| Washington Taekwondo Center a sobresali |
|
|
|
| Tuesday, 05 August 2008 - 11:00 | |||||||
 E scol di Washington Taekwondo Center a keda masha contento cu e resultado di e competencia Internacional di Diadomingo ultimo. Washington Taekwondo Center a logra di score formalmente y a gana e trofeo di “ BEST TEAM y BEST FEMALE FIGHTER”. Tambe loque ta trata e competencia entre e diferente scolnan di Taekwondo local y internacional, e alumno nan di Washington Taekwondo Center a destaca y a logra 4 promer lugar. E dos alumnonan di mas jong di Washington Taekwondo Center a competi contra otro un jama Aishwar Kelly e otro jama Jahvaughn Everon. Click read more pa mas detayes y imagen.
Aishwar Kelly a resulta e ganador. E alumno Jose Baez a logra gana promer lugar contra di Shen Cao, tambe di Washington Taekwondo Center. E alumno Luis Miguel Ceballos a gana dos competencia uno contra e competidor di Corsow cu ta Oscama Alyamoor y ela gana contra competidor di St.Maarten cu jama Shawn Henry. E alumna Giandra Bergen a gana contra Fillete Halley di Tiger Taekwondo Academy. Door cu e alumna Giandra Bergen a sobresali den e competencia, ela ricibi e trofeo di “Best Female Fighter”, cual tabata bon mereci.
E demás alumno nan di Washington Taekwondo Center cu logra segundo lugar y a ricibi medalla di plata y nan ta e alumno Jahvaughn Everon, Shen Cao, Anthallene Maduro, Rainier Wouter, Sebastian Borgia, Chris Vrolijk y Angelo Camara. En general e alumno nan di Washington Taekwondo Center a haci un tremendo papel y casi logra gana e trofeo di “BEST MALE FIGHTER”. Según e referee nan ta pa motivo di técnica e alumno Washington a sali di cu desventaha. E instructor nan di Washington Taekwondo Center Master Rey Kelly y Kyobonim Castro Perez, a keda naturalmente hopi satisfecho y masha orgulloso di e alumno nan cu a logra un tremendo prestacion.
|
|||||||
