|
Fever & Pinks All Out na Curacao |
|
|
|
|
Friday, 18 July 2008 - 00:00 |
 Fever & Pinks All Out lo ta e nomber di e streetlegal y fever show cu lo tin na Curacao
dianan 25 y 26 di July venidero. Nos mihor Autonan, Brommernan y Quadracer lo bai tey presente pa saka cara di Aruba contra e mihornan di Curacao, Vuelonan ta yen yen, algun lugar so tin pa bai esnan cu lo ta interesa por tuma contacto cu cel# 5935747. Aruba su mihor coredornan cu ta bayendo pa representa nan isla orguysamente lo ta Vick Werleman , Jason Fun, Jayson Geerman , Angelo Ras, Urvin Maduro, Junior Fingal entre otro. Click read more pa mas detayes y imagen.
Tambe Michael Kock, John Every, Brian
Dania, Dennis Brouwer, Chris Halley, Raul Lopez, Albert Loe-A-Tjam,
Ruben Vrolijk, Harry Bareno, Brian « Bonjo « Jeffrey y Kip Hassel.
Giovanni lo ta representando The Rats y pa promer biaha nos ta bai wak e autonan di Underground Cycles lo ta pone fever na Curacao.
Dia 24 lo tin un rueda di prensa ,dia 25 merdia lo tin un tremendo Carshow na Carex, caminda e autonan di Aruba lo ta modelando pa asina riba e mesun dia aki atardi nan lo participa na e caredanan di streetlegal , pa promer biaha den historia lo tin caredanan di caya Aruba vs.Curacao, dia 26 lo tin e Fever Show y caredanan di pinks pa cashmoney of yabi pa yabi.Coredornan lo ta bulando cu Tiara Air, y lo bai hospeda na Savanah Resorts.
Pueblo di Curacao a keda impreshona cu e programa cu a pasa na Tele-Curacao cu a ser prepara pa asina engrandece Aruba su nomber den dragrace esaki a wordo prepara pa Sr. Pedro Gomes di Aruba hunto cu e organisadornan y esey a pone cu e enthousiasmo na Curacao a crece y nan ta loco pa warda e evenemento aki yega Curacao pa caba.
Packagenan di entrada lo ta Afl.35 pa 2 dia. Autonan lo ta load na Container Haven dialuna dia 21 July. Nos ta gradici Codemsa N.V. pa nan confiansa den sostene e evento aki pa hiba e deporte y show aki Franki Brandao di F.A.C. Curacao. Solo di Pueblo ta manda palabranan di exito pa e coredornan di Aruba cu lo ta bayendo pa hiba Aruba su nomber dilanti!
| Comments () >> |
 |
 |
Fever & Pinks All Out lo ta e nomber di e streetlegal y fever show cu lo tin na Curacao 
