| ATA ta honra bishitantenan |
|
|
|
| Friday, 18 July 2008 - 00:00 | |
 Na Playa Linda Beach Resort recientemente Aruba Tourism Authority a nombra un grupo di fiel bishitante como Embahador di Bon Boluntad. Nan tur tabata masha contento di a ser honra door di ATA como Embahador di Bon Boluntad. Nan tabata e siguiente fiel bishitante nan: Sr. Wili y Sra. Monica Schumacher y nan yiu muher Srta. Kristin Schumacher. Familia Schumacher ta procedente di Florida y Ohio. Nan a commenta cu nan ta viaha pa Aruba principalmente pa nan amigonan, pasobra Aruba ta nan segundo cas, pa e hende Arubiano, e beachnan bonita y excelente clima. Click read more pa mas detayes y imagen.
E siguiente bishitante ta Sra. Sharon Famely y Sr. Martin Gross. E pareha ta for di New Jersey. Sra. Sharon Famely tin 20 anja consecutivo ta bishita Aruba y Sr. Martin Gross tin 30 anja ta bishita Aruba. Ambos a expresa cu nan ta motibo principal pa bishita Aruba ta door di amigo nan, e beach, e hende di Aruba, y clima magnifico.
Por ultimo e pareha Sr. Michael Dempsey, Sra. Lynn Outwater y nan yiu muher Kara Dempsey, cu ta procedente di Pensylvannia. Nan tambe tin mas cu 20 anja consecutivo ta bishita nos isla. Familia Dempsey a expresa cu e motibo mas principal pa bishita nos isla ta pasobra nan ta disfruta hopi di e clima, nan por reuni cu nan familia y amigonan, e hende cariñoso di Aruba, y paz y tranquilidad cu nan ta experiencia na Aruba. Na e occasion special aki Sr.Castro Perez, representante di ATA a duna un discurso pa gradici e bishitantenan pa nan lealtad y aprecio demostra na nos isla, esaki tabata den presencia di Srta. Ivette Tromp, concierge di Playa Linda Beach Resort.  |
