| Aeropuerto no kier Pro Air riba tereno |
|
|
|
| Monday, 21 July 2008 - 00:00 | |||||||
 Recientemente a trata e caso di Aruba Airport Authority contra Pro Air Charter Aruba N.V. cu ta e compania cu ta encarga cu air ambulance. Segun abogado mr. Buckley cu ta representa Aruba Air Authority, e contract di Pro Air cu Aruba Airport Authority a termina dia 30 di Juni 2008. Pro Air a haya te cu fin di Juni 2008 e oportunidad pa bandona e tereno di AAA pa asina por realisa e plan "Landside development" cu lo bira bira un lugar pa taxi y tur bus por staciona. Click read more pa mas detayes.
Mr. Buckley a señala
cu Aruba Airport Authority ta na altura cu Pro Air ta ofrece un
servicio unda cu ta percura pa air ambulance y personal pa asina por
transporta patient.
Aruba Airport Authority ta di opinion cu Pro Air no mester keda riba e tereno paso nan lo por hasi nan operacion tambe un otro caminda. A wordo tresi padilanti cu un otro compania cu tambe tabata riba e tereno di areopuerto a logra haya otro localidad. Por lo tanto e demando pa asina pro Air bandona e tereno di aeropuerto. Mr. Chris Lejuez, abogado defensor di Pro Air, a laga cu desde 1997 Pro Air ta realizando operacionan na aeropuerto dunando servicio na pais Aruba y tambe otro paisnan den region. Ademas Pro Air tin equiponan medico balora na 500 mil florin cu ta wordo usa pa por trata patientnan den avion. Segun mr. Lejuez caminda Pro Air ta situa actualmente ta un lugar perfecto pa motibo cu ta hopi fasil pa transporta un patient den lapso di tempo hopi cortico ora cu ta trata di un caso di emergencia. A trata na haya un otro localidad den vecindario di Wayaca y Parkietenbos, pero sin resultado positivo. Ademas Mr.Lejuez a grega cu ora tin acuerdo pa loke ta trata huur cu ta data di mas di 10 anja y cu esaki no por wordo kibra y cu Aruba Airport Authority mester tene debido cuenta cu Pro Air na momento di tuma un desicion. Desalohando Pro Air for di e tereno di Aiport lo tin consequencia negativo pa Pro Air y lo afecta e servicio. E la exigi pa Hues rechaza e demanda di Aruba Airport Authority pa asina Pro Air haya mas tempo pa busca lugar alternativo of pa Aruba Airport Authority duna Pro Air un otro localidad. Net awor cu cos ta bayendo bon cu Pro Air, AAA kier pa Pro Air move bai un otro lugar. Pro Air ta dispuesto pa move, pero nan lo tin mester di mas tempo pa asina por hasi esaki. Dia 30 di Juli venidero Huess lo dicta sentencia pa loke ta trata e caso aki.
ayayay
said:
|
|||||||
 |
nos tur sa pakiko...nan mes ta bay bin cu uno!!! Esey tabata plan di Minister Briesen pa hopi tempo caba... |
WALTER CROES
said:
|
habri e aeropuerto di de viust back pa charter plane |
