| Elvira van der Biezen a cumpli 25 aña di servicio |
|
|
|
| Wednesday, 23 July 2008 - 08:00 | |||||||||||
 Recientemente Elvira van der Biezen, a cumpli 25 aña den servicio di telecomunicacion. Ela celebra esaki den un grupo di amigo y coleganan hopi serca di dje. Palabranan di elogio so tabatin pa Elvira ya cu e ta un trahador ehemplar den SETAR. Tanto su hefe directo Raul Ponson, Sector Manager di SETAR a gradici Elvira pa su trabou excelente cu e ta ehecutando y Director di SETAR sr. Roland Croes tambe a hiba palabra na unda ela expresa palabranan hopi bunita di aprecia pa Elvira. Click read more pa mas detayes y imagen.
Elvira a cuminsa traha dia 1 di juli 1983. Su funcion tabata telefonista y trahador administrativo cu tabata resorta bou di departamento di secretaria. Landsradio tabata situa na Yrausquinplein e tempo ei na unda actualmente ta SETAR Teleshop Yrausquinplein.
Elvira ta conta: “E tempo ei, mayoria di nos tempo ta bai na type y ta typemachine so ta tin cu telexmachine. Bo mester por a type pa Direkteur y chefnan cu ta sinta den e edificio ei. Dus typemento liher tabata un exigencia debi cu ta hopi stukken bo ta haya pareu pa type. Foutnan ta ser cometi na cantidad pero bo mester type tur cos di nobo. Danki na e tecnologia avansa di awendia, esta computer ta hasi nos trabou uno mas facil y liher.” Durante e 25 añanan di servicio, Elvira a ocupa varios funcion den e compania cu awe ta SETAR N.V. Na januari 1986 el a worde nombra “Schrijver in tijdelijke dienst”, Na juli 1986 el a worde promovi como “Klerk in tijdelijke dienst”, Na juli 1991 el a worde nombra “Klerk 1ste klasse”, Na juli 1994 el a worde promovi como “Hoofdklerk” y na luna di uli 1997 el a wordo nombra “Adjunct-commies”. Dia 1 di juli 2003 Elvira a bai over cu e compania SETAR N.V. den funcion di Secretaria Ehecutivo den e departamento di Secretariaat. Elvira ta corda cu na aña 1987 su funcion a cambia un poco cu esei a nifica cu el a cuminsa traha directamente cu e Project Manager dus ta cu un persona so e tabata traha p’e. “Tambe mi a traha pa Financieel Direkteur un temporada.” asina Elvira ta recorda. Awendia Elvira ta secretaria ehecutivo di Departamento Technico di SETAR N.V. “Mi gusta e trabou aki hopi debi cu tin hopi projecto ta cana na mes momento y cu semper tin cos pa hasi. E trabao tin hopi variacion y esey ta hasi’e mas interesante.” asina Elvira ta expresa. Elvira ta mira e futuro di SETAR como uno cu lo keda stabil. “SETAR mester keda bai según e tecnología, duna mihor calidad y mihor servicio. Pa nos por logra esaki mi ta kere cu cada un di nos mester por traha cu amor pa cu e compania y duna mas hopi di nos parti. SETAR su stempel den comunidad tey y pa keda paso “quality makes the difference”.”, asina Elvira a expresa. Den su oranan liber Elvira ta gusta traha obranan di man y pa mantene su condicion e ta landa por lo menos 1 ora. Tambe e ta gusta dedica tempo na su auto. Pa Elvira, su yiu muher Jú-anny N. v/d Biezen di 14 aña di edad cu cariñosamente e ta yama “su princes” ta su pasion y ta motiv’e pa e lucha pa bai padilanti. “Mi ta gradici’e imensamente debi cu e ta coopera hopi cu mi y tambe e ta comprend’e cu no ta tur ora mi por ta na tempo na cas pa dedica na dje.”, asina Elvira termina bisando. Palabranan di Pabien ta bai na Elvira ainda pa su 25 aniversario trahando den telecomunicacion na Aruba.
Legalize
said:
|
|||||||||||
 |
haha Mr.Bean Ponson papiando na Mic hahahaha!!! |
