| Comunidad Arubano a celebra San Juan |
|
|
|
| Thursday, 03 July 2008 - 11:00 | ||||||||||||||||||||
 E comunidad Arubano na Hulanda a celebra diadomingo 29 di Juni Dia di San Juan den Boerke Mutsaers na Tilburg. Presente na e ocacion aki tabata tabata Ministro Plenipotenciario sr. Frido Croes y esposa Lourdes Croes-Figaroa, miembronan di Nos Baranca y un publico grandi di Arubanonan cu a bin presencia e evento cultural aki. E programa a cuminsa cu canto di e himno ‘Aruba Dushi Tera’ pa Solange Trimon, sigi pa discurso di presidente di Nos Baranca sra. Mena Maduro. Sra. Maduro a gradici tur esnan cu a contribui na e celebracion aki. Click read more pa mas detayes y imagen.
En especial e tabata tin un danki grandi na Cas di Aruba, cu tur aña ta sostene e Festival di San Juan cu subsidio.
Tambe sra. Maduro tabata tin aprecio pa e publico cu tur aña ta asisti na e Festival, pasobra sin publico no tin celebracion di San Juan, asina sra. Maduro a bisa. E presidente di Nos Baranca a haci entrega di algun plakaatnan personanan como reconocimento pa nan sosten. Un plakaat a keda entrega na James van der Linden cu e ultimo añanan tabata maestro di ceremonia. Tambe sra. Maduro a haci entrega di un plakaat na Minister Plenipotenciario pa e sosten cu Cas di Aruba ta duna na e celebracion. Sr. Miro Ridderstaat, cu pa hopi aña a sali ganador di e Festival di San Juan, a haya un plakaat pa su trabaonan pa Fundacion Nos Baranca. Minister Plenipotenciario sr. Frido Croes a para keto na e celebracion di cuater lustro di Festival di San Juan aki na Hulanda. E mandatario a mustra ariba e importancia den mantencion di nos cultura y ta pesey Nos Baranca semper a conta y bor sigi conta cu e apoyo di Cas di Aruba. Tambe sr. Croes bisa di ta mira e importancia pa nos hobennan lanta cu e tradicion Arubiano. Sr. Croes finalmente a felicita Nos Baranca y tur esnan cu a yuda cu awe nos ta celebra e di cuater lustro di Festival di San Juan na Hulanda. Un cantidad di cuater cantante a participa na e Festival di San Juan. Ganador a keda den persona di sr. Miro Ridderstap, cu a ricibi e trofeo for di man di Minister Plenipotenciario sr. Frido Croes. Na di dos lugar a keda Mirtha Giel kende a ricibi su trofeo for di presidente di Nos Baranca sra. Mena Maduro. Solange Trimon a bai cu e di tercer premio y a ricibi su trofeo for di man di presidente di Contacto Arubano Rotterdam (CAR) sra. Erna Diaz. Tambe tabata tin concursonan di baile di e cancion di Dera Gai cu a keda gana pa Luis Wernet y Ina Maduro. E wega di ranca bandera a wordo gana pa Miro Ridderstaat, mientras cu Mirtha Giel a gana e wega di mata e Gai. Durante e festival di San Juan/Dera Gai na Tilburg tabata tin presentacion di grupo di baile Tilburg New Dimencion, MC rapper Mady y musica ranchera di Emily Haesinbos. Despues a sigi un fiesta bailable cu actuacion di entre otro Herencia Cultural y Luis y su Tropical. Tabata un atardi Arubano exitoso.
San Juan
said:
|
||||||||||||||||||||
 |
E San Juan aki si a kima anto sin candela hahahaha |
San Money
said:
|
Shonan tur hende ta cueha cu no tin placa ..Pero ta parce cu pa gosa y hasi fiesta SI tin placa .Ta con por ta ? KI dia e cos aki ta caba ????????????????? |
CHITA
said:
|
Pabien Miranda van holehove un bes mas ganador |
asfs
said:
|
San Money... Abo tambe ta un di .. nan aki na Aruba... E ko ta un actividat CULTURAL... habri bo hersenen swa!! |
San Money
said:
|
asfs bo tin rason di e CULTURA manera bo ta bisa,pero nan ta pone e fiesta den e lugarnan mas caro y lojoso pa selebra.Pakiko ? Ta nos c*ltura nan ke selebra of ta gosa nan ke gosa na grandi cu bebida y comuminda gratis ! MI NO TA CONTRA DI EL SELEBRACION DI DERA GAI Y DI NIUN FIESTA CULTURAL ,PERO TIN OTRO MANERA PA SELEBRA HASIENDO FIESTA CU MENOS PLACA .NO ASINA KI ! Y PIJO ORA GOBIERNO MES TA BISA CU NO TIN PLACA. Bo a puntra bo mes cuanto placa nan ta gasta pa solamente e fiestanan aki. No ta dos tres florin sino miles y miles anto EURO . MI hersenen ta BON habri y ta traja bon bon ta pesei mi ta wak e kosnan aki ......y dibo ta traja bon ? HALLO !!! |
San Money
said:
|
E berdad semper ta hasi d**o !!!!!!!!!!!!!! |
Condorito
said:
|
San Money, Con abo sa cu e twt den un lugar luhoso, kizas nan a hanj'e por nada. Y con abo sa cu a twt costa HOPI placa y cu no twt tin donacion? Ta spec*la bo ta spec*la of bo tin feitelijke bewijzen??? Sigur bo feitelijke bewijzen nan ta manera esun di Rudy lampe |
