| Mike Eman orador den panel na Universidad |
|
|
|
| Tuesday, 22 July 2008 - 00:00 | ||||||||||||||||||||||||||||||||||
 Dialuna lider di AVP, Mike Eman lo ta un presentador den un panel na un conferencia social-economico internacional di e organisacion SASE na Universidad di Costa Rica, San Jose. Eman a worde invita pa e conferencia dor di e sociologo mundialmente conoci Profesor Amitai Etzion y profesor internacionalmente conoci tambe Prof. Jose Perez Adan. E lider di AVP, Mike Eman ta worde reconoci pa su desaroyo di e tema di buskeda di un realidad social husto den un desaroyo economico. Click read more pa mas detayes y imagen.
E enfoke y atencion cu e a duna den e cuadra aki na avansa e pensamento comunitario na Aruba y den region pa forma parti di manehonan di paisnan ta worde concidera importante den un mundo caminda norma, valornan y cohesion social den paisnan ta bao di presion di e desaroyo mundial. Durante e symposium riba comunitarismo na Aruba organisa pa AVP, FESCA y Fundacion Digna Lacle-Herrera e oradornan invita di e mundo comunitario a keda impresiona cu Eman su introduccion caminda e a pone un relacion entre gratitud e e espirito comunitario basa riba su propio experiencia di bida. Encurasha Prof. Amitai Etzioni e lider di AVP, Mike Eman a tuma e reto pa profundisa e tema aki for di un experiencia individual pa un theoria general sosteni pa literatura y investigacionnan riba e tema.
Pa explora e interaccion entre teoria y practica politico e conferencia a busca personan cu di desaroyo intelectual y academiconan cu ta combinda nan careranan cu servicio publico. Na e conferencia lo figura central Óscar Arias Sánchez, recipiente di Premio Nobel y presidente actual di Costa Rica, como un representante destaca di e tradicion aki pa duna e discurso inaugural di e conferencia. SASE a invita un grupo di politiconan conoci latinoamericano cu cu enfoke similar na Arias cu ta duna prioridad na desaroyo di pensamento riba un base profesional y scientifico pa uni nan mes cu e invitado como panelista y expositornan den e mesanan di presentacion. Den e cuadra aki Mike Eman ta forma parti di e presentadoranan riba e tema comunitario den buskeda di un balnsa husto den desaroyo economico y bienestar social di pueblo. E tema di e reunion di SASE 2008 a wordo sugeri pa Karl Polanyi den "La Gran Transformación". E autor ta interpreta historia di e sociedad industrial di siglonan XIX y XX den terminonan di un "dobel movimento di tipo pendular". Un parti di e movimento ta den direccion di mercadonan liber y flexibel cu ta sostene y (den algun aspecto) ta promove beneficionan material y technologico di e Revolucion Industrial. E otro parti ta un reaccion pa cu e rupturanan cu e mercado ta genera den bida di hende, un intento pa preserva relacionan social cu ta base di cua hendenan ta forma nan identidad y ta duna sentido na nan bida. E era actual di globalisacion ta similar na esun di siglonan XIX y cuminsamento di XX den hopi aspecto. Mercadonan ta establece, liberalisa y ta causa retonan social nobo. Mercancianan, finansas y hende ta move di interior di nan paisnan y ta cruzando fronteranan den un velocidad cu ta creciendo mas y mas; y hendenan ta desconcerta, buscando alternativanan pa nan bida cu cada bes ta bira mas y mas chaotico y insigur. Ademas, e reaccion cu ta ta bin dilanti awendia ta recorda e procesonan politico y e politicanan publico di e periodo di e “Gran Deprecion” y di post-guerra inmediato, ora cu e e efecto a cuminsa di e di dos mitar di e “dobel movimento” cu a word describi pa Polanyi. Pero cu un diferencia importante: e teorianan cu ta guia e desregulacion y globlisacion na final di siglo XX y cuminsamento di siglo XXI ta desende directamente di e ideanan di "laissez faire" cu a guia e globalisacion un siglo pasa; di otro banda, e filosofianan cu a informa e di dos mitar di e dobel moviemento - e legislacion social deriva di e "Gran Legislacion - a wordo desacredita den hopi aspecto. Esey kiermen cu e reaccion di awendia ta mas instinctivo y basa ariba sentimento, cu delibera y considera; e ora ta sugri e duda di ta posibel pa reconcilia e dos movimentonan, den teoria of mediante di politicanan practico. Den e conferencia di SASE 2008 ta examina con por trece e balansa aki bek na interes di desaroyo economico simulataniamente cu progreso y stabilidad social.
