| Parti IV(b) di e Analisis di Programa di MEP |
|
|
|
| Wednesday, 16 July 2008 - 00:00 | |||||||||||||||||||||||||||||||||||||||||||
 Esaki ta e di dos parti di e cuarto capitulo den e serie di articulo cu Partido Democracia Real ta preparando caminda nos ta analisa e intencionnan y e promesanan di partido MEP y compara esakinan cu locual a sosode durante e ultimo 6 pa 7 aña durante nan Gobernacion. E capitulo aki ta hiba e titulo “Maneho Social”, y e ta consisti di cuatro seccion, cual nos ta analisando un pa un. Como cu e capitulo aki ta uno basta largo y ta trata hopi punto, e ta wordo presenta den dos articulo, consistiendo di dos seccion cada un. Click read more pa mas detayes y imagen.
Ayudo Social. Den e segmento aki partido MEP ta delinea nan vision pa loke ta trata esnan cu pa un of otro motivo no ta traha. E pensamento cu por saca for di e seccion aki ta cu gobierno lo trata na stimula lo mas tanto hende posibel pa drenta den e mercado laboral (“Ayudo social mester ta un yudanza temporal pa yuda un persona mientras e ta buscando trabao, mientras cu mester traha den inverti den capital humano envez di subsidio”). Esaki ta un filosofia cu tin sentido y cu ta rekeri dos parti esencial pa por funciona.
E prome factor necesario ta cu e ciudadano mester hanja incentivo real pa bai traha. Esey ta encera cu e condicionnan di trabao mester ta atractivo p’e. Esaki ta inclui e salario, pero tambe un pensioen pa e trahador. E pensioen den sector priva mester wordo introduci pa caba. Naturalmente otro aspectonan, manera un trato husto, seguridad, etc. tambe ta hunga un rol. E otro factor necesario ta cu e mester ta atractivo pa e dunador di trabao pa e tuma e persona en cuestion na trabao. Na Aruba, e ultimo parti aki hopi biaha ta wordo neglisha pa nos mandatarionan simplemente pasobra cu nan pensamento tin e tendencia di ta populista envez di realistico. Pesey ta necesario pa e leynan laboral mester wordo flexibiliza pa asina trece un mihor balance. Na mes momento, nos sistema di educacion mester wordo mehora pa e produci trahadornan productivo. Actualmente nos educacion ta laga hopi di desea. Ta menciona cu “Gobierno lo duna incentivonan pa esnan cu limitacion por ser inclui den e proceso laboral”. Atrobe, un idea bon, pero te asina leuw cu nos sa, esaki no a wordo hasí. Naturalmente semper ta bai tin algun persona cu no por integra den e proceso laboral, y pa nan mester tin ayudo di parti di nos sociedad. Den algun caso nos por mira cu esaki ta sosode, pero den otro ocasion nos por wak cu subsidionan na instancianan caricativo ta wordo corta y/of no ta wordo pagá como debe ser. Un aspecto importante den percura pa esnan mas vulnerabel ta pa hiba un politica di controla inflación. Den esaki nos por a constata cu Gobierno ta e principal culpabel di un inflación record na nos pais. Esaki apesar a wordo avisa na varios ocasion di antemano pa cu e consecuencianan di nan decisionnan. E seccion aki ta termina bisando: “Gobierno ta conciente cu e condicionnan pa un mihor desaroyo social ta mara na un bon desaroyo economico, unda ta controla gastonan, un deficinición di nos capacidad di carga (población), vivienda pa esnan di menos recurso y cu limitacion y introduccion di e ley di ordenanza teritorial pa zonifica nos pais”. Probablemente tur persona na Aruba lo ta di acuerdo cu e ponencianan aki. Lamentablemente mester conclui cu Gobierno no a hasi nada, pero nada pa cumpli cu nan mesun plan. Desaroyo economico na Aruba ta descabeyá caminda no ta tene ningun cuenta cu nos capacidad di carga, di control di gasto nos no a mira nada ainda, mientras cu e ley di ordenanza teritorial