| Exito mezcla Raiznan Arubiano y Antiano |
|
|
|
| Saturday, 26 July 2008 - 00:00 | |||||
 E Banco di Desaroyo Inter-Americano (IDB) lo presta $269 miyon y yuda recauda un $379 miyon adicional pa tres planta nobo di ethanol na e parti sur-central di Brazil, como parti di e inversion di biofuel mas grandi cu a yega di wordo haci pa e banco di desaroyo. E directiva di e banco unanimamente a aproba e financiamento awe. E tres plantanan lo wordo desaroya pa Companhia Nacional de Açúcar e Álcool (CNAA), un joint venture forma pa e productor Brasilero di sucu, Santelisa Vale, companianan priva di equity na Merca y Global Foods Holding, un compania di holding registra na Aruba y Antias Hulandes. Click read more pa mas detayes.
E IDB lo provee un A-prestamo for di su mesun capital pa US$269 miyon, y lo yuda recauda e US$379 miyon for di banconan commercial como parti di un B-Prestamo sindica guia pa BNP Paribas.
"Den un tempo di prijsnan pa cuminda y energia cu ta hisando rapidamente, ta crucial pa desaroya fuelnan renovabel cu no ta competi cu cosechanan di cuminda," tabata e palabranan di e Presidente di IDB, Luis Alberto Moreno. "Despues di a examina e dimensionnan social, ambiental y economico di e proyectonan aki pa mas di un aña, nos a conclui cu nan lo produci energia limpi y sostenibel y provee trabounan di calidad—sin impacta prijsnan di cuminda den cualkier manera." E IDB ta desaroyando un asina yama "Biofuels Sustainability Scorecard" cu lo facilita evaluacion pa tur partidonan interesa di e dimensionnan manera tera, clima, uso di awa y biodiversidad, den un proyecto potencial di biofuel. E scorecard interactivo aki lo ta obtenibel riba e website di IDB na augustus. "Brazil ta bendiciona cu algun di e condicionnan miho na mundo pa e produccion eficiente di ethanol," Moreno a agrega. "Pero varios otro pais Latino Americano tambe tin e potencial aki, y nos tin e intencion di yuda nan desaroya industrianan di biofuel cu ta cumpli cu e standardnan social y ambiental mas halto." E tres plantanan nobo ta den construccion na e estadonan di Minas Gerais y Goiás, leu for di e Amazon of cualkier area protehi. En bes di cumpra e tereno directamente, CNAA lo lease e for di propietarionan di terenonan mediano y chikito cu a dicidi cu nan por gana un miho entrada cu mata di sucu compara cu pastura di intensidad abou – cual ta e uso predominante di e area actualmente. E plantanan nobo lo uza mashinnan mecaniza pa saca cosecha di mas di 90 porciento di nan tereno, y nan lo provee mas o menos 4,500 trabou permanente di calidad halto. Nan lo recicla tur nan stillage (awa sushi) como fertilizador riba e veldnan di sucu. E plantanan lo produci te cu 420 miyon liter di ethanol pa e mercado domestico tur aña, y lo genera nan mesun electricidad door di kima bagasse (sushi di mata). De hecho, e tecnologia di cogeneracion cu nan lo haci uso di dje lo produci suficiente electricidad dimas pa duna coriente na 400,000 cas di tamaño mediano na Brazil. Sylvia Larrea, lider di e ekipo di proyecto pa e prestamo di IDB, a bisa cu e proyecto ta marca un punto nobo den e historia di financiamento pa e industrianan di sucu y ethanol di Brazil, cual tradicionalmente a conta riba prestamonan comercial di termino cortico pa largo, sosteni pa receivables di export. "Door di ofrece un A-prestamo cu un periodo te cu 15 aña, y door di mobiliza financiamento priva di e tipo di termino largo, nos ta mandando un señal cla na e mercado pa loke ta e viabilidad y e prospectonan di e sector di biofuels," Larrea a bisa. "E tipo di financiamento aki ta habri e caminda pa un nivel nobo di expansion y consolidacion den Brazil su industria di biofuel, y nos ta spera cu esaki lo resulta den inversion nobo na otro paisnan Latino Americano tambe." E sponsornan den sector priva di e plantanan di ethanol di CNAA ya caba a contribui casi $300 miyon den equity na e proyecto. E sponsornan aki ta inclui fondonan di equity priva manera Carlyle-Riverstone, Goldman Sachs, DiMaio Capital, Discovery Capital y Global Foods. Segun Larrea, construccion di dos di e tres plantanan ta yegando finalizacion, y produccion di ethanol ta calcula pa cuminsa na september. Cada di e plantanan (cualnan ta situa na Ituiutaba y Campina Verde, estado di Minas Gerais, y Itumbiara, estado di Goiás) lo tin un capacidad di machica mata di sucu di 2.7 miyon tonelada pa aña y un planta di 56 megawatt co-generacion cu lo provee electricidad na e millnan di sucu y ethanol y bende energia exceso na e grid di electricidad Brasilero. E prestamonan nobo aki ta parti di un programa comprensivo di IDB pa sostene e desaroyo di energia renovabel y eficiencia di energia na Latino America y Caribe. E Banco a financia varios estudio pa yuda e gobiernonan miembro cu ta prestando placa determina e viabilidad y sostenebilidad di biofuels como tambe poder solar, hidroelectrico y di biento. Global Foods Holding ta menciona ariba den e articulo como un di e partnernan den e joint venture y a wordo funda diezdos aña pasa pa e habitante Arubiano Rene Kan y Justus Martens, ex-financieronan di comodidad, hunto cu Mees Pierson y ING Bank, y Allan Kahane, un nacional Brazilero cu experiencia extensivo como un inversionista internacional priva y accionista activo den companianan industrial na Merca y Brazil.
Teishi
said:
|
|||||
 |
Aki por mira kico offshore nifica pa calc*lo di nos GDP. Algo complica pero si di balor pa nos aki na Aruba. Bio Fuel ta un di e alternativonan mas scucha ultimo tempo. E efecto si ta cu prijs di cuminda ta subi mescos cu prijs di azeta. Si Aruba su FREEZONE por ricibi beneficio ta di mira. |
