| Ganadornan di Scratch & Win felis y contento |
|
|
|
| Wednesday, 16 July 2008 - 09:00 | |||||||
 Manera ta conoci, SETAR a introduci e carchinan di telefon prepaga special di Awg. 15 cu na momento cu bo ta recarga e celular di SETAR bo por scratch na e banda drechi riba e mesun carchi aki y gana premionan fabuloso. Pa e siman aki e ganadornan ta: Ganadornan di un NOKIA 2626 a bay pa Jose Primera, Rudsella Dirksz, Kaytleen Jacobs. Ganadornan di un Bird V5518 a bay pa Sorayda Quant, Marilu Hermans, Gwendoline Gomez, Kaytleen Jacobs. Ganadornan di un MPEG4 Player di SETAR a bay pa Ramiro Krozendijk, Reginald Werleman, Brenda de Cuba. Click read more pa mas detayes y imagen.
Ganadornan di giftcertificate a bay pa Loesbella Lacle. Y finalmente e premio grandi di un flatscreen a bay cpa señora Murle Hodge. Tambe SETAR a regala hopi carchi pa e show di Sparkling Tour y mas cu 500 credito pa yamada di diferente montahe cual ta wordo poni automaticamente riba e celular ganador.
Asina ta cu e prome siman caba mas di mil premio a wordo parti entre diferente clientenan, cu ademas a mustra na entusiasmo cu e campaña grandioso aki di SETAR. E promocion “Scratch & Win” ta valido cu compra di un carchi GSM prepaid di Afl. 15,- cu e diseño di Sparkling Tour y e codigo ta poni patras di cada carchi. Pa por wak e codigo bo mester raspa caminda ta indica Scratch & Win y manda esaki via un SMS pa 221. Cada mensahe pa 221 ta costa Afl.0,50. Tur hende cu manda e mensahe lo ricibi automaticamente un SMS bek cu e contesta si e ta un ganador of no. Si e persona gana yamada gratis esaki lo wordo poni automaticamente riba e number di celular cu el a manda e mensahe. Si a gana un otro premio esaki por wordo reclama solamente na SETAR Seroe Blanco tur diahuebs entre 2’or y 4’or di atardi. Si no gana un premio, e number lo keda valido den e sistema di SETAR y na fin di e campaña bo tin chens di gana un pakete grandi di varios servicionan y productonan di SETAR pa un aña gratis. Pa busca e premio mester presenta cu bo prueba di identificacion, e celular cu e mensahe ricibi hunto cu e carchi orginal. Un total di Afl. 75.000,- na premio Cu e campaña aki SETAR ta duna un total di Afl. 75.000,- na premio cu ta consisti di premio al instante of premio di descuento. Premionan instantaneo ta p.e. celularnan, yamada gratis, Mp3 Player di SETAR of carchi di entrada pa Sparkling Tour 2008. 10 diferente premio grandi cada un na un balor di Afl. 1000,-. Ademas di esaki tin 10 diferente premio grandi cada un na un balor di Afl. 1000,-. E premionan grandi ta consisti di Weekendstay na Corsow, I-pods, diferente kadobon di tiendanan renombra y varios otro premio mas. E promocion aki ta termina 31 di augustus 2008, tanten cu tin e carchi Sparkling Tour den stock. E carchi ta obtenibel na tur Teleshop di SETAR y na e lugarnan di custumber pa cumpra carchi prepaga di SETAR. Riba e fotonan: Algun di e felis ganadornan cu ta ganando tur dia cu Scratch & Win.
|
|||||||