Awel si
said:
|
||||||||||||||||||||||||||||||||||
 |
Awor mi ta spera cu e lo bai duna un conferencia di calidad y no hinka politica sushi aden. Mike please please please no lubida pone Aruba su nomber den halto. Please no pone nos cara na berguenza. |
gayo pinto
said:
|
Mi ta spera cu Mike lo bay conta tambe con no mester goberna y lo refiri na e caso Fondo Desaroyo Nobo San Nicolas y mustra cu un cantdiad di hendenan di su partido y tambe e ex-lider di AVP den un caso PENAL a wordu sentencia cu castigo. Pues nan a wordu haya CULPABEL! Corda bisa tambe co abo tabata consehero principal di e gobierno e tempo ey! Pues, cu be ta mes c*lpabel cu nan! |
ombo
said:
|
politica sushi... koi tira den serlimar |
canawe
said:
|
Gayo pinto.. 100 punto pabo. SIN ta minister mes ela cuminsa viaja manera hende desespera. Dios gracia cu elo no bira minister nunca. CU GANA lo e keda. |
Manolo
said:
|
Ta bon pa Mike Eman durante e conferencia na Universidad di Costa Rica duna e presentenan, e.o. e profesornan e formula di magia con su persona a logra haya fianzanan di un banco (Interbank) , sin ningun garantia, na 0% di interes y sin nunca a paga back e prestamonan. Siguramente e profesornan aki lo por sinja algo di esaki. Haciendo esaki Mike Eman lo por trece un titulo di Docter Honoris Causa pa Aruba. En verdad, nos Arubianonan ta hopi sabi mes. |
Buchiwan1
said:
|
Awel si e ex -lider di AVP ta c*lpabel, dicon OM a dune un "bewijs van goedgedrag"? |
MOM
said:
|
NOOOOOOO NO TIRE NA SERLIMARRRRR E TA MORSEEEEEEEEEEEEEE PASO CAMINDA E HENDENAN AKI CAY NI JERBE TA NACE MASSSSSSS |
Antibiotica
said:
|
Cuidao cu AVP y MEP mester sigi subi y baha warda manera COPEI y AD tambe tabata hasi na Venezuela...om de beurt, anto si AYOOOOOO!!!!! |
wowo critico
said:
|
wel wel,ni globetrotters no ta viaha asina hopi.desesperacion di marca mayor.cua pais ta sigui despues di costa rica? |
machi
said:
|
mi ta spera cu pueblo por di apprecia kiko e meneer aki nan ta hasiendo pa awor, BIBA Mep |
Bito
said:
|
Ai ta pika e hendena ei no sa cu ken nan ta metiendo.............na merca tambe tin un cu ta duna les con pa horta un humilde pueblo y sali liber...................jun hende lo no lubida boso gobernacion!Pueblo OJO! |
playero
said:
|
Mike ni cuanto orador bo ta , ni cuanto pais bo bis**ta, ni cuanto potret bo saca den prensa, hamas e pueblo humilde di Aruba lo lubida kiko boso partido a hasi cu nos !!! Abo ta mescos un wolf den lana di carne !!! Bo kier drecha Aruba ? awel cuminsa atmiti boso c*lpabilidad, y bisa pueblo cu boso ta bai paga tur e debe nan cu boso a hinca e pais aki aden !!!Stop di gasta energia pornada, zorg pa bo ta na pia di trabow (parlamento) tur ora pa bo hasi bo huiswerk manera mester ta !!! Laga e partido (MEP) mas grandi den reino hulandes goberna trankil !!!  |
Presidente
said:
|
hmmm, comparacion: Aruba - Costa Rica. Costa Rica - Aruba. Mi a bay check kenna twt e oradornan di SASE pa e annual meeting na Costa Rica: E nombernan cu ami a topa: Oscar Aries sanchez( presidente di Costa rica),Arli Hochschild, Eduardo Lizano,Jose antonio Ocampo, Aeljandro Portez, Michael Storper. Mi no a wak Mike Eman su nomber. |
los ummer
said:
|
Basicamento Mike a conta cu pa 7 ana e ta for di gobierno y nunca ela goberna. Ela conta cantitidad di asunto cu a bay robez den Gabinete Eman I,II y III. Con su famia y otro por a fia casi 100 miyon florin for di Interbank na "O" porciento di interes. Un cantidad di proyecto cu a bay mao pa motibo di fraudo. E banco Interbank a bay bancarota pero prome cu esaki a laga FCCA cumpra e banco Interbank pa 1 florin. Tur esaki no a cay bao e ley di contabilidad. Tur esaki y e caso di Fondo Desaroyo San Nicoals a mustra con por haya placa di pueblo na un forma fraudulento pasobra no tin control ariba patrimonio di pueblo. |