tin cinco pa seis aña caba tirá den un laatchi. Organizacionnan social. E sección aki ta habri ta bisa: “Den su maneho gobierno lo bai traha mas riba su relacion cu nos hendenan, e.o. por medio di centronan di bario y otro organizacionnan social, al igual cu esunnan deportivo y cultural. Den e cuadro ey, lo promove y stimula voluntarismo den tur e distritonan di Aruba”. Aki por ta corto: No solamente e ayudo nan instancianan caricativo a bira menos di parti di gobierno, nos por a hasta constata cu gobierno a introduci algun reforma fiscal na Januari 2008, caminda ta perhudica comerciante cu kier hasi donacion na instancianan caricativo. Tur esaki pa motivo di e gastonan excesivo di nos aparato gubernamental y e consecuente sed pa mas placa. Mas aleu e sección ta menciona e necesidad di bini cu programanan recreativo y pa yuda forma lider entre nos hubentud. Aki mester menciona un iniciativa positivo di parti di gobierno cu ta creación di Parlamento Hubenil. E programa aki sigur ta dunando su frutonan, y merece e sosten di futuro gobiernonan. Na otro banda tin hopi necesidad ainda pa actividadnan positivo pa nos hubentud. Nos por mira con embaraso hubenil, uso di droga entre hoben, formacion di gang, sectanan satanico, etc. ta aumentando cada dia mas na Aruba. Ta e tipo di desaroyonan aki ta forma e peliger mas grandi pa nos pais, y lo mester wordo atendí na un forma organiza, y cu participacion di tur sector di nos comunidad. Ta den casonan manera esaki ta bira obvio con e prioridadnan bruhá di nos Gobierno ta perhudicando nos pais. Envez di gasta tur placa di comunidad na beneficio di amigo, famia y campañador, ta educación y guia na hubentud mester hanja mas recurso. Esaki ta conta mescos pa e.o. polis tambe. Te ainda, den tur e capitulonan cu nos a analisa, ta un tema ta bin bek cada biaha: E gastonan exorbitante di aparato gubernamental debí na nepotismo ta stroba gobierno di eherce su funcion como debe ser. Como cu tur e pueblo su recursonan ta bai pa beneficia amigonan politico, no ta resto suficiente pa atende cu e necesidadnan grandi di nos comunidad. Serge Mansur 
M.A.L.
said:
|
|||||||||||||||||||||||||||||||||||||||||||
 |
den cuadio di e empleado publico, mii kier bisa cu den e maneho aki nada no a cambia y peor ainda esaki a bira desde nos Status aparte. Nepotismo ta keda na promer lugar y no ta duna espacio na esnan prepara debidamente. Mi ta cita cu recientemente a keda emplea na SVB un empleado femenino cu no por distingui e momento cu e ta na trabao cu otro momentonan di su bida priva. E ta laga e publico cu e mester atende un banda pa atende un yamada telefonico na unda ta discuti cu su tia riba su bida priva pa mas di 15 minuut den presencia di e persona cu a yega pa haya servicio. No tin seriedad den maneho di personal y consecuentemente tampoco den maneho di finansa publico. RED lo cambia esaki. |
KMLO
said:
|
A Mansur speaking, like we didn't had enough....  |
MOM
said:
|
SERGE MI OPINION TA CU BO NO MESTER ANALISA MEP,ANALISA BO MES PROME CU BO KIER HASIE CU OTRO OF BO A KERE CU NINGUN HENDE NO CONOCEBO,ESAKI TA COS CU TA DANJAMI,CU NET HENDE MANERA BO KIER ANALISA,PERO JA CAMPANJA A CUNSA CU TUR SU SUSHEDAD ATROBE HEHE ESEY TA HENDE DRECHI BIN BIJ MI TA KERE CU MI TAMBE LO CUNSA ANALISA BO TRAYECTORIA POR EHEMPEL COMO HEFE NA SUPERIOR TABACO........ |
KMLO
said:
|
