Como pagador di awa y coriente mi kier a pone mi comentario. Mi a compronde cu tur loke e gobierno kier hasi ta pone e dos companianan bow di un solo compania pa asina baha gastonan cu nan ta kere cu ta afecta e prijs di awa y coriente pa e pueblo. Ta mas cu claro cu nan no lo por deshaci di ningun empleado sin un acuerodo of si mester un sentencia di Juez. Gobierno ta e aandeel houder prinicpal den e dos empresanan aki cu e meta pa nan hanja nan dividentnan paga ora cu tin ganashi. Tur esaki, segun mi ta masha normal den cualkier N.V. Awo mi pregunta ta unda e sindicato ta fit den e asunto aki pa bai asina leu di menasa nos/ami cu ta paga pa e servicio cu accion?

Mas aleu mi a lesa di varios comunicado di varios partido politico cu nan ta urgi gobierno pa baha awa y coriente y pa bin cu un solucion rapido paso di berdad e productonan aki a bira impagabel. Dicon awor nan no ta apoya e iniciativa di gobierno pa hasi algo cu lo alivia e peso di for di e pueblo? Dicon awor diripiente mester bisa cu ta pa bai cu e reservanan gobierno ta bin cu e plan aki? Con nan sa esey, si ainda a ni papia con e cambionan lo ta bai ta den e statuutnan? Mr. Andin Bikker a splica con e dos empresanan aki ta genera miyones na ganashi door di hunga e wega di double profit cu e pueblo, y esaki ta berdad. WEB ta bende Elmar y Elmar ta bende e pueblo. Tur dos ta gana toch?

Awor mi kier sa algo. Kico ami pagador di awa y coriente a hasi e sindicatonan cu awe mi mester biba den trauma si ta bai kita coriente y awa pa pone Aruba plat. Ami no ta ni MEP ni AVP den e caso aki. Mi ta un bon pagador pa mas di 30 anja caba y nunca a corta of mishi cu e meternan na mi cas. Dicon awe mi mester ta e victima di un sindicato cu no tin e pasenshi pa mira e proposicionan promer cu canta guerra. Acaso ta asina bon nan ta wordo trata cu te hasta e pueblo no ta bal mas pa nan. Spera cu e sinidcatonan por contesta mi, y no e gritonan di politica pober y bashi. Danki 24ora pa e espacio. God Bless U All.

Loke SIWA por y mester bisa ta cu si Gobierno kier cambia e stautanan segun corporate Governance mester duna SIWA of otro commishon di trahado mas inzegging den beleid pa cu trahadornan y di e compnai en general. Na Hulanda nan conoce un COR cu por ehempel segun ley mag di 'benoem' un tercera parti di e commisarionan di e compania. Pa asina tin balanca segun corporate governance. E miedo di tur hende ta (terecht) cu gobierno kier bai abusa y pone e compania den desbalanca. Y no ta e gobierno aki so pero tur esunan den futuro.
Saludos,

AC

Hopi great mes cu nan ta uni... ban spera cu den nan reunion e trahadornan di ELMAR lo pidi un INVESTIGASHON di NAN placa di pensioen, kende ta handle e, kende por mishi cu ne y UNDA E TA. Director, cu ta heer en meester den e compania, pero aparentemente tambe den e pensioenfonds.... ken ta controla esaki?

Ta kiko e hendenan aki kier, ah?
Nan entre esnan mihor paga na Aruba, siendo companianan 100% di gobierno!!
Si bo compara e salarionan di e hendenan aki cu esnan di ambtenaarnan, bo no sa si ta yora bo tin cu yora of hari bo tin cu hari. Ta ridic*lo cierto salario pa cierto trabounan. Mester bin un analyse di e structura di salario den tur e NV-nan di gobierno, pa llega na un nivelacion. Esaki mester bay al estilo di FUNCTIEWAARDERING hasi door di un instituto Hulandes (pa no c*lpa ningun hende di ta partidario) pa evalua cada functie y cuanto e trabou ey bal pa wordy paga! Asina nos por llega na salarionan justo y realistico cu ta cuadra cu e resto di nos comunidad!

Si e hendenan aki mester strike sin tin conflicto laboral: E paso contra nan ta simpel: ONTSLAG OP STAANDE VOET!

