|
Aruba ta logra clasifica pa semi-final |
|
|
|
|
Friday, 25 July 2008 - 00:01 |
 Aruba a busca su triunfo contra e pais anfitrion, y a logra esaki tambe. Cu e batenan bon cendi e muchanan di Aruba a sa di score nada menos cu 11 careda den cuater inning. Entre nan e hoben Andre Koolman a conecta un bataso di cuater skina cu un distancia di alrededor di 240 pia. Cu e triunfo aki Aruba ta enfrentando Puerto Rico den semi-final diabierna venidero pa 2.00 pm, di otro banda Corsow ta bay enfrenta Rep. Dominicana. E gran final lo ta diasabra venidero. Click read more pa mas detayes y imagen.
Pa loke ta e numeritonan final
Aruba a anota 11 careda, conectando 11 hit, incluyendo un homerun y
cometiendo 0 error, Boneiro no a anota careda, a conecta 1 hit y a comete 3 error. Pitcher ganador a resulta Alvara Rodriguez, cu porcierto a tira tres inning perfecto y a ser releva pa Eugene Helder, pitcher perdedor Kendrick de Lima.
Mihor bateador pa Aruba Andre Koolman 3 - 2 (1 HR), Randy Mark Helgers 3 - 3, Gerson Croes 1 - 1 y Alexander Lacle 1 - 1, otro hitnan tabata di Eugene Helder, Elgomar Farro y Alvaro Rodriguez.
No ludida di sintoniza e partidonan atravez di Radio1270 den voz di Amador Oduber y Chibi Willems, sigui e partido via internet riba www.lltc2008.ishmedia.com cu Ivan Quandus y Melvin Quilotte, cortesia di ISHMEDIA y Madara Spa cu ta haci tur esaki posibel.
Un danki special ta bay na RBTT Bank cu ta patrosinador di nos equiponan di Little League. Aruba keda pendiente pa boso representacion na Boneiro.
| Comments () >> |
 |
 |
Aruba a busca su triunfo contra e pais anfitrion, y a logra esaki tambe. Cu e batenan bon cendi e muchanan di Aruba a sa di score nada menos cu 11 careda den cuater inning. Entre nan e hoben Andre Koolman a conecta un bataso di cuater skina cu un distancia di alrededor di 240 pia. Cu e triunfo aki Aruba ta enfrentando Puerto Rico den semi-final diabierna venidero pa 2.00 pm, di otro banda Corsow ta bay enfrenta Rep. Dominicana. E gran final lo ta diasabra venidero. Click read more pa mas detayes y imagen.
