| Campaña special pa bon studiantenan |
|
|
|
| Tuesday, 29 July 2008 - 14:00 | |||||
 Vakantie grandi ta andando y RBTT Bank actualmente ta dunando premio na studiante cu a haya un bon rapport pa e aña escolar 2007/2008. Diabierna dia 25 di juli a duna e premio maximo na e studiante Yeremi Henriquez cu a logra un averahe di 10 riba su rapport! Yeremi ta un studiante di Colegio EPI kende ta bay cuminsa cu su di tres aña despues di vakantie. Un pabien masha grandi ta bay na Yeremi di parti di gerencia di RBTT bank Aruba N.V. Riba e portret por mira Yeremi Henriquez hunto cu Julissa Croes-Helder (RBTT Branch Manager Main Street) y Salvi Lachansing (RBTT Customer Service Representative). Click read more pa mas detayes y imagen.
E campaña di studiante di RBTT Bank ta aplicabel pa studiantenan cu ta clientenan existente di RBTT y pa esnan cu bira cliente awor. E premio ta un suma efectivo cu ta depende di e averahe di e cinco mihor vaknan di e studiante. Pa haya e premio e studiante mester pasa cu su rapport na un di e oficinan di RBTT Bank. E representantenen di banco lo calcula e averahe y e suma corepondiente lo wordo deposita riba e cuenta di e studiante.
RBTT Bank a bin cu e iniciativa aki pa elogia tur studiante cu ta haci nan best na scol. Tin hopi muchanan cu ta haci un bon papel na scol y cu ta haya bon resultado. Pa stimula nos studiantenan un tiki mas ainda, RBTT Bank a bin cu e grandioso campaña aki. RBTT Bank den su aporte na comunidad ta kere den desarrollo di persona bon capacita y pesei e biaha aki ta duna un premio na tur studiante cu a haci nan best. Cu a campaña aki RBTT Bank ta ofrece nos studiantenan oportunidad pa por maneha nos mesun placa na un forma responsabel. Mester nota cu e campaña tambe ta aplicabel pa tur studiante cu ta biba den exterior y cu tin cuenta na RBTT Bank na Aruba. E studiantenan aki por manda nan cifranan via fax pa RBTT Bank na: +297-582-1756. Tambe mayornan na Aruba por entrega un copia di cifranan di studiante cu ta biba den exterior. Ta posibel pa entrega rapport te cu dia 15 di Augustus 2008, e ultimo dia di vakantie grandi. Un pabien ta bay na tur studiante di parti di RBTT Bank. 
J
said:
|
|||||
 |
ami no ta mind cu e tin nomber di guy, pero e chick ta hopi cute. mustra sweet y amable. can we arrange a date??? mita serio serio |
