Bogota pa asina wordo reuni cu nan mama, despues di mas cu 6 anja. For di henter mundo a drenta hopi reacion di alegria pa cu e liberacion di Ingrid Betancourt.
Rasputin
said:
|
|||||||||
 |
Pa esnan openminded . Djis wak loque politica Por. Sarcozy A priminti y a cumpli. Ohala tin mas politici asina. Time will tell,No kere den esnan cu ta puro bla,bla,bla.Saludos |
asfs
said:
|
Rason!! (Rasputin),, e hende nan ki a husa tempo como nan inteligensia, no violiencia!!!(Y) |
d.p.
said:
|
Mi ta orgulloso di ta un ser mujer mirando kon Ingrid a lucha te na ultimo cu speranza cu un dia lo wak su yuinan bek. papa dios bo ta grandi. |
