| Abogado mr. Ruiz ta para riba denuncia falso |
|
|
|
| Friday, 04 July 2008 - 13:00 | ||||||||||||||||
 Ayera merdia Fiscal a bisa Hues cu e no ta haya legalmente proba intento di causa maltrato severo y tampoco cu mr. Hendrik Croes realmente a dal e agente di Polis E.V.Maduro cu auto. Esei ta nifica cu a keda un acusacion so esta pone trafico den peliger y bay cu auto riba un persona. Fiscal a exigi castigo condicional y un multa. E acusacionnan contra mr. Hendrik Croes ta: cu e intension di causa danjo fisico pisa na un persona, a intencionalmente core bay cu su auto riba e persona ey dia 16 di Maart 2008. Click read more pa mas detayes y imagen.
- Mr. Croes tambe ta wordo acusa di como chofer di e auto, a sigui core bay despues di a causa un accidente caminda un persona (den e caso aki e agente di Polis, Maduro) a sufri lesion. Tur esaki sin cu por a debidamente determina identificacion di mr. Croes.
- Ministerio Publico tambe ta acusa mr. Croes di a comporta su mes di tal manera riba caminda cu el a stroba libertad di trafico y/of pone trafico na peliger. Ministerio Publico ta describi e comportacion ey cu ora cu e agente di Polis, Maduro, tabata regla trafico riba caminda a duna mr. Croes un senjal pa stop pero mr. Croes a core bay riba Maduro y a dal’e. Hues a repasa kico lo a sosode dia 16 di Maart 2008 na e retondo di Paradera, caminda el a mustra cu Maduro a declara cu a duna mr. Hendrik Croes dos senjal pa para pero mr. Croes a sigui core y e mester a bula un banda caminda e lo a lora riba e capa di motor. Hues a mustra cu tin otro testigonan cu ta declara cu loke Maduro a declara no ta asina o en todo caso nan no a mira Maduro lora riba e capa di motor. Hues a mustra tambe cu for di e investigacion di TOD por conclui cu e auto a dal e agente di Polis. Fiscal a mustra cu e caso a haya hopi atencion y e ta aplaudi e tremendo trabou di Landsrecheche cu den un forma hopi rapido a logra haya testigonan pa asina trece claridad den e caso. Fiscal no ta haya legalmente proba intento di maltrato severo cu auto. El a mustra cu tabatin testigonan cu a declara cu nan a mira mr. Croes baha velocidad. Tambe tin dos agente di Polis cu a declara cu e auto tabata core poco poco. Esei ta mustra cu e auto no tabata bay directamente riba Maduro cu intension di causa herida severo. Tampoco Fiscal ta haya proba cu a causa herida severo. E ta conclui cu a base di declaracion di e testigonan, no por conclui cu tabatin un accidente. Pues no por papia di cu mr. Croes a sigui core bay. Fiscal si ta haya proba cu Croes a pone trafico na peliger dor di no sigui instruccionnan cu a wordo duna door di Maduro. Segun Fiscal, tabatin patruya di Polis para riba e retondo cu serena sendi. E no ta kere e declaracion di mr. Croes cu e no a mira Polis. Fiscal ta haya cu Maduro mester a hala un banda pa auto no pasa riba dje. E ta haya cu no por ta asina cu mr. Croes ta sigui core bay. E ta haya cu loke mr. Croes a haci ta algo serio y a exigi 1 siman di prison condicional cu un tempo di prueba di 2 anja y un multa di 750 florin y si no paga esaki e lo mester bay 15 dia sera. Abogado mr. Ruiz a cuestiona e hecho cu a base di denuncia falso, Ministerio Publico a bay detene mr. Croes. E ta haya cu Ministerio Publico a actua robez. Mr. Ruiz no ta haya na su lugar cu mr. Croes mester presenta den Corte pa un caso penal contra su persona y awor Fiscal ta hala dos di e acusacionnan aden. Segun mr. Ruiz, ora cu e persona a dal man riba capa di motor di e auto y despues a habri e porta di e auto, mr. Croes no a pensa cu tabata trata aki di un Polis. Ta pesei el a aumenta velosidad y a core bay. El a sigui bisa cu dokter no a constata nada na e agente Maduro. Pa loke ta trata e acusacion di pone trafico na peliger, mr. Ruiz a remarca cu no ta mr. Croes sino e agente di Polis Maduro a pone trafico den peliger. El a conclui cu ta parce cu Ministerio Publico kier haci tur posibel pa toch castiga mr. Croes. E ta haya cu mester declara mr. Croes liber. Hues a keda di studia e caso y dia 17 di Juli e lo dicta sentencia.
Un Aruba mihor
said:
|
||||||||||||||||
 |
E caso aki lo defini hopi bon den ki rumbo nos ta bayendo judicialmente, ban spera cu justicia truinfa. Esun cu a hasi malo paga pe! |
j.j
said:
|
Nan mester sera e abogado ey tmb!!!!pa defende e homber ey!!   |
asfs
said:
|
bazoo the clown om |
LIK.HOLL
said:
|
Esaki ta un caso cu mi no por comprende .Cu si twt tin polies cu zwaai licht (serena) na e retonde, ki nodo tin pa polies Maduro dirigie trafico?Mirando cu ta demostracion den cual Mr H.Croes tambe ta tuma parti, como abogado di cabinete,ami tambe na su lugar un homber bien bati ariba mi capa di motor, anto tuma e tribilidad di habri mi porta di auto , cu mi no sa ken eta, mi tambe ta trapa ariba gasolien.Maduro no tin "Polies" scierbi ariba su frenta toch?I ta ken a pone e trafico na peliger,Sr Hues?Mr H.Croes of Maduro sin uniform di polies?Fiscal ta haja cu Maduro mester a hala un banda pa auto no pasa ariba dje, dus eno a haja nada , pakiko sinta den un rostoel anto?Valse beschuldigen ta strafbaar anto un polies, i mi no ta lesa kiko la haja di straf.Ami si no ta aplaudi,drecha e asunto aki,altofuncionarionan ta hari bosonan, wel,wel,Aruba, Aruba,bo ta bai keto bai atras.Btw mi no tin ningun color politieco. |
Condorito
said:
|
E polis a hala un banda y auto a trap'e. Mi ta puntra mi mes, ta cua banda ela hala cu auto a trap'e? Mi a tende for di otro polisnan cu Maduro ta problematico. Cu e no twt ni capasita pa abira polis. Mi no sa. Ta"nan"di |
