| Minister Croes ta bishita sr. Nacho Hernandez |
|
|
|
| Friday, 25 July 2008 - 00:01 | |
 Recientemente Minister Plenipotenciario sr. Frido Croes a haci un bishita na sr. Marciano (Nacho) Hernandez na e cuidad di Rhoon. Esaki pa motibo cu sr. Hernandez recien a celebra su hubileo di plata den Servicio di Gobierno. E bishita aki a tuma lugar na edificio di Rijkswaterstaat Zuid-Holland na Rhoon, unda sr. Hernandez ta labora. Tambe sr. Croes a wordo ricibi pa hefe di e central di trafico, sr. Marco Uyl. Sr. Nacho Hernandez a cuminsa na 1982 den servicio di Gobierno di Aruba na Buvo (Buro Voorlichting). Click read more pa mas detayes y imagen.
Su trabao tabata entre otro traha propaganda pa television y programanan informativo. Tambe Nacho a traha pa TeleAruba.
Na 1991 Nacho a bin Hulanda pa motibonan personal y na 1992 ela cuminsa traha como operador na Rijkswaterstaat. Durante añanan Nacho a desaroya su mes di operador pa operador di systema y senior operarador di systema pa regula trafico na Hulanda. Na 2005 Nacho keda apunta como coordinador pa dirigi trafico ariba camindanan grandi na Verkeersmanagement Centrale Zuid-West Nederland. Durante di e bishita sr. Hernandez a duna Minister Plenipotenciario sr. Croes un splicacion amplio di su trabou nan na Rijkswaterstaat Zuid-Holland. Despues di esey sr. Hernandez a duna un recorido den edificio di Rijkwaterstaat Zuid-Holland. Na final di e bishita Minister Plenipotenciario sr. Frido Croes a expresa di ta hopi orgulloso di mira nos hendenan cu responsabilidadnan grandi y a desea sr. Hernandez tur clase di exito den futuro.  |
