| Caluroso bonbini pa Aruba na Beijing |
|
|
|
| Thursday, 07 August 2008 - 00:02 | ||||||||||||||||||||||||||||||||||||||||||||||||||||||||||||||||||||
 E delegación Arubano a hasi su entrada oficial den e Villa Olimpico na Beijing, China, cu un ceremonia solemne riba e Plaza Internacional di Banderanan. E Alcalde di e Villa a expresa cu pa Beijing y e Comité Organizador, presencia di delegacionnan di 205 pais di tur parti di mundo ta representa e unión di humanidad, na ocasión di e evento deportivo mas grandi di mundo. E Ceremonia di Bonbini ta un momento masha special pa cualquier delegación durante e Weganan Olimpico. Click read more pa mas detayes y imagen.
Den presencia di autoridadnan di e país organizador, invitadonan special y naturalmente integrantenan di e delegacion, e participantenan di cada país ta sinti nan mes berdaderamente “bonbini” den e país anfitrión. Aruba a comparti su Ceremonia di Bonbini hunto cu delegacionnan di Paraguay, Cuba y Tuvalu riba diaranson atardi. E tononan di “Aruba Dushi Tera” a resona na Beijing, mientras cu e bandera di nos país a wordo hisa orguyosamente pa militarnan Chines. Encabezando e delegación Arubano ta Hefe di Mision, Ling Wong, cu a entrega un regalo specialmente traha na e Alcalde di e Villa den nomber di e delegación di nos pais. E Alcalde na su turno a entrega un bunita obra, traha na man pa artistanan Chines, na nos delegación.
E ceremonia a wordo presencia pa diferente huésped di nos país, cu ta di bishita na Beijing: e rumannan Desiree y Shokyan Hoo, y e grupo di Lucas Croes y su 4 amigonan a biaha pa China na ocasión di e Weganan Olimpico y a disfruta di e ceremonia special na honor di nos delegación. Invitadonan special di e delegación Arubano tabata representantenan di Embahada di Reino Hulandes na Beijing, encabeza pa Embahador interino, sr. Gerard Schreers. Riba e portretnan por mira algún momento di e Ceremonia di Bonbini pa e delegación Arubano, cu a tuma lugar diaranson atardi den e Villa Olimpico na Beijing.
Hulanda
said:
|
||||||||||||||||||||||||||||||||||||||||||||||||||||||||||||||||||||
 |
Un palabra di exito na e deportistanan cu ta bai representa nos dushi Isla. Boso hasi boso best y pidi dios pa duna boso guia y forza pa asina trece un premio pa nos. |
Solo ta sali pa tur....
said:
|
...eh eh,kiko e deportistanan di Aruba tin bisti? Importante ta nan laga nomber di Aruba resona ayanan. Door di e panja ja nan a perde punten. haha. Tur cos bon y disfruta di boso estadia. Exito y propaganda nos Aruba.  |
kitin
said:
|
Ta unda e hendenan aki a kere nan ta bai CARNAVAL, sjonan ela pasa caba. Awor ban mira cu boso saca cara pa Aruba. Pasa bon vacantie |
DRIR
said:
|
Un opbouwende kritiek: kom nou.. ningun hende echt no por a zorg pa un mihor panja... kom nou... parce carnaval berdad... tssss. |
gayo pinto
said:
|
Hopi exito na nos atletanan y na e mesun caranan cu semper ta companjanan (hopi biaha tin mas delegado cu atleta): goza hopi cu placa di pueblo... Boso mes lo no por paga nunca pa un vakantie asina. |
simple
said:
|
aruba nan a bai representa of colombia ku e tipiko panja ey???? wel wel arubiano nan lanta ariba............. |
BD
said:
|
Asina nos cunukero di antes tabata bisti? Of ta manera "spanta paharo" nan a bisti? |
asfs
said:
|
berguensa om... boso no sa cu ta asina e cunukero nan tabata bisti tempo nan aya??? tsss nada ta drechi na boso bista,, |
Buchi Juan
said:
|
nan panja ta leuk. |
asfs
said:
|
no... e panja nan ta UNICO... ami si ta Aprecie!!!!! |
Appel
said:
|
Ami tambe ta haja e panjanan masha bon,Shonnan ta locual cu tin den e panja ta bal,si ta corra cu blanco eta,eynan eta demostra,PAZ Y AMOR y pa esunnan cu ta critica,otro biaha anan mes,bai cumpra panja pa e delegacion, of no??? |
Punto di bista di un Rubiano mes.IMAGINA BO!!!
