| Alvin Werleman fotografo ganador |
|
|
|
| Monday, 07 July 2008 - 00:00 | |||
 Brazil Taekwondo a organisa un biaha mas e Best of the Best Taekwondo National dia 28 di Juni ultimo, caminda tambe e fotografonan a competi den un ambiente alegre pa e ”Best Photo Shot”. Den pasado varios ta esnan cu a gana e competencia y por bisa cu te ainda ningun fotografo a gana esaki dos aña consecutivo. Aña pasa tabata Seever Krozendijk a gana esaki y a bin bek pa retene su titulo, Seever e biaha aki a bin cu tres camara cu lens grandi pero e no a logra e mihor shot pa 2008. Click read more pa mas detayes y imagen.Pasobra tabata Alvin Werleman di SportsAruba y Solo di Pueblo a gana e titulo cu un bunita Photo Shot. Mester remarca cu tabata tin varios bon “photo shot” e aña aki pero tabata Alvin Werleman cu a saca e mihor potret. Alvin tabata na un bon angulo na e momento husto y tambe su imagen tabata skerpi di un calidad halto. Riba e foto bo por mira hopi cla e exprecion di e momento. E potret a wordo scohi pa algun Master di Aruba Taekwondo Bond hunto cu un fotografo inactivo y tambe representante di Brazil Taekwondo y tur a mira e potret di Alvin como esun ganador. Pabien SportsAruba / Solo di Pueblo cu e logro aki y prepara pa e siguiente aña pasobra e precion lo ta halto. Ningun fotografo a gana esaki pa dos aña sigui. Den www.sportsaruba.com por mira varios potret di Alvin Werleman. 
|
|||
