| Preparacion di Havana Dance ta den Full Swing |
|
|
|
| Wednesday, 23 July 2008 - 00:00 | ||||||||||||||||
 Siguiendo lunanan largo di trabou duro, preparacionnan y dedicacion, Productor Steve Hudson ta contento di por introduci un show nobo na e Crystal Theatre. "Havana Dance," e ta splica, ta cla pa lanza su siguiente spectaculo Cubano, algo diferente, exclusivo y extravagante, directamente for di Varadero, Cuba. "Havana Dance" lo debuta na e luhoso Crystal Theatre, Renaissance Aruba Resort, dia 24 di juli, 2008, presentando dialuna pa diasabra, pa 9 p.m., 90 minuut di entretenimento dinamico, cu excepcion di diadomingo ora e teatro ta scur. Click read more pa mas detayes y imagen.
"Havana Dance" ta un spectaculo Cubano puro, y su integrantenan ta consisti di 12 ballerina femenino, 4 bailador masculino, 2 cantante y 3 acrobat, presentando un programa fresco companja pa musica cubano en bibo cu ta wordo presenta riba e scenario pa un orkesta cubano autentico, consistiendo di 5 musicante cubano profesional. E combinacion aki di baile y musica en bibo, manera por ser mira akinan riba e potretnan, ta e prome di su tipo riba nos isla.
Mientras cu mayoria di e "Havana Dance" review lo ta domina pa e sabor Cubano, e lo wordo presenta cu un coreografia Caribense berdaderamente unico, y cu hopi toke tropical. "Havana Dance" ta tuma luga riba un scenario di dos piso, cu entradanan y salidanan di y pa e arena na diferente haltura, cual tambe ta presenta un concepto visual nobo. E disfraznan specialmente traha ta sensual, atrevido, colorido, y luhoso, y lo distingui e show di "Havana Dance" for di tur otro presentacion. Productor Steve Hudson, kende a disfruta di shete aña di exito nunca bisto cu su show di "Let's Go Latin", tabata sa cu a bira tempo pa laga su show tan stima bai, pa asina concebi y crea un produccion nobo cu ta contemporaneo y hopi evolvi. E gala premier lo tuma luga dia 24, unda lunanan di preparacion lo yega na un spectaculo di conclusion. Carchinan pa "Havana Dance" ta US$. 49.- Muchanan bou di 12 aña ta paga US$25. Carchinan ta obtenibel desde awe na e box office di teatro, Renaissance Aruba Resort, y tambe por wordo cumpra na e concierge's desk di Renaissance Aruba Resort. Otro bendedornan di carchi ta inclui De Palm Tours y e Centronan di Actividad di Pelican Adventure, situa na e hotelnan. Durante luna di september, "Havana Dance" lo introduci un prijs local special pa e publico Arubiano, pa e suma increiblemente chikito di Awg 15.- pa persona! Pa informacion adicional y reservacionnan yama Crystal Theatre na tel.: 586 3000, ext. 6115 entre 9 a.m. y 5 p.m. Despues di 5 p.m., yama tel.: 583 6000 ext. 6357. No perde e oportunidad pa tremendo entretenimento cu e calor di "Havana Dance." Riba e potretnan por mira e training den full swing na e Crystal Theater.
|
||||||||||||||||
