| Estudio ta ilumina e calidad y sostenibilidad |
|
|
|
| Thursday, 03 July 2008 - 00:00 | |||||||
 “Si bo trah’e, nan lo bin?” tabata entre e tantisimo pregunta interesante treci dilanti pa Dr. Ryan Peterson, decano di e facultad pa estudio di turismo na Universidad di Aruba, durante un presentacion di resultado di un estudio recien conhuntamente cu Aruba Timeshare Association (ATSA). Presidente di ATSA Jan van Nes tambe a duna su punto di bista riba un industria cu ta broma cu benta fuerte y crecemente consistentemente den double-digit pa e ultimo dos decadanan. Click read more pa mas detayes y imagen.
Ta estima cu e industria
internacional di timeshare tin $25 biyon di benta anual. E prestacion
stabil, combina cu proyeccion di crecemento di 5% anualmente, y un
penetracion di mercado di menos cu 10%, ta posiciona e industria di
timeshare como un atractivo y competitivo sector pa desaroyado y
consumido.
Apesar cu un tempo e tabata wordo considera un segmento controversial di e industria turistico, timeshare awor ta ser mira como un di productonan mas stabil den un portofolio turistico di un destinacion, unda bishitantenan ta bolbe aña tras di aña pa usa nan inversion y contribui substancialmente na comunidad y economia local. Internacionalmente, propietarionan di timeshare ta gasta mas cu $15 biyon den interes di timeshare y ta gasta den exceso di $20 biyon durante nan vacacion. Cu por lo menos 10 miyon hogar interesa den bira doño di nan vacacion y cumpra un timeshare durante e proximo dos aña, for di cual 80% ta busca un destinacion tropico cu beach, Caribe ta un candidato preferencia cu ta responsabel pa menos cu 10% di e suministro global di timeshare. Den Caribe, Aruba ta sigui hunga un rol clave den e industria di timeshare, estrenando crecemento di benta continuo y un tasa halto (+80%) di satisfaccion. Loke a cuminsa como un ‘experimento strategico’ na mitar di añanan 1970s, awor a converti su mes den un formidabel sector local, responsabel pa casi mitar di tur bishitante, especialmente bishitantenan leal cu ta ripiti, como tambe contribui na mas cu mey biyon dollar anualmente na comercio local. Durante e periodo extendi entre 2007 y 2008, Dr. Peterson a colecta y analisa mas di 1500 encuesta for di tur propiedad timeshare riba e isla y subsecuentemente a analisa y benchmark e resultadonan y a sigui produci resultado significante como conclusion. Di acuerdo cu Dr. Peterson, e pregunta ya no ta 'traha y nan ta bin', sino mantene conexion y sostene balor. E estudio profundo y extenso a ilumina e calidad y sostenibilidad di e industria di timeshare door di destapa un alineacion strategico compleho di factornan di destinacion, mecanismo di industria y elementonan di hotel. Dr. Peterson ta conclui cu e secreto y forsa di e receta exitoso pa industria di timeshare ta den e mescla di integracion y inovacion di un combinacion di ingrediente di mecanismo presente. En berdad, e calidad di timeshare ta mas cu un simpel monton di piesa, y cu su sostenibilidad lo ta depende di e guia diligente pa combina e ingredientenan di e recet na su momento debido y cantidad exacto.
|
|||||||
