| Fin di siman decisivo pa ranking di roadbike |
|
|
|
| Friday, 01 August 2008 - 00:00 | |||||||||||||||||||||||
 Diasabra y diadomingo awor, 2 y 3 di augustus 2008, lo tin dos careda di road bike yen di velocidad den un berdadero espectaculo ciclisticco pa fanaticada. Awor cu e rankings nacional ta hayando su forma final, ambos di e caredanan aki ta bira crucial mirando cu dependiendo di nan prestacion ainda por tin cambio riba e lista di top coredonan den e diferente categorianan. Click read more pa mas detayes y imagen.TIME TRIAL DIASABRA: Diasabra awor 2 di augustus, for di dilanti di e veld di Universal na Pos Chikito, cuminsando pa 7:30 di mainta, cada coredo ta sali cada pasa un minuut. Coriendo asina contra holoshi, cada ciclistta ta sigui direccion Balashi - Rooi Frances- bira drechi direccion Bringamosa - sigui direccion Jamanota - bira robes direccion Maria Maai - San Fuego - Picaron - pasa dilanti Urataka center - sigui direccion Cas Ariba - na crusada bira man drechi direccion Coba Lodo - sigui pa Catashi - bira robes (di e circuito grandi di Coba Lodo) direccion Sabanilla Abou - bira robes pa termina dilanti e veld di Arsenal na Pos Chikito bek. E circuito ta aproximadamente 13 kilometer. CAREDA DI 140 KILOMETER DIADOMINGO: Diadomingo 3 di augustus lo test e condicion fisico pa stamina y perseverancia cu un careda di 140 kilometer rond nos isla. Cuminsando 7:30 di mainta, coredonan ta sali for di dilanti di Fishermen’s Hut na Malmok. For di eynan e top ciclistanan di roadbike ta bay riba L.G. Smith Boulevard (direccion Arashi) - bira drechi na Malmokweg - Tierra del Sol - Westpunt - Rooi Santo - Turibana te na e lus di trafico - bira drechi (nos lo wak e posibilidad di pasa den e parking lot di Rio Grandi) - sigui riba e caminda di Palm Beach te na Wendy's - bira man drechi direccion Marriott - termina e circuito bek dilanti Fishermen's Hut. Cada buelta ta aproximadamente 10 kilometer y Categoria Elite A lo core 14 buelta, Elite B 12 Buelta, Hubenil 8 buelta, mientras e categorianan di Dama, Sub-Master y Master, tur lo core 10 buelta. INVITACION PA FANATICADA: Ta invita tur fanatico y amante di e deporte di ciclismo pa experiencia e excitante caredanan e fin di siman aki. Lo tin amplio luga di staciona a lo largo di e rutanan pa asina por mira e careda como tambe apoya nan ciclista faborito. E ambiente di famia lo ser anima naturalmente pa e crew di AWB, guia pa oficialnan manera e.o. Gilbert Dijkhoff y Juelle Thode, Nick Erasmus y bou mando di Presidente di AWB, Mervin Thiel, un tropa di voluntarionan manera Shannon Lewis, Reynaldo Mackintosh y otro voluntarionan lo vigila pa e careda aki tambe bira un happening ciclistico atrobe. E flota di AWB den su totalidad ta warda publico en general pa bin mira un tremendo careda di ciclismo e fin di siman aki. Pa mas informacion por tuma contacto cu AWB na email: This e-mail address is being protected from spam bots, you need JavaScript enabled to view it of bishita webpage: www.arubacycling.net pa e detayenan mas recien.
una fanatica
said:
|
|||||||||||||||||||||||
 |
BOSO SIGUI ASINA E DEPORTE AKI TA UNO HOPI DUSHI. PABIEN AXEL!!!!! |