said:
|
Echt Rubiano nan...Nada no ta bon nunka....Como un Rubiano ta hopi notabel cu e unico cos cu mayoria di ARUBIANONAN ta hasi ta KRITIKA, hasi REDO ( biba hende su bida) , bebe y keha cu no tin sen, siendo tur concierto nan por bay si of sinta den bar bebe... Stop di kritika y apoya nos hende nan..E ta asina erg cu asina Aruba su hende nan ta conosi pe. Arubiano nan ta bebedo, gusta hasi redo y ta gusta kritika tur cos y par di cos mas cu no ta netjes pa bisa..Aparentemente ta esey ta e unico cos cu nos Rubiano nan sa di hasi tambe.. Y ora hende kier trese cambio==> Ataaaa==> kritiek atrobe......Dus please ban stop di kritika y punta dede y hasi cos cu bo no kier nan hasi cu bo...Hasi algo mas drechi bv. educa bo mes, studia, reza na Dios pa juda nos y nos famia nan..Y btw e panja ta masha bon. Si un persona no ta gusta otro biaha nan mes por trese ideanan padilanti di antemano..... |
Hellraiser
said:
|
Por fabor stop di bay ariba issuesnan di panja. Y si segun mi nan twt bisti algo asina antes. Hopi exito na nos deportistanan. Disfruta y mi ta sigur cu boso lo laga Aruba su nomber rezona |
asfs
said:
|
Punto di bista hopi eens cu bo... ta pesey e moralidad ta fracasando na Aruba.. MUCHU negartivismo...cu hende nan asina Aruba no lo hanja niun forsa pa bay dilanti, anto nan ta bastante... mester stop cue cos aki!!! e no ta saludabel!!! |
asfs
said:
|
bastante hende = arubiano nan... srry cu mi a generalisa.. pero mayoria arubiano ta asina!!!... Demasiado tristo... ta pesey Aruba no por bay dilanti!!!!!!!!!!!!!!!! |
asfs
said:
|
mi a cuminsa nota cu turismo ta bahando..... dicon?????? no gobierno, SINO NOS HENDE NAN.... |
asfs
said:
|
ki dia mi ta cuminsa tende di VISIONARIO nan pa mi Aruba?????? |
Baiswa
said:
|
Biba aruba,biba nos pueblo arubiano. BIBA |
wowo critico
said:
|
pikidonan i piew, kliernan,negativonan,boso no ta cansa di yora?nada no ta bon pa boso.donder op om! |
WALTER CROES
said:
|
AKI NA COSTARICA NOS SINTI NOS MES MASHA ORGULLOSO DI MIRA NOS BANDERA BULA DEN E GRANDI NAN DANKI ARUBA |
BD
said:
|
@ Punto di bista...den mi opinion bo a desvia bastante di e topico. Bo ta bisa cu bo ta Rubiano, pero di berdad bo ta? Bo a bin pa bisa cu Rubiano ta conoci pa bebedo etc. etc. Asina kortzichtig bo ta cu bo no sa cu ta na tur parti di mundo tin hende ta bebe etc. etc.? Cada un di nos tin derecho riba nos opinion, mi no por hanja algo bunita si e no ta asina. Imaginabo cu nos tur tin mesun opinion y cu nos ta gusta e mesun cosnan. Bastante saai toch? Mi a caba di tende na t.v. cu e panja ta disenja na estilo di kimono chines cu symbolonan di nos c*ltura. Kiko nos c*ltura tin te maken cu kimono chines? Desde cuando? Nada contra kimono chines, pero cu sombre di cowboy of cunukero? Wow, ki combinacion! |
Asfs...Stima tur hende... sa caba Badness outta Style!!!
said:
|
ma wa na tv... nan cu nan uniform na beijing... e koi tabata hopi mal krow mes.... sigur hopi no kier a wake, arubiano nan sin aprecio y e balor |
Roslin
said:
|
Wel na tur esanan cu ta hanja e panja bunita, wel boso wowo ta sera mes. Kritica ora mester, i ora abo como Arubiano mester mira con Aruba a bin riba TV ni nan a bisa ki sorto di alteletico nan abin cu ne, psao mi kier sa ta 2 atleticco anto 20 delegacion. Asina bon ARuba a wordo provone. STOP  |
Roslin
said:
|
Hellriaser:: Bo ta scirbi bon bai pasa bon of bon vacantie. I no Lubida tin pl;aca di bo tambe aden. Logue cu Gobierno juda ta dibo tambe. I con dos hende por lag Aruba su nomber rezona nan tin cu cualifica ainda. Dus unda ARuba su nomber ta bin Sali???? |
Roslin
said:
|
Wowo critico: bo nomber mes ta bisa, kritiek berdat semper ta pika. Mal kritiek i redo esey bo tin di critica  |
Roslin
said:
|
Asfs :: Ki nos hendena ???ken ta trahando awe den e servisio turistico????? Stranhero, no puntra mes nan servisio, i ta bo spanjo nan por papia. Anto ta ken su falta e saki ta???DI GOBIERNO I DI NINGUN HENDE MAS |
Roslin
said:
|
Imaginabo : Bo punta di bisata t hopi bon. Bo mes ta toka i bo mes ta balia. Con bo por sa cu nan ta sinta den bar bo mester a pasa wak?? Sino bo ta haci redo paso bo mester wak cu bo propio wowo pa bo comenta.  |
awosimitamuri
said:
|
Panja, bandera, etc etc....Pa anjanan largo tin hende na top di e organisacion aki ta biba lekker y no kier hala ni cu nan pone un bom bow di su stoel. E ridic*les di manda un comunicado for di Beijng pa bisa cu nan a hanja un caluroso welcome ta e toppunt di tur sinberguenseria. Ta cua pais of delegacion no a hanja e caluroso bon bini na China. Bisa cuanto medaya bo ta bin cu ne, e ora bo por manda press release. Ban serio swaaaaaa!!!!!!!! |
