| Aruba ta logra di tres puesto den Little League |
|
|
|
| Tuesday, 29 July 2008 - 00:00 | |||||||||||||||||||||||||
 Despues di a trompica contra Puerto Rico den final, e muchanan di Aruba a bini brabo den e partido pa di tres lugar y ta vence e equipo di Rep. Dominicana cu score di 5 - 0. E dos promer inningnan so tabata necesario pa nos muchanan a logra anota e cinco caredanan. Riba monticulo tabata pa Aruba e hoben Alexander Lacle cu a tira un tremendo partido. Den di cinco inning Alexander ta haya relevo di Ivo Vrolijk cu ta tira tremendo dos inning. Un dominio completo di Aruba cu ta permiti solamente un hit di e Dominicanonan, esaki na man di Junior Vasquez. Click read more pa mas detayes y imagen.
Aruba tabatin di su banda 10 hit y a comete 0 error. Mihor bateadornan pa Aruba tabata Rajiv Cornelio, Kevin Simileer, Alvaro Rodriguez cada un a bay di 2 - 1, Eugene Helder 3 - 2, Andre Koolman y Ivo Vrolijk di 3 - 1. Pitcher ganador Alexander Lacle y perdedor Danilo Arias. Pues asina Aruba ta termina su participacion na e di ocho Serie di Caribe Little League 11 y 12 anja.
Finalmente nos ta gradici un biaha mas RBTT Bank pa sostene nos representantenan como tambe Radio1270 cu a transmiti esaki pa e pueblo di Aruba y ISHmedia cu a trece esaki via internet. Di parti di nos cu a cubri e partidonan nos ta gradici prensa di Aruba pa sostene nos durante e weganan.
asfs
said:
|
|||||||||||||||||||||||||
 |
Pabien Aruba cu di tres puesto.... Otro biaha bisa nan y MUSTRA nan boso lo bin RIBA nan.. Aruba ta marca nomber atrobe.. anto imagina bo un little league a hasie  .... |
wowo critico
said:
|
ami a sigui e weganan di nos heroenan y mi ta dunanan un pabien caluroso.cu un tiki mas suerte y mijor manejo den e wega crucial contra puerto rico,nos por a bira campeon.mi ta referi cu a tarda mucho pa cambia e pitcher habridor cu obviamente no tabata riba su mijor dia ytambe m'a haya falta dje weganan chikito di e.o. toque di bala.nos no tin cu lubida cu nos no tabatin mayan den e wega contra pto.rico.masha pabienna tur e otro teamnan di otro divishonnan cu tambe a representanos d ignamente.mi ta sigur cu pronto nos tambe lo bin cas bek cu e titulo mayor. |
I
said:
|
Ami tawata presente ey nan mes...Mi por bisa cu aruba a hasi un bon trabou y pabien pa tur cu ta pedro,eugene jr,andre,gerson,jenrich,emon,randy,kevin,ryan,alvaro,ra jiv,elgiomar,jofrenk y alexander.y tambe pabien pa e coach nan cu a traha duro cu e muchanan cu ta Eugene,Milton y Elvis.PABIEN mucha nan y coach nan |
Korsou
said:
|
Korsou a gana un bia mas hesoooo |
jukky
said:
|
pabien na nos bisiña nan cur,,,,,boso ta super bon,,,no tin duda di 8 bia no ta wega ,,,,na nos di aruba un chens .. pero tiki tiko nos ta subi ,,na di prome luga ,,,,,,,,,,,,,,,,,,,,,,,,,,pabien !!!!!!!!!!!!!!!!!!!!!!!!!!!!! |
asfs
said:
|
y loke mi ta sinti falta na e mucha nan aki na Aruba tanto como adulto... falta hopi MOTIVACION |
idelle orman
said:
|
Hopi danki pa a coopera cu mi persona (fotograaf di tur e potretnan for di Boneiro), cu Melvin Quilotte y Ivan Quandus pa a pone e cobertura den boso web-page. |
wowo critico
said:
|
shonnan no lubida cu aruba tambe ta campeon pa di 8 biaha consecutivo den e region di caribe.esey ta den landamento sincronisa.ban duna e muchanan aki tambe credito pa nan haznianan.paisnan grandi nan ta laga nan tras.na nos muchanan di synchro congrats.mi ta hooooopi orguyoso di boso! |
