| RCA Lifida cu su prome 5km Fun Run/Walk |
|
|
|
| Friday, 11 July 2008 - 00:00 | |||||
 Diasabra awor, 12 di July RCA Lifida lo tene su prome 5km Fun Run/Walk . Cuminsando pa 5:30 atardi na Arashi, direccion Fisherman Hut y caba na Arashi. E ruta aki ta uno hopi dushi, suave y conoci pa nos coredo y canadonan. Nos kier a manda un invitashon na TUR dirigente di TUR e teamnan di futbol Lifida e.o. Britania, Estrella, La Fama, Brazil Jrs, Washington, Unistars, Nacional y Dakota, pa nan co-opera cu RCA Lifida. Jamanos pa boso por cumpra ticket y asina asisti cu boso muchanan (uniforma si nan ta desea) na e caminata aki y asina demostra cu ora ta trata di deporte NOS TUR TA UN TEAM!. Click read more pa mas detayes.
Pa e comerciantenan cu kier cumpra ticket pa stimula nan trahadonan pa hasi movecion y asina hiba un bida mas saludabel, nos tin ticket na benta serca nos miembronan. Por jama na 593-2011/ 594-5530/ 594-7200/ 563-6265. Mas cu claro, dia 12 di July mes tambe lo por cumpra ticket y registra di biaha ya for di 4or atardi na Arashi. Nos kier enfoca ariba e orario y lo purba te unda cu por pa start na ora, 5:30p.m.
Ora nos caba di cana, nos mester cool down. Pesey nos lo tin awa, Gatorade y e acostumbrado patia pa refresca na final di e dushi caminata aki mirando bahada di solo y sperando nos number sali pa por gana un premio chikito. Danki na La Quinta Beach Resort, The Palm Tours, Setar y Panache cu a pone algun doorprize disponibel pa rifa entre e canadornan. Ban nos tur hunto juda e muchanan di RCA Lifida; “Haciendo movecion y tene nos mes den condicion.”
Bettina
said:
|
|||||
 |
Rca pa bida!!!! |
