| AVP ta orgainsa Science Fair Think Green |
|
|
|
| Tuesday, 05 August 2008 - 10:00 | |||||||||||||||||||||||||||||||||||||||||||||||
 Den fin di siman e lider di AVP, mr. Mike Eman a instala un grupo di trabao cu ta bay organisa un science fair bao di hobennan escolar di nivel basico y secundario. E projectonan cu lo competi den e science fair lo mester ta di e generonan di energia alternativa y mantencion y cuido di nos medio ambiente. E tema como tal lo ta “think green”. Eman a duna un introduccion di e motibo cu AVP a tuma e iniciativa. E idea ta pa stimula e participacion di nos hobennan den pensa riba e rumbo nobo cu Aruba tin cu tuma. Click read more pa mas detayes y imagen.
E molina di biento na Cas di
Partido y atencion di AVP pa e tema aki a haya hopi atencion y interes
bao di hobennan. Esaki ta algo cu nos mester stimula, Mike Eman a bisa
entusiasma, pesey e iniciativa aki.
Como coordinador di e comision di ehecucion y planeacion di e Science Fair a keda apunta mr. Desiree Vermeulen-Croes. Como docente na Julianaschool Desiree tin hopi anja di experiencia den organisacion di science fair y lo wordo sosteni pa e.o. Luanne Eman cu ta un studiante na IPA. E science fair, “Think Green” lo tin su propio website cu ta worde traha dor di e hoben experto Arubano, Dwayne Heronimo. E “housestyle” grafico pa e evento lo worde diseña pa otro experto hoben local, Calvijn Maduro. E sosten artistico musical lo worde ehecuta dor di ganador di Sparkling Tour 2007, Humphrey Obispa. E comsion di preparacion di “Think Green” ta worde asesora tambe pa un studiante talentoso di EPI riba energia alternativa, Juan Pablo Romero. E por conta cu e sosten y experticio di Roland Romero cu ta un ingeniero technico y Ramon Garcia cu ta un exponente conosi di e.o. energia di biento na Aruba. Chris Brawley, cu ta un studiante di medicina na Aruba, hunto cu un hoben activo, Brandon Flanders lo sostene e organisacion ariba diferente nivel. E plan di campanja completo di e science fair ta den man di otro talento energico, Armando Villasmil. E organisacion lo conta cu e sosten logistico di John Hassell cu ta un technico y un experto den logistica. Lider di partido, mr. Mike Eman, parlamentarionan Benny Sevinger y Mike de Meza, drs. Rene Herde, Norman Roos y otro candidatonan di partido lo sostene e organisacion cu conseho y duna respaldo inspirativo cu e prioridad cu AVP ta duna e tema di energia alternativa. Tanto drs. Richard Arends di FESCA y drs. Paul Croes di Fundacion Digna Lacle-Herrera a segura nan apoyo pa e stimulacion intelectual y participativo aki pa nos hobennan. E fecha projecta pa e science fair “think green” ta den luna di October. E comision organisador dentro di corto lo presenta e descripcion cu cual e projectonan cu ta competi lo mester cumpli cune y premionan cu lo duna na e hobennan ganador den un serie di categoria. Lider di AVP, mr. Mike Eman a bisa di ta hopi contento cu tur e talentonan hoben cu lo juda den e organisacion y cu no unicamente e “science fair” riba su mes, pero henter e periodo preparativo lo tin un enfoke halto riba e vision nobo aki cu Aruba lo mester encamina. Aruba tin talentonan grandi cu mester worde inspira y anima pa entusiasma nan mes cu nos futuro. Esaki ta un responsabilidad importante cu nos ta sinti como generacion nobo den politica, e lider AVP, Mike Eman a enfatisa. 
asfs
said:
|
|||||||||||||||||||||||||||||||||||||||||||||||
 |
Bon pensa... y no solamente studiante... sino TUR HENDE na Aruba mester cuminsa hasi algo... paso Aruba ta birando mescos China.... dia pa dia Aruba mes ta kibrando su NATURALESA... anto si cos sigui asina... resultado: turismo ABOU y un isla horna .... esey ta pasando  Tips: planta mata tanto den boso cura tanto como nos naturalesa... |
UN POBER
said:
|
ta kiko nan ta bay planea awor. Plan desaroyo san nicolaas ta cla y awo """ Who's Next """ |
Nostradamus
said:
|
Tanto Bal.  Awa cu coriente ta subi tog, pabien awor cu brandstofclausule ta 38.55.Tin hopi alternativa pero tur ta caro tog. Nostradamus.  |
asfs
said:
|
si bosnan planta un pipita di mango den e naturalesa pronto lo nos mira tanto mata di mango mescos cu ba ta wak mata di kwihi  ... of Otro fruta...(cos pa come) |
Bito
said:
|
Humprhy...........bo ta bula bo bentana y bai cas di partido ...hahahahahahahahaha....laga benny kilowatts juda boso!apocas palabra! |
wowo critico
said:
|
y e circo ta sigui.djis wak e nomber........think green.mijor nan a pone think avp.what's next? |
Aruba Ariba
said:
|
