| Gira Barbulete di Ricciotti Ensemble |
|
|
|
| Wednesday, 09 July 2008 - 08:00 | |
 Durante e temporada di vakantie, Antia y Aruba lo ta centro di atencion cu presentacion di orkesta sinfonico (Ricciotti) di Hulanda. Nan ta unico den nan forma y mas rapido di mundo ya cu nan ta cla pa toca den menos di 3 minuut. Nan tin un repertorio interesante prepara special cu un toke Caribense. Tres dia pa aña e Orkesta Ricciotti ta haci un gira na Hulanda y un biaha pa aña nan tin un gira pafo di Hulanda unda nan enfoke ta un intercambio cultural riba tereno di musica. Total nan ta duna 100 presentacion pa aña. Click read more pa ams detayes y imagen.
E aña aki e gira di Ricciotti Ensemble titula “Barbulete” lo tuma lugar den vakantie grandi y lo dura 16 dia. E grupo ta consisti di 46 persona di kwal 40 ta musico y mayoria ta studiante di conservatorio na Hulanda. Nan ta duna 60 presentacion na Hulanda, Korsou y Aruba cual casi 20 na Aruba. Tur precentacion pa publico ta gratis. E fecha cu nan lo ta na Aruba ta di 4 te cu 7 di augustus benidero.
Ricciotti Ensemble a invita e cantante Antiano Izaline Calister, masha stima aki na Aruba, pa reforsa nan orkesta pa e ocacion aki.Ricciotti Ensemble lo presenta na e.o Centro di Bario nan – Paaz –Instituto corecional (KIA) – Cas Marie – Imelda Hof - na De Palm Pier – Cafe The Plaza – Papa John’s Pizza na Sta Cruz – Parke Wilhelmina – YMCA – Cas di Cultura - na Ayo – den caya grandi riba Plaza La Linda etc. Ricciotti Ensemble ta presenta musica di tur genero: clasico, jazz, pop y musica internacional. Pa cada presentacion ta traha un programa for di nan lista largo di repertorio, Pa e motibo aki cada presentacion ta diferente. E comision organisado kier a jama danki di awor kaba na e.o De Palm Tours, Cas Di Cultura, Cafe The Plaza, Papa John’s Pizza, Cede Aruba, YMCA, y Biblioteca Nacional. Nos ta spera cu Aruba en general por disfruta di e musica di Ricciotti Ensemble meskos cu nan di e orkesta lo disfruta di Aruba. Keda pendiente pa mas informacion den e dia nan cu ta sigui.  |
