| AHRA a celebra 15 anja di existencia |
|
|
| Thursday, 24 July 2008 - 00:00 | |||||||
 Aruba Human Resources Association, AHRA, representa pa sra. Omayra Bikker-Rincones a duna un presentacion di tur e actividad nan cu a tuma lugar durante anja 2007. E siguiente oradornan a honra AHRA cu nan presencia cual por cierto nan ta: sr. Ramfis Kolfin cu a elabora a riba “LIDERAZGO”, sra. Shahaira Brokke cu a duna un interesenta charla tocante neurolinguistic, sr. Carl Giel cu e topico “Departamento di Labor”, sra. Brigitte Nectar cu e tema di DIMAS, drs. Judelca Briceňo hunto cu Jerome cu a duna muestra di e importancia di controla bo peso. Click read more pa mas detayes y imagen.
Ademas di esaki mr. Andin Bikker a papia tocante e ley di Toelatingsverordening y a elabora tocante e 3 anja di estadia cual ley a a wordo introduci ultimamente, drs. Shira, cu e tema di Stress & Anger management, drs. Ryan Peterson cu a elabora tocante e training den Hospitality Management.
Ariba 2 juli 2008 e asociacion a celebra su di 15 anja di existencia na Aruba Phoenix Resort. Den un ambiente hopi festivo tur miembro di AHRA hunto cu nan distinguido jefe nan di trabao a disfruta di e atardi aki jena cu informacion, historia y musica. Na e ocasion aki sr. Enrique de Cuba presidente saliente despues di duna su discurso a pasa palabra pa sra. Norma Brinkenberg Spellen cu na e mes momento a ser nombra presidente pa anja 2008-2009. Siguientemente sra.Brinkenberg Spellen a duna un bonbini na tur presente y claramente duna tambe un historia breve di con y na ki momento AHRA a ser funda. Di biaha despues di esaki presidente a nombra su directiva pa e anja 2008-2009 cual por ser aprecia ariba e potretnan. E directiva a keda forma pa e siguiente personanan: sra. Martina Grant Koolman, vice presidente, sra. Shaline Leon tesorera, sra. Omayra Bikker Rincones secretaria, sra. Cavril Martijn Rombley comision di miembrecia, sra. Michelle Mendes comision di educacion, sra. Brenda L.Vries public relation, sr. Enrique de Cuba comision di labor. Den e discurso di presidente di AHRA a pone enfasis ariba e importancia di un asociacion asina aki na Aruba, sigur pa e sector hotelero. E historia ta bisa cu: sr. Rod Alford (Hyatt Regency) na februari 1991 a cuminsa e promer reunion mencionando cu esaki ta pa explora e posibilidad nan di tin continuamente y structuradamente comunicacion nan entre e personal di Directors y managers den e sector hotelero.E meta prinicpal: funda un asociacion cu su propio statuten nan y By Laws. E asociacion lo por organisa actividadnan manera Job Fairs cu na mes momento por trese fondo pa e asociacion y cual na su vez por duna aporte na scholarships na empleadonan den e sector hotelero.Na 2 juli 1993 e asociacion a ser funda pa Notario mr. M.A. Eman na unda e co fundadornan nan tawata: sr.George Dirksz, sr. Juan kock, sra. Lourdes Nicolaas,sra. Ruth Celaire y †sra.Eileen Pennyfeather. Nomber oficial a bira, Aruba Human Resources Association. Awe 15 anja despues AHRA ta e mesun asociacion ainda cu e mesun metanan pero cu a amplia su miembrecia pa tur personanan cu ta laborando den tur sector di e secion di Relacionan Humano.Esaki ta pa sigui engrandece e calidad di profesionalismo den e ramo aki di Relacionan Humano. Importante: Relacionanan Humano un termino cu hopi organisacionanan grandi ta usa. Cu ta encera duna ayudo na e desarollo di cada un di bo empleadonan den un of otro forma p.e. dunando nan training, workshops, lecionan base di leynan laboral, pa cu es manera aki como organisacion grandi bo ta engrandece bo capacidad humano door di ehecuta “return of investment” y minimalisa e risico nan financiero. Responsabilidad di cada “Human Resource Manager” ta pa conduci tur actividad nan relaciona cu e area aki di un manera of otro na unda cu efectividad, legalidad y integridad ta algun di e puntonan cardinal pa por domina pa por ehecuta tur esaki nan y jega conhuntamente na e meta principal, mantene un relacion humano cu e trahado. Ariba e potret nan aki por ser aprecia e atardi ameno cu tur miembronan di AHRA y nan distinguido jefe nan di trabao a pasa dia 2 juli 2008 cu a celebra 15 anja di existencia cu AHRA a ser funda. AHRA ta gradici tur esnan cu di un manera of otro a mustra nan aprecio pa cu e celebracion aki. Pa miembrecia por tuma contacto cu: Sra. Cavril Rombley Martijn tel: 5831338 of e-mial: This e-mail address is being protected from spam bots, you need JavaScript enabled to view it
Comentarionan (0)
 Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
|||||||
Subscribe to this comment's feed
Mustra/Kita comentarionan
Mustra/Kita e formulario di comentario
