| SETAR cu ofertanan special y atractivo |
|
|
|
| Wednesday, 23 July 2008 - 00:00 | ||||
 SETAR ta ofreciendo algun ofertanan hopi atractivo pa su clientenan den e temporada di Vakantie aki. E campaña di SETAR di Bo Tambe! ta bayendo hopi bon, esaki segun Sra. Shahaira Labad, hefe di Mercadeo di SETAR. “Nos ta contento cu nos clientenan ta reaccionando hopi positivo cu tur e campañanan cu nos ta ofreciendo. E enfoque special e aña aki ta sigur cu nos ta celebrando e 5 aniversario di nos compania como NV. Aruba sigur por a nota e cambionan positivo cu SETAR ta treciendo constantemente pa Aruba en general. Click read more pa mas detayes y imagen.
E celebracion di 5 aña como NV ta dura te cu final di e aña aki y lo culmina na December 2008. Ademas di e bus cu a pasa den e bario di San Nicolas repartiendo premionan hopi atractivo, tin e campaña di SMS cu ta andando diSETAR di bo tambe! na unda e cliente por bin na remarca pa gana un siman full gratis na yamada. Loke bo tin di haci ta simplemente manda e palabra “SETAR” via SMS pa e number 221 (50 cen pa SMS) y asina participa pa gana e siman cu yamadanan tanto local como internacional completamente gratis te cu un maximo di 300 florin. Tur diahuebs lo anuncia e ganador.” Pa e districtonan cu nos no a bishita ainda keda pendiente paso nos lo bin bishita cu e bus di SETAR di bo tambe! Nos ta haya tur dia yamada na nos call center di clientenan cu ta yen di entusiasmo pa topa nos di SETAR den nan districto, esaki ta duna nos un satisfaction enorme y e caranan contento cu nos ta haya ora nos yega.
Sra. Labad a sigui bisa cu tur fin di siman di e asina yama “Weekend Special” di SETAR cu ta brinda un descuento special of un servicio gratis pa e fin di siman. Un otro oferta cu SETAR ta ofrece ta e Sparkling Tour 2008: Prepaid Vacation Special, cu a cuminsa entrante 21 di juli y lo keda vigente te cu dia 9 di augustus na unda SETAR ta ofreciento 3 modelo di NOKIA prepaid nobo nobo na prijsnan hopi atractivo specialmente pa e hubentud di Aruba. E modelonan ta Nokia 1650 cu ta bai pa unicamente 99 florin, Nokia 2600 Classic cu ta bai pa 129 florin y e Nokia 2760 cu ta bai pa 149 florin. Otro servicio cu ta na prijs special pa e temporada aki ta e DSL Vacation Special pa 149 florin. Tur cliente nobo lo ricibi pa e suma aki: Un Zing Phone hunto cu su 3G sim card regalo y un wireless modem cu ta inclui installacion gratis tambe. Pa e clientenan di DSL existente cu ta desea di renoba nan contract nan ta ricibi cu e prijs special aki 2 luna gratis di abonement di DSL, Un prijs special rebaha di 50 florin pa upgrading di wireless modem, y un descuento special di 50 florin riba cualkier Zing Phone di SETAR. Ademas di tur esaki, tin e campaña di Scratch & Win cu e carchinan specialmente diseña pa e evento di Sparkling Tour 2008 di cual SETAR ta un di e sponsor y sostenedor grandi! E carchinan ta special y nan tur tin e valor di 15 florin cada uno. Nos ta regalando mas cu 75.000 florin na premio cu e campaña aki. Ya tin varios ganadornan di e campaña aki cu ta ricibiendo nan regalonan. “Naturalmente nos ta bai sigui enfatisa pa e pueblo di Aruba keda plak nan sticker tanto na nan cas, tienda of auto ya cu e campaña di Sticker ta continua te cu final di aña 2008. Si bo no tin bo sticker ainda, por pasa na cualkier Teleshop pa haya uno ainda. E bus lo pasa den tur districto na Aruba pa duna bek na e comunidad clientenan di SETAR cu ta duna sosten na e compania nr. 1 na Aruba den telecomunicacion SETAR. Un biaha mas esaki ta e forma con nos di SETAR kier a yama danki na e Pueblo di Aruba cu a sostene SETAR NV den e añanan cu a pasa. Nos ta gradisi tur nos clientenan pa nan loyalidad cu e compania y cu den un forma of otro a aporta pa haci nos e compañia number 1 den Telecomunicacion na Aruba.”,asina Shahaira Labad a termina bisando.
|
||||