Locual cu mi ta ripara cu tin hopi hende cu no ta buska pa sa mas info y ta papia nonsense. Energia alternativa ta pa YUDA baha bo gasto. Wak CNN of BBC y lo bo por hanja sa mas. Bai na e site aki www.pickensplan.com y lesa kico tin aki para. Nos mester cuminsa na buska informacion paso gobierno no ta bai bisa pueblo loke nan mester sa. E molina di biento installa na bo cas lo yudabo baha bo gasto. Pakico na Boneiro si nan a ripara un rebaho di mas o menos 30 prociento door di e molinanan cu nan tin installa? Aki na Aruba nos ta sinta bringa cu otro anto tempo ta bai laga nos. |
Aruba Ariba
said:
|
Mi ta contento cu sikiera un partido ta cuminsa cu algo mientras e otronan ta keda drumi y lepia. Sinta critica so pero haci nada. Mi tambe lo duna mi aporte na e iniciativa aki. |
Corocorodigai
said:
|
Stranjo ta con AVP a para defende Elmar y critica gobierno pa loke ta trata bahamento di prijs. Mike Eman, No bisa appel ora gobiero bisa peer y ora gobierno bisa appel, abo ta cambi'e pa peer. Bo no ta geloofwaardig. Mike mihor bo baha, prome cu bo zink AVP. Laga Otmar bira lider, e tin mas cohon cu bo. Y ainda e sa trece algun sence dilanti. Pero Mike tanten cu abo ta lider di AVP, AVP ta cay. Tristo, pero e ta e berdad. |
Presidente
said:
|
Aruba Ariba: Lesa comments di corocordiguy. Y ta berdad, Miek NO KIER PA BAHA PRIJS DI CORIENTE!!!!! Mi tin un sospecho cu AVP tin un amigo( Charli choplin kizas) cu lo kier bay gana placa ariba lomba di pueblo, anto pesey kier bay pone pa tur hende cumpra molina di biento for di e compania ey. Zona hopi conoci den e caso di landslab, na unda cu ta permiti un ambtenaar tuma decision na nomber di pueblo pa un compania cu e mes ta donjo. Asina nan ta laga Elmar "bloeddood", es cu lo por cierto ta zona estilo di Air Aruba. Laga Air Aruba bay failliet pa bende despues cu un amigo Klein, Pero e deal no a bay door. Henny mester por corda den su auto e deal eynan. Mi por hasta bet placa ariba dje, cu esey ta e triki. Uza mucha pa asina nan por voer uit nan planesnan pa yuda nan amigitonan. Y naturalmente nan mester di activistanan defendenan pa asina nan por despues bay ariba yate y come shrimps y nan por keda na canto wak con pueblo ta caba cu nan |
asfs
said:
|
oh wowo critico//// Y VOORAL corocordiguy, bo tin tur rason!!!!!!!!!!!!!!!!!!! |
asfs
said:
|
pober cu e partido AVP tin EGOISMO so den nan plan... wak con manipulador nan ta |
Condorito
said:
|
haha, corocorgai a dal e clabo ariba su cabez. Mas claro no canta el gayo. Mike baha prome cu bo sink avp. |
Hellraiser
said:
|
Corocorodigai a duna un bon punto eynan. Mike ta e desgracia di AVP. Mi ta kere cu enberdad Otmar ta haci un mihor papel cu Mike. Otmar ta demonstra toch un tiki mas liderasco y ta parce mas cu hende ta scucha di Otmar mas cu nan ta scucha di Mike. Y Otmar no ta den friends and family manera Mike Eman ta , Den e Emanan ta nan so ta manda y e resto mester keda keto cu un chupaberde. |
Turtle
said:
|
I don't like Mike.Don know why, but he ain't fair looking. Always smilling, like he is hiding something. Just to go with the comments. I think Otmar is better. Too bad that Richard Visser is gone. I had a nice talk to him, he was cool. |
Poison1
said:
|
Mi ta spera boso vota otmar anto |
Turtle
said:
|
Poison, I might have voted for Otmar, but it is the atitude of the other people that ain't right. Mike needs Otmar. Without Otmar AVP ain't nothing.I am just desapointed in teh comments that people of the AVP give. On the radio, on here, newspapers, tv, you know what i mean. There is always missing something. Dunno.In 2005 was the first time i voted, I voted for Richard Visser, but he is gone. That was too bad. |
Hellraiser
said:
|
Spera cu e muchanan aki tin un tiki mas celebro cu Maestro den Robo(MR). Mike Eman. Y ta pike cu e ta laga e muchanan aki haci tur tipo di estudio cu despues toch ta bay ta invano, pasobra ta EMAN ta bay dicidi. |
Presidente
said:
|
Poison:: hahaha, laga mi corda algo un rato. Ta kiko ta atrobe loke cu votadornan di AVP ta bisa?? aya, Mi vota pa Otmar ta mescos cu mi a vota pa Mike. Otmar ta mihor cu MIke, pero e partido berde, mi no ta vota. Si Otmar a lanta su mesun partido, kizas. Aunke e no por haci esey, pasobra AVP tin e menasa( FDNSN). Emannan tin e den un skina y nan a logra mar'e cu menasa. Maske cu si su "primo" subi ariba lista mes, e no por laga AVP, pasobra sino nan ta basha bao ariba dje. Ban wak si Otmar ta bay tey den e proximo eleccion of si ta su primo lo bay na su lugar. |
Asfs...Stima tur hende... sa caba Badness outta Style!!!
said:
|
no ta paso e ta berde e tin cu vota pe... HAMAS!! |
Corocorodigai
said:
|
Vota pa Otmar?? Mi ta kere cu ni si e ta e unico politico, ami lo vota p'e. E por ta un bon lider pa AVP, pero ta e partido ey di su mes no ta sirbi. Solamente si Otmar bay ariba un otro lista. |
MR.black
said:
|
ta berde ta manda |