@M.A.L. Bo ta mal ekiboca si bo kere cu RED lo por cambia algo. RED ta conoci como un extenshon di e partido AVP. Ta forma pa personanan cu semper a sostene e partido berde y ainda ta sostene nan. E lider ta conoci den su trayectoria di hopi anjanan largo den politica (tanto den MEP como den otro partidonan y awo RED) como un persona cu ta gusta papia, pero ora puntje komt bij paaltje ta amigonan y sponsor ta dicidi. Y M.A.L. si bo ta kere cu ta e forma di emplea hende ta e problema, no ta berdad. Tanto e departento di personal di gobierno ta busca hende cualifica so pa drenta (HBO'ers), pero e problema ta keda esunan (algun) cu ta den gobierno caba cu cada rato ta move di dienst pa dienst pasobra nan no ta sirbi na un of e otro. Pero vota AVP/RED nan a promise di kita 2000 ambtenaar. |
Manolo
said:
|
Lo ta bon pa puntra e lider di DR kico a sosode 5 dia promer cu e eleccion di 23 di september 2005: Un yoramento formal na television di un candidato ariba lista di DR, kende hunto cu su lider kier a desmenti di un acto bochornoso cu e candidato aki a comete como comerciante. Y tur esaki despues cu un publicacion a sali den medionan local, cu a pone tanto e lider como e candidato di DR na yoramento formal. Ta bon pa puntra tambe unda e candidato 'fuerte' aki di DR a keda den politica. Cuidao cu e suceso aki no ripiti su mes algun dia promer cu e proximo eleccion di 2009. Como comerciante, wak pa bo ta 'clean' pa nos no bolbe haya un otro yoramento na television. A buen entededor........... |
wellwell
said:
|
Superior Tabacco ???????Het wassen van papier met waarde ????Misschien bankbiljetten ?????Serge tin un AUDI SUV Y UN F 250 ,ex director di ST ,FAm Manscur , serge ta kiko mas bo ta pide pe.Riba e lista di un bulado di cura ,din din chi cu marielchi y chinchi chinchi .TA con nan kier pa aruba bai dilanti,marielchi nunka a paga ni erfpacht ni huurgrond a cambio e la perde nan anto tbt exihi pa hanjele bek sin paga nada .mariechi su casa tbt cobra 50 % extra anto e no tbt hasi su trabou e tbt paparrazzi cu salario di ambtenaar.Ora Pisca a hala su attencion skibi varios carta pe ata marichi a dal pisca un wanta riba 18 maart.Ta con e partido aki desgracia real lo por sobrevivi un ellecion mas cu e biaha aki dindinchi si no bai yora cu mester dune su asiento .Dindinchi y gang di payaso boso mihor coso boso hasi ta bai cas. |
Presidente
said:
|
Y ki dia Serge ta analisa Superior Tabaco? Su sistema baho cu e a haci cu Superior tabaco ta bisa basta caba ta kiko e lo bay haci cu Aruba. Ni superior tabaco e no por a goberna, anto Aruba e kier bin goberna?? " Bnede" cu Corsow? |
John Bergen
said:
|
MOM, ta pesei nada lo cambia na Aruba. Abo ta haci mescos cu mayoria di politiconan ta hasi. Tira cu lodo!! Ta un pueblo ta escohi su politiconan, dus ta bira tempo pa analysa e mentalidad di e pueblo! Aruba dushi tera??? Si bo lesa e corantnan bo ta bai duda. Arubianonan tin cu bai maneja Aruba como ISLA y no como PAIS. |
wowo critico
said:
|
mi ta bolbe haya razon cu un voto pa d.r. ta un voto pa a.v.p.mesun cuenta dje disco raya di friends and family.shonnan den e gobierno aki friends and family tin trabow,of no?te hasta tin cierto mepistanan ta keja cu esunnan cu no a vota pa mep tin preferencia p'e gobierno aki.sr serge nunca un gobierno den 7 ania a bin cu tanto proyecto pa aruba.no papia mes dje inversionnan den e sector priva.tin hopi proyectonan social tambe.un programa di un partido semper ta keda algo tentativo. |
erickwerleman
said:
|
wel mal kita e bril di palu ku bo tin bisti pasobra cu partido red avp democracia real ta dispuesto pa bende nos back cu hulanda i un otro cos e gobierno hulandes tin respect pa e actual gobierno staatssecratis bijsterveld a bisa na mas cu un ocasion cu e ta contento di mira mira aruba su desaroyo y tambe ku aruba ta un di islamas stabil finaciero den caribe pues kita e e bril di palu cu bo tin bisti |
Teishi
said:
|
