| Resultado di torneo Playstation Fifa 2007 |
|
|
|
| Friday, 25 July 2008 - 00:00 | |||||||||||
 Diasabra y diadomingo ultimo SV Estrella a tene e torneo di Playstation Fifa 2007 den Club Estrella. E prome dia tabata tin 6 television, 5 tabata wordo usa pa e torneo mes y uno tabata pa por a train of challenge otro. Diadomingo a hasi uso di 3 television pa e torneo. E semi-finalnan y finalnan a wordo teni riba un solo television di 42 inch unda cu e fanaticonan por a concentra riba e weganan aki. Den Categoria A (U13) tabata tin 9 participante unda cu a hunga 3 grupo di 3. Di aki a clasifica e 2 mihornan y a bolbe traha 2 grupo di 3. Click read more pa mas detayes y imagen.
Di akinan e 2 mihornan di cada grupo a bay semi-final pa enfrenta otro. Diadomingo a hunga e semi-finalnan y e final. E campeon di e categoria aki a sali sopresivamente Micheal Wouters. Subcampeon a keda Andrew Valois-Smith. Na di 3 lugar a keda Gerwin Maduro y na di 4to lugar Wilson Lopez.
Den Categoria B, cual ta riba 13 aña tabata tin 32 participante cual tabata equivalente pa organisa e torneo estilo mundial cu 8 grupo di 4. Di aki e mihor dosnan a clasifica pa e octavo di finalnan unda cu esun cu a perde ta cay afor y esun cu gana ta sigi. Den un tremendo final Randrick Roza ta gana Alexis Angela 5-3 pa asina titula campeon di e torneo aki. Mester menciona cu e dos finalistanan aki a yega final invicto y cu diferencia di goal bastante grandi. Na tercer lugar a keda Ederick Brete, cual ta e participante cu tabata tin un gran apoyo di su fanaticada. Na di 4to lugar a keda Izayron Felipie. Directiva di Estrella ta hopi satisfecho con e torneo a bay y e apoyo di fanaticada cu a bin apoya nan hungadornan. Gradicimento ta bay pa tur nos sponsornan cu a kere den e torneo aki cu ta e promer organisa oficialmente na Aruba. Un danki ta bay pa Tiara Air, CD & More, Muvi Vision, Marathon Super Video, Office Sytems, Caribbean Overseas, Casa Haime, Compra N.V., D. De Veer & Sons, Papa Johns Pizza, A-One Contractors, Sr. Maikel Lopez, Celltar N.V., Tropical Bottling N.V. S.V. Estrella alaves ta anuncia cu nan ta preparando pa e sigiente torneo cu lo ta e biaha aki di FIFA 2008. Keda pendiente.
LVW
said:
|
|||||||||||
 |
WAW! Micheal pabien cu bo logro, keep it up! Mi maleta ta kla!!!!  |
