| Fabuloso final di Aruba Hi-Winds 2008 |
|
|
|
| Wednesday, 09 July 2008 - 00:00 | |||||
 Dialuna anochi a tuma lugar ariba Plaza di Paseo Herencia e Entrega di Premio na e ganadornan di Aruba Hi-Winds 2008. E anja aki e Representantenan di Aruba a haci un bunita papel durante e competencia di Hi-Winds 2008 y a sa di bai cu mayoria di e premionan. Tabata practicamente un siman di competencia intenso y e participantenan ta regresa nan respectivo paisnan hopi cansa pero alaves hopi contento di por a tuma parti na un evento asina bon organiza. Click read more pa mas detayes y imagen.
Unda cada un tabata tin e oportunidad pa haci amistadnan nobo y mas importante cu e spirito di competencia semper presente.
Manera e representantenan mes ta expresa “ ariba laman nan tabata competidornan contra otro y ariba beach nan ta disfruta di e amistad di otro”. Manera a ser anuncia anteriormente e aña aki Aruba Hi-Winds 2008 a conta cu participantenan di USA, Argentina, Austria, Hulanda, Venezuela, Hungria, Finlandia, Canada, Colombia, Curacao, Bonaire y Aruba. E cantidad di participante a surpasa esun di aña pasa y pa prome biaha Aruba Hi-Winds a hanja participación di Finlandia, Canada como tambe di Austria. Hulanda,Venezuela y Curacao a participa cu un ekipo hopi mas grandi cu aña pasa y tur hunto a sa di pone e beach di Fisherman’s Hut na candela tur dia durante e competencianan. Diadomingo y diasabra tabata tin e competencianan di free style tanto den windsurfing como den kitesurfing y e publico presente a goza di salto y maniobranan espectacular y e bandanan Earplugs y Honey Pot, hunto cu Amstel Bright, a pone ambiente y gozo te laat den anochi. Tanto Windsurfing y Kitesurfing ta eventonan extremo cu ta forma parti di Aruba su niche market como cu nan tur dos ta eventonan cu por wordo practica 365 dia di aña. E aña aki un biaha mas Aruba Tourism Authority a aporta na e gran evento aki y a laga traha un video di Aruba Hi-Winds 2008 cu lo wordo usa pa promociona Aruba den exterior. Aruba Tourism Authority a invita TV Caracol di Colombia, cu ta e compania di television mas grandi di Colombia, pa cubri e evento aki y esaki sigur lo ta un promocion grandi pa Aruba tanto na Latino America como na Estados Unidos ya cu TV Caracol ta un compania Internacional y ta ser mira mundialmente. Resultado final di e aña aki ta como lo siguiente: New Kids Overall 1.Tom Croes-Aruba 2.Raoul da Costa Gomez-Curacao 3.Amanda Westera-Aruba Superkids Overall 1.Nik v/d Eerenbeemt-Aruba 2.Mathias Verploeg-Aruba 3.Mack v/d Eerenbeemt-Aruba Big Kids Overall 1.Quincy Connor-Aruba 2.Nicole v/d Velde-Aruba 3. Marco v/d Woude-Curacao Kid of the Huts 2008 1.Wesley Connor-Aruba 2.Nik v.d Eerenbeemt-Aruba 3.Amanda Westera-Aruba Prince of the Huts 2008 1.Victor Wedenfoort-Curacao 2.Felix Martina-Curacao 3.Brayan Carrillo-Venezuela Kind of the Huts 2008 1.Cheo Diaz-Venezuela 2.Quincy Offringa-Aruba 3.Andra Marton-Hungary Women Overall 1.Hilde Tuinbeek-Curacao 2.Heleen Muijers-Curacao Sport Overall 1. Ronny Navarette-Venezuela 2. Nick Jam- Aruba 3.Franco Spinelli-Venezuela Juniors Overall 1.Victor Wedefoort-Curacao 2.Camillo Franco Rojas-Colombia 3.Mark Jansen-Nederland Masters Overall 1. Ricardo Albisu-Argentina 2.JP v/d Eerenbeemt-Aruba 3.Papy de L’Isle-Aruba Men Overall 1.Jean Paul Lietchti-Colombia 2.Peter Heida-Nederland 3.Peter v/d Lugt-Nederland KITE Long Distance 1.Leo Estredo-Venezuela 2.Maki Wiggins-Aruba 3.Philip Kervel- Aruba Patrosinadornan di e aña aki tabata: Aruba Tourism Authority y Amstel Bright Mc Donalds Aruba, Vita Malt, Aqua Windie’s, Dafruta, Sportlife, Sailboard Vacation, ASD Hotel & Restaurant Equipment, Bula Surf Shop, Da, Colombian Emeralds, Delirance, Heli Tours Aruba, Divi Tamarijn All Inclusive, The Entertainment Group, Super Food, Armando’s Kite Shack, Adventure Gold, Listerine, Everfresh Design Works, Martijn Trading, Trane Air Conditioners, Panache, Taste of Belguim, Aruba Aloe, More 4 Less, Moomba Beach, Zenitel, Spare Time, ZenDesigns, Coca Cola, Domino Pizza, Crystal Design Home, Vela Windsurf, ATCO y Serlimar, Lotto pa Deporte, Koninlijke Marine y Cool FM 98.9.
Aruba1971
said:
|
|||||
 |
Un danki tambe na Aruba Medical Assistance cu tawata tey pa asina por a cubri e parto medico. |