Un analysis politico tin su merito. E ta ilustra pensamento di un hende den e caso aki un grupo di hende pa loke nan ta mira como prioridad. Pa loke ta trata e negoshi priva cu Sr. Mansur tabata dirigi bo por bisa cu esey ta muestra cu e no tabata su propiedad personal ya cu e mes no por a dicta pa e keda aki na Aruba. E empresa ey a keda solido den su mercado. Di otro banda Pais Aruba su debe ta sigui crece y nos placa ta bira menos pa gasta riba nos mes. September 2009 nos por bisa ken lo tin suficiente sosten pa dirigi nos Pais. |
machi
said:
|
HAHAHAHAHAHA...e meneer aki nan ta wak mucho comukita...e por di traha na biblioteca pa asina duna un par di storia na e mucha nan di e pais aki nan |
Condorito
said:
|
Ta un lastima cu mi metster bisa cu loke Serge Mansur ta bisa, ta loke cu AVP tambe ta papia di dje. E aparentemente a basa su mesun analisacion ariba un programa di campanja di MEP. E meser corda cu DR tambe tin un y ya caba e tin controversion den dje. Anto sin cu dr ta den gobierno. Eleccion di 2005, nan programa mi tin ainda. Y por cierto, nos mestter corda cu tin di candidatonan cu a bay for di lista pa cierto motibonan di controversion di loke DR a para p'e y loke al final nan a haci. |
Condorito
said:
|
Mi ta kere cu Serge Manusr mester analisa DR. Hunto cu n'e tur otro candidatonan. Mi ta sigur cu tin ariba e lista cora aki, varios di candidatosnan cu den nan curason no tin mucho confiansa den DR, pero sea door di revancha of miedo pa habri boca cu e lider di DR, nan ta keda keto. Dus manera mi a bisa ayariba, Serge, Bo ta analisa programa di campanja di MEP, pero mihor bo analisa esun di DR prome. |
Awel si
said:
|
Oeeiii waak su cara bon. |
Appel
said:
|
Esta pret cu Serge Mansur,hahahahaaaaaaaaaaaPresidente bo tin razon,esey nos ta jama PALABRA NA ORA!!  |
MOM
said:
|
.........NA JOHN BERGEN MI JUI,COMO PAIS OF COMO ISLA ARUBA TA KEDA MI DUSHI ISLA PA CUAL MI LO SIGI DEFENDE TE NA MORTO,I ORGULLOSO DI A NACE AKI HAJA MI SINJANZA AKI DOOR DI MI GRANDI NAN I HASI OF PURBA DI HASI MAS MIHOR DI LOKE NAN A HASI PERO SEMPER CU NAN LESSNAN DI BIDA DEN MI,PA HENDE MANERA ABO CU KIER CAMBIA MENTALIDAD I CAMBIA COS A HASI CU AWE HOPI DI NOS NORMA I BALOR A KABA NA BANANA,SI PAPIA DI NOS DUSHI CULTURA,AMI LO SIGI MANERA MI TA PASO NINGUN HENDE LO NO CUMPRAMI I MUCHO MENOS BENDE MI MES......I LOKE TA SERGE ORA E TIRA SUSHI E LO HAJA SUSHI BEK TA KEN E TA OF ABO TA KERE CU E TA CU AMI NO POR BISE NADA TA LOKO BO TA AMI TIN MI BOKA I ORA MESTER MI TA HABIE I ORA E MESTER KEDA SERA TAMBE.....DIOS LIBRA NOS DUSHI ISLA DI E HENDENAN AKI........ |
Presidente
said:
|
John bergen: Isla ta un geografische term, Australia tambe ta un Isla, Englatera, Iralandia, Ijsland, Hapon y etc... Nan tur ta Isla. Bo por ta un Pais, un Estado of etc.. Tin un diferencia entre con bo ta heink'e den e pretexto. Por ehempel Italia ta un Schiereiland, pero e ta un Pais. Awor cu Union Europeo e ta bira un estado. ba compronde un tiki e diferencia?? |
erick werleman
said:
|
wel john bergen aruba ta un pais den reino hulandes no isla den reino hulandes pasobra ora nos dushi aruba a haya status aparte e bira loke na bisa n a hulandes land aruba pero otro ku e partido di meneer mansur aki ta dispuesto pa bende nos libertat esta pais autonomo den den reino hulandes pa tratatado di upg |
playero
said:
|
Mi ta full di acuerdo cu Presidente !!! Serge ta un otro payaso nobo den e circo nobo cual ta Desgracia Real !!! Cada bes e Mansur nan ta aparece den luz negativo tur e tempo nan aki, esey kiermen cu Serge tin un huiswerk pa hasi prome cu bin hunga mooi weer !!! Serge cu Andin: :" SOORT ZOEK SOORT " |
