|
Aruba ta enfrenta Virgin Islands na Boneiro |
|
|
|
|
Monday, 21 July 2008 - 00:00 |
 Den cuadro di e di 8 campeonato di Caribe Little League na Boneiro nos redaccion a ricibi e siguiente informacion. E campeonato ta reparti den dos pool, e equiponan pa pool A ta Bermuda, Puerto Rico, St. Maarten, Jamaica y Rep. Dominicana. Den pool B nos tin US Virgin Islands, Aruba, Curacao y Boneiro. E promer partido di Aruba lo ta riba dialuna 21 di juli 2008 contra US Vrigin Islands pa 1.30 pm. Diamars 22 di juli Aruba lo tin su di dos partido contra Curacao tambe pa 1.30 pm. Click read more pa mas detayes y imagen.
E ultimo partido di Aruba pa e promer buelta lo ta diaranson 23 di juli contra Bonaire y esaki lo ta pa 4.00 pm. Den e campeonato aki lo usa e sistema caminda cu e promer dos equiponan di cada pool lo pasa pa e semi finalnan cu lo ta riba diabierna 25 di juli venidero y e finalnan pa di 3 y 4 lugar como tambe e partido final lo ta riba diasabra 26 di juli.
Mester remarka cu e apertura di diasabra 19 di juli den Stadion di Kralendijk tabata uno di kita sombre.
E isla cu apenas 14.000 habitante a sa di organisa un tremendo apertura cu musica, baile, presentacion di e paisnan participante. Mas di dos ora di dushi ambiente riba e isla di Flamingo. Remarcabel tabata e presencia di digantarionan di Antiyas, manera Promer Minister di Antiyas, Sra. Emily de Jong - Elhage, como tambe Diputado di Deporte, Gezaghebber di Boneiro y otro representante halto di organisacion di Little League pa Caribe, e.o. Sr. Victor Elhage kende ta asst. District Administrator pa Caribe.
Pa loke ta trata e hospedage di nos peloteronan di Aruba, mester bisa cu esaki ta uno excelente na Plaza Hotel.
Pues fanaticonan di bon baseball keda pendiente pa cu e participacion di Aruba den e campeonato aki cu lo ser transmiti en vivo atraves di e señalnan di Radio 1270.
| Comments () >> |
 |
 |
Den cuadro di e di 8 campeonato di Caribe Little League na Boneiro nos redaccion a ricibi e siguiente informacion. E campeonato ta reparti den dos pool, e equiponan pa pool A ta Bermuda, Puerto Rico, St. Maarten, Jamaica y Rep. Dominicana. Den pool B nos tin US Virgin Islands, Aruba, Curacao y Boneiro. E promer partido di Aruba lo ta riba dialuna 21 di juli 2008 contra US Vrigin Islands pa 1.30 pm. Diamars 22 di juli Aruba lo tin su di dos partido contra Curacao tambe pa 1.30 pm. Click read more pa mas detayes y imagen.