ELMAR CU WEB bai hoga....e empleyado-nan ei ta gana mucho placa..dia e ambternaar-nan a strike pa 1 florin extra extra pa luna...tur e sindicatonan di elmar cu web tabata bo zeur pa sinta na mesa papia...dus KVK,ELMAR, i tur e otro comerciante-nan ladron bai flikker op...

Pero bon !!! Ta kiko freddy rafini tata kere cu e ta DOño di ELMAR. 8 0 MIL florin pa luna i pa colmo no ta PAGA ni AWA, TELEFOON , ni gasoline y NI CORIENTE at all. Abuso. Pa colmo CAMRY di COmpania tambe. E sindicato nan di ambos compania ta APOYA e director nan aki paso cu un djies nan mester cuminsa negocia CAO nobo. Y si nan defende e directornan aki nan lo haja 13 de y 14 de maand tambe. UNDA E PLACA DI GANASHI DI AMBOS COMPANIA A BAY OF TA. Pasobra WEB a fia placa pa cumpra boilernan nobo

Bon pagado !!!! E sindicato nan MESTER DEFENDE e dos Director nan aki PASOBRA E NEGOSACION DI UN CAO NOBO TA NA CAMINDA. Ban waak kiko nan ta bay haja awor si ta 13de y 14de maand. Y na coby !!! bay misa pa REZA pa e abuso cu bo a comete. Ba hera bay un biaha caba

Un secretaria 15.000 un Kasier 6.000 unda nos ta bay. No pone mi sigui

Ami ta kere y ta casi sigur cu gobierno kier cambia e statutonan, pa por coy e placa di reserva ki ora e haya ta bon. Pero no ta splica kiko ta bai hasi cu e placa di berdad. Si ta berdad ta pa crea un pot/fondo social, mi kier sa con ta bai midi ta ken ta cai den e fondo social aki? Segun ami ta full Aruba mester cai den dj'e of atrobe ta e mihonan para den e schaal lo mester paga pa esun menos miho para? Of ta esnan liga na cierto partidonan politico so lo cai den e fondo social? RARARA!!!

Mi ta kere cu TUR partido envolvi mester sinta na mesa y transmiti via e canalnan local di TV pa henter pueblo tende y wak ktk di berdad, anto laga PUEBLO disidi y no gobierno, sinidcato, gremionan, oposicion etc. cu ta bai wak nan beneficio y no esun di e PUEBLO cu ta MURIENDO cu tur e recibonan pa paga!!!

Mi ta kere cu SIWA mester bay tambe cerca e directornan y pa asina baha awa y coriente. E ta impagabel aki na Aruba. Ami ta haci di mi banda pa spaar y sigui tur e consehonany ideanan cu nan ta trece dilanti, pero toch e ta keda hopi halto. Mi sa cu prijs di petroleo ta subi, pero canchale ya caba cu Lacle y Rafini ta kere cu nan ta donjo, nan bin cu un otro alternativa tambe anto. Y SIWA cu mi tin un presentimiento cu nan ta purba di defende e directornan( kizas nan tin miedo di algo), lo mester sinta tambe cu e directornan pa asina bin cu un solucion, Of e board di SIWA no ta paga awa ni coriente?

sinja ta responsabel y stoi hasi cos di hende cabes patras... bo ta biba dushi

@Yes, abo ta un tipico ja-knikker di AVP. WEB mes tin e statuut nan ey cambia di basta tempo caba. Mayoria di empresa di GOBIERNO (LESA PUEBLO) tin a e statuut nan den tal forma cu TIN CONTROL ariba e placa cu ta drenta, wordo inverti, paga na empleado y gespaar na dicho empresanan. Pakiko no kier bay pa energia alternativo? Pakiko no kier baha brandstofclausule? Pakiko no kier hisa e schakelnan di tarifanan? PAKIKO NO KIER CONTROL? Corda cu hunta di comisario ta controla y NO dirigi un compania, esey ta den man di directiva. DI CON e directiva kier pa nan compania cu ta DI PUEBLO genera MIYONES cu e MESUN PLACA di PUEBLO, mientras cu ta SERVICIO na PUEBLO ta nan prioridad?