| POCA ta cla pa ricibi studiantenan nobo |
|
|
|
| Tuesday, 08 July 2008 - 08:00 | |
 For di Amsterdam, Hulanda 24ora a ricibi un comunicado di e voorzitter di Plaatselijke Opvangcommissie Amsterdam sr. Rigo Lampe cu ta bisa cu nan tin kamber pa tur studiante cu ta bin studia Amsterdam. Un biaha mas nan lo prepara e opvang pa tur e studiantenan cu ta bai studia na Amsterdam. E opvang aki lo yuda e studiantenan sera conoci cu nan cuidad di estudio, transporte y tur otro aspecto di importancia. Esnan cu kier sa mas di e opvangcommissie por surf online http://www.opvangamsterdam.nl/, unda por haya tur tipo di informacion. Esnan cu kier tuma contacto cu sr. Lampe por hasi esaki atraves di e number di telefoon +31642903035. Click read more pa mas detayes y imagen.
POCA ya caba a cuminsa informa e studiantenan ariba diferente di e tramitenan via di nan mail. E punto mas primordial ta e cuestion di kamber. Pa POCA ta hopi importante pa nan tin un bista basta amplio ken ta e futuro studiante cu tin mester di un kamber entrante 1 augustus 2008. Kamber Studiantenan mester a entrega e formulario prome cu dia 20 juni 2008, si nan ta interesa di aplica pa un kamber. Un suplica ta bai na tur studiante kendenan no entrega e formulario ainda pa nan download esaki, yene y fax pa e number cu ta aparece riba e formulario. Pa download e formulario por fabor click aki: E kamber pa studiante na Amsterdam ta explicitamente pa studiantenan, esaki kiermen cu un studiante pa kamber por inscribi. Si bo tin un pareha of yiu, notifica esaki di biaha na POCA. No ta posibel pa haya kamber pa dos persona. Yegada Hulanda Studiantenan cu tin Arubalening lo yega Hulanda conhuntamente dia 1 augustus 2008, na yegada nan lo wordo ricibi door di e opvangcommissie. Si e studiante ta yega prome cu 1 augustus 2008 na Hulanda e ora ey e opvang ta cuminsa 4 augustus 2008. Di biaha na yegada na Hulanda bo mester tuma contacto cu mentor Sra. E. Ranada por medio di su mail: This e-mail address is being protected from spam bots, you need JavaScript enabled to view it . 
|
