| Cambionan nobo ta haci un impresion duradero |
|
|
|
| Wednesday, 06 August 2008 - 00:00 | ||||||||||||||||||||||
 E cambio oficial di bandera pa Westin Aruba Resort mas o menos 18 luna pasa a trece un transformacion extraordinario pa sincroniza e propiedad y asina duna huespetnan un experiencia di vakantie refrescante y energizante. Cada toke ta traha hunto—for di e Bonbini di Sentido consistiendo di holornan suave, musica signatura, matanan calmante, y luznan atmosferico, pa e experiencia di Heavenly Bed unda huespetnan por rehubenece den serenidad luhoso. Click read more pa mas detayes y imagen.
E tokenan special ofreci pa Westin pa yuda huespetnan restora e curpa, expande e mente, y eleva e spirito awo ta traduci tambe den e experiencianan di asociadonan, cu un transformacion increibel tras di e scenario cu ta tumando luga pa energiza y inspira asociadonan di Westin Aruba Resort.
For di e momento cu nan yega den nan liña nobo di uniformnan expertamente y perfectamente traha, un ambiente inspiracional ta warda nan. E entrada pa asociado a wordo recrea cu matanan tropical, tononan di colornan calmante, como tambe dichonan motivacional y consehonan stimulante. E ex-Departamento di Recursonan Humano awo ta conoci como e Talent Resources & Development Center, unda asociadonan ta disfruta di un cultura cu ta promove siñamento, crecemento y exito, cu beneficionan, entrenamento y bentahanan excepcional pa provee e base pa un experiencia fresco di trabou. Un centro di entrenamento y desaroyo, cu un ambiente inspiracional y e oportunidad pa mehora habilidadnan den e arena di hospitalidad, cu dos ehecutivo dedica na orienta, 'renoba' y 'refresca' asociadonan riba un base continuo, ta bou desaroyo. "Cushina di Maria," nombra pa un asociado hopi stima cu tin hopi aña ta traha den e cafetaria di empleado, a wordo mehora pa duna asociadonan un ambiente dushi y relahante, completo cu un stoel di masashi y computernan cu acceso na internet durante nan breaknan. Escohencianan saludabel riba e menu awo ta parti di e opcionnan diario den e cafetaria di asociado, como tambe e promocion di opcionnan cu tin poco salo y poco vet. "Swap Talk," ta un iniciativa nobo conduci pa Gerente General Matt Balcik, unda reunionnan periodico ta wordo teni pa inclui un combinacion di 15 asociado veterano y asociado nobo. E asociadonan aki ta ofrece feedback di nan ambiente diario di trabou pa yuda mehora tanto e experiencianan di huespetnan como esunnan di asociadonan na e hotel. Un variedad di programa di incentivo y premio pa asociado tambe ta existi. E Service Legend of the Month ta un version excitante di e premionan bieu di empleado di luna. Asociadonan nomina ta exemplifica e balornan central cu ta wordo reconoci pa Westin, incluyendo e acto di provee tokenan personal y servicionan personaliza pa 'sorprende y deleita' cada huespet, proactivamente anticipando e necesidadnan di e huespetnan y lagando nan sinti nan mes special, y reconociendo e tokenan special ofreci pa Westin pa yuda huespetnan restora e curpa, expande e mente, y eleva e spirito pa asina nan laga e hotel no solamente descansa, pero tambe renoba y enrikeci. Durante un recepcion di lunch den e ballroom, tur asociado ta ser invita pa un lunch gourmet y e oportunidad pa comparti den e logronan di nan coleganan nomina y duna pabien na e ganadornan. E lunch den ballroom tambe ta unda e "Starfish Program" nobo ta tuma luga, unda asociadonan y gerentenan ta wordo premia cu un certificado di Starfish otorga pa gerencia y coleganan, como premio pa a exhibi e balornan central di Westin, como tambe door di comentarionan di huespetnan. Un spin riba e wiel di premio ta wordo duna pa cada certificado cu e asociadonan ta ricibi, unda cu e asociadonan por gana un variedad di premio, for di gift certificate y voucher pa gasolin, di cash pa viahenan excitante. Ainda tin hopi iniciativa exhilirante na caminda, incluyendo un gym dedica na asociadonan y nan fitness, como tambe programanan pa mehoracion di estilo di bida y oportunidadnan pa ta envolvi den proyectonan comunitario y caritativo manera e limpieza di playa cu a wordo teni na juni, y e iniciativa pa bienestar di bestianan unda cu hopi asociado di Westin riba un base boluntario a verf e Aruba Animal Shelter siman pasa. Un evento caritativo conoci como e "Jungle Dinner Dance" ta na caminda y lo wordo teni den Westin Aruba Resort su Grand Palm Beach Ballroom, programa pa dia 24 di October, pa sostene Animal Rights Aruba. Tur e cambionan y adisionnan excitante aki ta harmoniza hunto pa positivamente impacta e experiencia completo di huespetnan di Westin, como tambe e asociadonan y nos comunidad.
dendenchi
said:
|
||||||||||||||||||||||
 |
Hopi bon iniciativa, asina bo ta crea gran trahador nan, nan lo cuida bo cas (hoteL) mescos cu ta nan cas. Algo asina Marriot tambe tin. Awor falta tambe pa Westin bira tambe un sorto di sponser na Universidad mescos cu Marriot. Caminda nos studiantenan ta studia i tin chance di practica tambe. |
asfs
said:
|
sabor di aruba |
