| Aqua Spa na Corsow ta preparando pa habri |
|
|
|
| Monday, 28 July 2008 - 00:00 | |||||||||||||||
 E spa oficial di Renaissance Curacao Resort & Casino ta preparando pa su apertura. E spa di destinacion completamente integra lo ta parti di e amenidadnan di clase mundial cu lo wordo ofreci na huespetnan di e spa hotel, cu ta programa pa habri na herfst di 2008. Aqua Spa a scohe e historico Rif Fort pa su ubicacion, contando riba e isla su historia pa crea un fusion nobo entre pasado y presente. Aqua Spa lo ta situa na e Rif Fort historico banda di e hotel. E lo ta un facilidad di Ocupando 4 piso, cu bistanan riba Willemstad y su famoso St. Anna Baai, e facilidad di 690 meter cuadra/ 7,500+ pia cuadra lo conta cu 10 camber di tratamento cu e tecnologia Aleman mas moderno pa stoom y bañonan di Jacuzzi. Click read more pa mas detayes y imagen.
E spa lo introduci hopi amenidad special manera un sala di te y un terras di relahacion riba e dak.
Aqua Spa, e spa mas grandi di Corsow, tambe lo ofrece inyeccionnan di Botox y tratamentonan contra cellulites haci pa ciruganonan plastico famoso di Latino America. E inversion, haci pa un Compania Mericano/Europeano cu raiznan na Aruba, lo promove productonan di Neoderma, traha na Cyprus, cualnan ta pas perfectamente cu e clima di e isla y estilo di bida di vakantie/playa. Un vocero di Aqua Spa ta indica cu e diseño ambicioso ta incorpora experiencianan riba varios nivel: E prome piso di Aqua Spa lo inclui e spa lobby y e stacionnan di Pedicure / Manicure y Cabei, tur dunando e impresion di un ambiente di ciudad grandi. E salon di cabei lo ofrece e servicionan di un estilista/pelukero di fama internacional. E prome piso lo sirbi como un Day Spa cu tres camber completamente ekipa pa facials cu ta ofrece tratamentonan inovativo di un ora incluyendo Neoderma su famoso "Chinese Herb Peeling," e tratamento ideal pa haci den bo break di lunch, specialmente pa esnan cu no tin tempo pa gasta. E day spa tambe lo inclui servicionan di Manicure / Pedicure & Cabei sin cita. E di dos piso lo ta dedica na e Centro ultra moderno di Gym y Fitness cu tambe ta ofrece lesnan di Yoga. E Watsu, masashinan den awa lo wordo duna den e "infinity pool" di Renaissance Curacao Resort cu bista riba lama. E area principal di e spa lo conta cu un reception lobby y cambernan pa cambia paña, cu 25 locker femenino y 25 locker masculino. E area di locker femenino lo inclui showers, stoom, sauna, opcionnan di ice cooling & bucket plunge cooling, cu e mesun menu di servicio na e banda masculino. Den e area comun, e lounge di relahacion pa ambos sexo lo ofrece articulonan saludabel y suave – un bar di fruta – unda bishitantenan por warda pa un terapista busca nan of warda e lift pa bai e piso mas halto. E di cuater piso ta consisti di 100 mester cuadra di terras habri cu tin bista riba lama, cu cuater camber single di masashi / facial, dos camber pa pareha cu shower y Jacuzzi como tambe un Vichy shower room y showernan normal. E terras den aire liber lo conta cu e asina yama "heavenly beds" pa tratamentonan y un jacuzzi den aire liber pa uso comun. E ambiente lo promove relahacion cu musica di e olanan cu ta dal contra e murayanan historico di e Rif Fort, cual a wordo construi na 1826. E terras riba dak tambe lo ofrece un bar di coi bebe y fruta. Debi na su diseño rico y compleho, e Aqua Spa benidero lo ofrece bishitantenan hopi escohencia y nan por personaliza nan tratamentonan door di scohe for di un lista extensivo di elementonan "Mix & Match", haciendo nan tratamento uno individual y unico. E Aqua Spa nobo ta diseña pa e arkitectonan Mericano Coleman & Partners, http://www.cparch.com, kendenan ta presta gran atencion na detaye y ta dedica na e creacion di un "otro mundo", un miho universo di vakantie relahante. Coleman & Partners tambe ta e arkitectonan di e Renaissance Curacao resort y ta traha hopi cu hotelnan di alta clase rond mundo, incluyendo e Ritz Carlton. Aqua Spa ta e creacion di un grupo di inversionista di Merca. Nan ta raporta cu Tratamentonan Medico rutinario tambe lo wordo ofreci riba e menu di servicio, entre nan Intense Pulsed Light Laser Therapy, Micro Dermabrasion, Skin Rejuvenation + Permanent Hair Removal ademas di Tratamentonan Anti Cellulitis y mashinnan di Endermologia. E Tratamentonan Medico Special tambe lo inclui Botox, inyeccionnan di Hylaronzuur y Mesoterapia haci un biaha pa luna pa ciruhanonan plastico cu ta di bishita di Valencia. Aqua Spa tambe tin planea pa reserva y escolta un variedad di procedura medico cu top ciruhanonan plastico na Venezuela. E spa lo percura pa tur areglo di viahe, incluyendo pero no limita na: camber di hotel, buskeda cu limousine, reservacion di buelo, etc. Aqua Spa a tuma e decision pa ofrece Neoderma como su liña cosmetico di escohencia. E productonan lo bin di e distribuidor di Neoderma basa na Aruba : CSS Caribbean Spa Supplies N.V. Neoderma ya caba ta disfruta di un reputacion excelente riba nos isla y na Corsow, y ta famoso pa su proceso di Chinese Herb Peeling. Procedente di Cyprus den e Mediteraneo, tambe conoci como e luga di nacemento di Aphrodite, e liña ta un marca bon conoci di medio oriente traha segun standardnan Europeano hopi halto. Neoderma ta ser considera e miho producto cosmetico na Hulanda y ta specialmente popular danki na su formula di Chinese Herb Peeling, ademas di tratamentonan di Neo-White, Anti-Aging, tratamentonan di curpa, firming y anti cellulitis. Neoderma tambe ta ofrece un cantidad di Tratamento Relahante pa esnan cu ta riba vakantie y cu lo kier tuma cos mas trankilo y di berdad disfruta di nan vakantie sin stress. E menu di Aqua Spa lo ofrece tratamentonan di cara manera e Neo-Marine Spa y Neo-White Treatments. Masashi di Thailandia, Masashi cu Piedra Cayente, Shiatsu. Body Wraps / Mud Wraps Anti-Cellulitis y Detoxificante. Cu un inversion estima na mas di US$1 miyon, Aqua Spa ta Corsow su top escohencia, ofreciendo diseño di top calidad, tratamentonan, servicio y productonan y tratando di surpasa e espectativanan di tur bishitante. Aqua Spa lo ta aplicando pa un rating di triple diamante, hunto cu e Renaissance Curacao Resort & Casino, den e futuro hopi sercano. Huespetnan di e hotel y bishitantenan di e isla en general lo wordo invita pa haci reservacion directamente, of via e hotel completamente integra, incluyendo Servicio den Camber. Aqua Spa a wordo concebi pa cumpli cu e gran demanda pa Spa Hotels, satisfaciendo e necesidad di esnan disfrutando di nan vakantie pa un calidad sin igual y dedicacion na excelencia.
genesis
said:
|
|||||||||||||||
 |
  halo klientenan aruba ta birando aveses pio ok bira miho y stop cu pelea den caya y concierto |
asfs
said:
|
Djis mira con e luga nan ta traha eybou.. na estilo di CUTLTURA... ami ta hanja hopi tristo cu e luga nan na Aruba ta wordo traha mane estilo mericano.. locual esey ta HOPI HOPI fout... pesey nos perdiendo turismo na Aruba. pesey nos tin HOPI pa enfatisa den nos c*ltura.. loke ta di NOS ta yuda nos.. dus huze!!.. Ami tambe lo ke mira infrastuctura basa riba c*ltura di e Isla na mi dushi Aruba |
asfs
said:
|
Anos ta unique... nos estilo di c*ltura ta unique... anos no a worry pa huze.. anto mira awo con Korsou no ta perde pa gana... mientras nos mes no ta bayendo muchu dilanti |
