| Caredanan di ruta resultado di 20 di juli |
|
|
|
| Thursday, 31 July 2008 - 00:00 | ||||||||||
 Diadomingo, 20 di juli 2008, Malmok tabata escenario di un excitante careda di roadbike, unda velocidad, astucia y stamina a combina pa resultadonan interesante. Tur e miho coredonan di roadbike tabata manda pedal riba e ruta desafiante di Bakval, malmok y boulevard, den un circuito di 6.2 kilometer. Coredonan di categoria Elite A a core 15 buelta, mientras Elite B a cubri 12 buelta. E otro categorianan, esta, Hubenil, Dama, Submaster y Master, a core 10 buelta cada uno. Click read more pa mas detayes y imagen.
Resultado di careda Roadbike:
Den e categoria di ELITE A, Gino Hodge a termina cu mesun tempo cu George Winterdal kendenan a cubri 93 kilometer den 2:36:53 di tempo, cual ta un speed averahe di 35.7 kilometer pa ora. A sigui Maximiliaan Irving cu tempo di 2:37:47. A completa e categoria, Andrick Fingal cu 2:49:58 y Franklin Gomez cu tempo di 2:50:02. Categoria ELITE B a core 74.4 kilometer total y un biaha mas Lucien Dirksz a sa di domina cu un tempo di 2:06:47 sigui pa Victor Vrolijk na di dos puesto cu tempo di 2:09:16. E premio pa di tres luga a bay pa Oscar Bislip cu e tempo di 2:16:29. A completa e categoria aki, Michael Roos (2:17:40) y Kevin Kock (2:22:46). Den CATEGORIA HUBENIL (62 km) cual ta e prospectonan ciclistico di Aruba, Adolfo Gomes a keda na prome lugar cu e tempo di 1:45:50. Na di dos lugar, djis su tras faltando 3 seconde solamente, tabata Alexander Robert cu e tempo di 1:45:53. A completa e podium triumfal na di tres luga, Axel Werleman cu 1:49:16. Mencion special ta bay pa Emre Esitmez cual a fula tera den e categoria mas halto aki pa prome biaha (out of comptetition), terminando den tempo di 2:03:49. E premiacion pa CATEGORIA DAMA a resulta den man di Veronica Posner cu e tempo di1:49:19, sigui pa Josmary Geerman na di dos lugar cu 1:57:27 y na tercer lugar a termina Doreen Kralick cu tempo di 1:57:28. CATEGORIA SUBMASTER tambe a core 62 kilometer y Fabio Sanchez un biaha mas a domina den e categoria aki cu tempo di 1:44:10 pa e prome puesto. Na di dos lugar riba e podium di ganado a aparece Ludwig Dirksz cu tempo di 1:51:06 sigui pa Ossy Tromp cu a termina e trayecto den exactamente dos ora (2:00:00). Den CATEGORIA DI MASTER, cual categoria por cierto a conoce un aumento significativo di participacion, e titulo di campeon a hiba nomber di Albert Raven cu un tremendo prestacion, marcando 1:44:15 pa e ruta di 62 kilometer. Na di dos luga a sigui su colega di ekipo Jan Hendrick Flanegin cu tempo di 1:49:16, dilanti di Rene Franken cu a conkista e di tres luga cu tempo di 1:59:04. A completa e categoria Mariano Figaroa (2:05:30), Jorge Croes (2:08:37), Dick Melchers (2:22:31) y Rupert Ammerlaan (2:28:36). Proximo careda di roadbike: E proximo evento di AWB pa loke ta roadbike ta planea pa dia 2 y 3 di augustus. Diasabra, 2 di augustus, 7:30 am, lo tin un Time Trial (cada coredo ta sali om de minuut), cu e salida dilanti Veld di Universal na Pos Chiquito y terminando dilanti Veld di Arsenal na Coba Lodo. Discripcion di Ruta: Veld di Arsenal - sigui direccion Balashi - Rooi Frances- bira drechi direccion Bringamosa - sigui direccion Jamanota - bira robes direccion Maria Maai - San Fuego - Picaron - pasa dilanti Urataka center - sigui direccion Cas Ariba - na crusada bira man drechi direccion Coba Lodo - sigui pa Catashi - bira robes (di e circuito grandi di Coba Lodo) direccion Sabanilla Abou - bira robes pa termina dilanti e veld di Arsenal na Coba Lodo. (Distancia total +/- 13KM.) Diadomingo, 3 di augustus, 7:30 am, lo tin un Careda di Ruta distancia largo (Circuito), cu e salida/finish tegenover Fishermen's Hut (mesun start cu e careda di 20 di juli). Discripcion di Circuito: Fishermen's Hut - L.G. Smith Boulevard (direccion Arashi) - bira drechi na Malmokweg - Tierra del Sol - Westpunt - Rooi Santo - Turibana te na e lus di trafico - bira drechi (nos lo wak e posibilidad di pasa den e parking lot di Rio Grandi) - sigui riba e caminda di Palm Beach te na Wendy's - bira man drechi direccion Marriott - termina e circuito bek dilanti Fishermen's Hut. (Distancia ta +/- 10KM pa buelta.) Elite A lo core 14 buelta; Elite B: 12 buelta; Master/Sub-master/Damas: 10 buelta; y Juvenil: 8 buelta. Pa mas informacion por tuma contacto cu AWB na This e-mail address is being protected from spam bots, you need JavaScript enabled to view it of na website: www.arubacycling.net .
|
||||||||||
