| Brazilian Flash Racing cu First Fun Walk Flash |
|
|
|
| Wednesday, 16 July 2008 - 09:00 | |||||
 E team mas prestigioso aki na Aruba den e deporte di drag racing ta presenta su Fun Walk Flash 2008. Como team cu ta den e deporte di drag racing ya nos a sa di demostra nos abilidadnan y tambe na varios occasion a invulgra nos mes den e comunidad Arubano door di organisa eventonan riba dianan cultural of nacional. Hopi por corda ainda riba nos “weganan popular” na Centro di Bario cu e famoso coremento tras di porco y tambe e caredanan di drag race cu a hiba e nomber di The Caribbean Shoot den e dos ultimo anjanan aki. Click read more pa mas detayes y imagen.
Esaki ta parti di loke nos ta hasi na unda cu e pueblo di Aruba ta keda acerca pa asina hunto nos pasa ratonan agradabel cu grandi y chikito. Mirando e hecho cu nos team ta creciendo dia pa dia, mas cu claro ideanan nobo tambe ta lanta cabes y sin duda tur esaki ta trece cu ne, cu mas y mas nos kier ta parti di un comunidad sano cu ta aprecia eventonan caminda grandi y chikito por participa. Ta exactamente den cuadro di e acercamiento aki, Brazilian Flash Racing Team ta organisa un tremendo Fun Walk Flash 2008 cu lo tin como meta pa cubri mas of menos 6 kilometer na e parti pariba di brug.
E Fun Walk Flash aki ta programa pa tuma lugar riba un diadomingo atardi unda cu aki na Aruba ya a bira un custumber cu nos ta uni nos mes cu nos famia y sernan keri. Brazilian Flash Racing lo duna e diadomingo aki un toque diferente ya cu gran parti di e ruta lo ta den areanan di naturalesa y tambe parti di e districto di San Nicolas. Nos ta extende un cordial invitacion pa ban cuminsa prepara nos mes pa un paseo den famia, coleganan, gruponan social of deportivo y mas cu claro gruponan di amigonan y tambe teamnan di dragracing. Diadomingo dia 27 di Juli ta un dia masha special tambe ya cu esaki lo bai bira tambe e fecha annual unda cu Brazilian Flash Racing lo kier enfoka riba e importancia di unificacion di familianan y amistadesnan combina cu un caminata relahante y sigur saludable. Participacion ta solamente 5 florin y esaki ta pa cubri gastonan preparatorio y tambe na final cada participante lo hanja e oportunidad pa gana premionan masha atractivo cu lo inclui week-end stay, cellulars, dinners y otro premionan atractivo. Riba e ruta lo bai reparti awa y tambe e sabroso y nutritivo Gatorade pa tur cu a cumpli cu e inscripcion. Na final cada participante lo ricibi nan pida patia pa boost up e energia bek. Cada caarchi ta e registracion automatico y mester wanta mitar di e kaarchi paso esaki riba dije tin e number cu ta duna bo e chens pa gana premionan atractivo. Consdera esaki como un invitacion personal di parti di e crew complete di Brazilian Flash racing team. 
Judith Thijzen
said:
|
|||||
 |
Hopi bon idea!!!!!!!! Ban nos tur hunto cana como un solo famia .Canamento ta saludabel y relahante di berdad. Reserva un caarchi pami cumi prinsje (Nathan). See you all at the first fun walk flash 2008 !!!!!!!!!!!!!!!! Groetjes uit Soesterberg |
