| Aruba sede di proximo campeonato CISC |
|
|
|
| Monday, 21 July 2008 - 00:00 | |
 Durante e Congreso Extraordinario di e Confederacion di Caribe y Centro America di Natacion Amateur (CCCAN), e paisnan presente a pidi Aruba pa ta sede di e proximo campeonato CISC, esta e “Caribbean Islands Swimming Championships”. Pa e delegadonan di e islanan di Caribe ainda e edicion di CISC cu a tuma lugar na 2000 tabata e edicion mas exitoso te awor di e campeonato regional aki. CISC 2000 pa Aruba tabata e prome evento deportivo di e tamaño aki cu a tuma lugar na Aruba, cu un total di 20 pais y no menos cu 650 participante. Click read more pa mas detayes.
Despues
Aruba tabata sede di e Campeonato di club “Dutch Caribbean” na aña 2007
y na maart 2008 Aruba tabata sede di e campeonato “CARIFTA”, cu tambe a
resulta di ta un exito grandi.
Delegadonan di Arubaanse Zwembond a expresa nan satisfaccion pa cu e peticion di e delegadonan di Caribe y a bisa di lo accepta e responsabilidad pa organisa un campeonato regional un biaha mas, den e disciplinanan di landamento y landamento sincroniza. Pa organisa e competencianan di waterpolo, Antiyanan Hulandes a ofrece di lo ta sede, den caso cu Aruba wordo eligi. Decision tocante e proximo sede, esta pa CISC 2010, lo wordo tuma den e Congreso di CCCAN na juli 2009, un aña prome cu e campeonato CISC 2010. |
