| Grupo di beursalen ta yega Hulanda |
|
|
|
| Thursday, 31 July 2008 - 00:00 | ||||||||||||||||
 E prome grupo di studiante a yega bon Hulanda. Cu vuelo di MartinAir un total di 117 studiante a yega Hulanda. Minister Plenipotenciario sr. Frido Croes y sra. Lourdes Croes-Figaroa a yama e studiantenan bon bini na momento cu nan a desborda e avion. Diparti di Departamento di Enseñansa Sra. Sheila Maduro a compaña e studiantenan durante e vuelo di Reina Beatrix pa Schiphol. Despues cu egrupo a pasa control di immigracion y douane tabata tin personal di Cas di Aruba, mentornan y miembronan di POC (Plaatselijke Opvang Commissie) cu a guia e studiantenan nan un zona apart den e sala di yegada di Schiphol. Click read more pa mas detayes y imagen.
Despues cu e grupo tabata completo nan e keda dirigi pafor di e terminal na e busnan cu tabata warda pa transporta nan pa Van der Valk Schiphol hotel. Akinan e studiantenan a haya un lunch y tabata tin personal di ABN AMRO pa yuda e studiantenan pa habri nan cuenta bancario.
Na e ocacion aki Minister Plenipotenciario sr. Frido Croes a hiba un discurso unda un biaha mas ela yama e studiantenan bon bini na Hulanda. E mandatario a enfoca den su discurso ariba e meta cu e studiantenan a bin cune Hulanda. Sr. Croes a bisa e studiantenan cu semper nan mester keda positivo y cu perseverancia nan lo logra nan meta. Ela bisa tambe cu e studiantenan mester realisa nan mes cu awor nan ta leu for di nan famia y amigonan y cu nan ta na un pais straño cu otro cultura y regla, pero cu esaki no mester inpedi nan den e meta pakico nan a bin Hulanda. Sr. Croes a haci un apelacion ariba e studiantenan pa nan tene contacto cu nan famia y amigonan na Aruba. E contacto cu Aruba ta importante, segun sr. Croes, pasobra un di e metanan tambe ta pa despues di nan estudio e hobennan regresa Aruba y contribui na desaroyo di nos Pais. Na mes momento Minister Plenipotenciario a bisa e studiantenan pa sea un bon cuidadano aki na Hulanda pa asina contribui na mantene e bon nomber di nos Arubianonan na Hulanda na halto. Finalmente e mandatario a desea e studiantenan tur clase di exito cu nan estudio pa despues oficialmente presenta e foyeto “Nederlanders en hun gewoonte: Nou breekt mijn klomp” na e grupo di studiante nobo. Despues e grupo di studiante a subi bus cu a hiba nan na nan cuidad di estudio. Awe e studiantenan lo cuminsa cu e programa di “opvang” obligatorio y cu lo dura tres dia.
Studiante
said:
|
||||||||||||||||
 |
Muchanan boso wak boso mentor bon pasobra esaki ta un di e tiki biaha nan cu lo bo wak of tende di dje!!! |
xj
said:
|
boso haci boso best pa hiba aruba dilanti.....!!! pa un meta boso ta bai caba cu boso studie mas lihe possibel succes... |
jessy
said:
|
bon bisa |
Ami mes
said:
|
Exito muchanan pa boso futuro no give uo facil bida ta duro peroooo boso futuro ta den boso man Ariba aribaaa |
Moesa
said:
|
Haci bon uzo di e oportunidad pa studia aki, cu disiplina i perseverancia....bo ta logra... |
